7/01/2006

ألو، أنا الريس


ألو، أنا الريس يا آلاء
آلاء: أهلا.. يا فندم
الريس: اكتبى واقرئى، وقولى رأيك بحرية.. وماتخفيش من حد
آلاء: ربنا يخليك لينا يا سيادة الريس
الريس: عايزة حاجة يا بنتى؟
آلاء: نتمنى أن تزورنا فى شربين
الريس: عندما أزور المنصورة هجلكم فى شربين



هذا ما نشر بالأمس فى الأهرام حرفيا، لنفترض انه حصل فعلا، ونفترض كمان ان دا بالظبط نص الحوار، وفكروا معايا.. ليه وعشان ايه؟

ايه اللى يخلى الموقف يتحول فجأة كده، وتتدخل العناية المباركية لإنقاذ مستقبل آلاء؟ من امبارح وانا بفكر.. طيب ما إبراهيم عيسى اخد سنة سجن.. وهو بأه صحفى ومبارك وعدهم من سنين بحرية النشر، حتى اغنية "اخترناه.. اخترناه" تشهد. مخى عمال يودى ويجيب. ما هو مش معقول يكون الانتشار الاعلامى لموضوع آلاء هو بس السبب.. وللا هو؟ ما هو لو هو دا السبب، يبقى ياللا نعمل حملات اعلامية جامدة لصالح كل سجناء الرأى، صحيح معرفش ازاى نعملها جامدة، اقصد معرفش ازاى ممكن نخلى كل الصحف وكل وكالات الأنباء تكتب عنها.. بس.. طيب استنوا، يمكن الموضوع انتشر اوى لأنه جديد؟ مش صحفى ولا مناضل.. دى بنت فى ثانوى

انا كده تهت.. ايه اللى يخلى موضوع آلاء يتحول كده؟

:لو عندك تصور ما للموضوع اكتب عنه، بس الأول اقرا

مقال فى الجارديان قبل تدخل مبارك
How to pass your exams in Egypt

تحليل البى بى سى لتحقيق الأهرام
Mubarak 'solves girl's exam problem'


وطبعا شكرا لأسد على مجهوده فى اعداد صفحة تضامن مع آلاء، واللى مالحقتش تشوف النور للتدخل "الفورى" - اه والله الأخبار كتبت "فور علم الريس"، اللى تم بعد اكتر من اسبوع على انتشار القضية

26 comments:

  1. أولا ألف مبروك اللوك الجديد
    ثانيا : النظام في حاجة كل فترة إلى تجميل صورته ، أو قمة صورته ، ولكن في الجزء الذي يرغب هو فيه ، وليس نحن ، لذا مهما قمنا بحملات فالنظام لن يستيب إلا لما يريده هو ، ثالثا ، أليس المدرس والناظر ومدير المديرية التعليمية ، وكل طاقم المسئولين الذين حكموا على آلاء بالرسوب جزءا من النظام ، هم كذلك بالفعل ، وما قاموا به ليس مستغربا ، بل هو تفصيلة أساسية ، وبديهية أيضا من تفصيلات عملهم ، وصدقيني لو تكرر الأمر مرة أخرى سيتكرر بحذافيره ن وصدقيني مرة أخرى هناك ملايين من آلاء في مصر لا يجدون من يسأل عنه أو يقولهم آلو ، لكن السؤال ألأأكثر سخرية ، هو كيف عرفت الجرائد القومية تفاصيل المكالمة ، همه كانوا رافعين السماعة التانية ولا إيه ؟؟؟

    ReplyDelete
  2. اولا : الف مبروك لآلاء على نجاحها لأنها تستق تنجح
    ثانيا : الموضوع وما فيه من وجهة نظرى ان له تأثير معنوى على الناس مش اكتر من كده والناس الغلابة فى بلدنا كتير كل مصادر معلوماتهم تتوقف عند التليفزيون والجرائد ومفيش لهم مصادر تانية وهى دى اغلبية الشعب المصرى
    والحكومة بتلعب على التر ده ناس دايخة بتدور على لقمة العيش وناس تايهة بتدور على مكان تستخبى فيه من المعتقلات يعنى بيعتقلوا نفسهم بنفسهم والحكومة ناجحة غى تنفيذ السياسة دى بشكل كبير
    اما حكاية الاء لا تتعدى كونها طفلة غلطت مش عبرت بجد عن رايها واحاسيسها برغم ان مفاهيمها السياسية لسه ملهاش ملامح علشان كده سابوها وكسبوا نقطة عند الناس ربنا يقويهم ويقوينا عليهم
    ثالثا انا عملت مدونة منذ 10 ايام ولم يتم نشرها حتى الان ارجوكى ممكن اعرف السبب وتساعينى على نشرها وده
    الايميل بتاعى
    KML_HELMY@Hotmail.com
    برجاء مساعدتى على نشر المدونة وهى بعنوان اوجاع امة
    http:// awgaaoma .blogspot.com

    ReplyDelete
  3. قرأت أيضاً الأهرام أمس, ولم أتعجب من تلك الحركة الفاضية, فالنظام يحاول إيهامنا أن الوحشين هما اللي حوالين الريس أما الريس فيا حبة عيني طيب وابن حلال وميهونش عليه حد يخش السجن ولا يتبهدل ولا يضيع عمره ولا يسقط سنة
    \
    فيه من خمسين سنة نفس الناس شغالين بالطريقة دي لإيهام الناس فكرة ان ان الريس ميعرفش ولو يعرف هيعمل الصح على طول, لأنه ميرضهوش الظلم

    ولكن هذه الطريقة أثببت فشلها وعدم قناعة الناس بتلك التمثيلة السخيفة وتذكروا ما يحدث مع أيمن نور من اتجداء البعض للعفو كي يقولوا أن الريس ميرضاش بهدلة الراجل العيان ولو كان مزو
    =
    الله يحرقهم هما ومسلسلات رمضان الفاشلة
    =
    مبروك على الشكل الجديد جداً
    =
    سلام
    =

    ReplyDelete
  4. اقول ع حاجة عارفين هما كاتبين ليه فور علم الرئيس؟؟

    علشان الرئيس عجز وبقى ينسى وعقبال ما افتكر الموضوع ده كلم الاء ..
    يمكن يكون جاله زهيمر؟
    :)

    ReplyDelete
  5. I like your newlook..and I has been a frequent vistor of you since I was on blogspirit./.Allah yer7am ayamo :D..ANYWAY...NOW I am leaving my first comment on the Top Topic of Egypt..Ala2 Neg7t befadl el rays..ya 7aloly..wetekteb ely nefsaha fih..bas be3eed 3n war2t el egaba..tayb mashy..7ader..we Ibrahim 3issa..we Wael El Ebrashy..we kol el nas el shareefa di?! 3aiza tada7'ol meen insha Allah!!!

    ReplyDelete
  6. Congratulation for the NEW LOOK

    And,
    If its ONLY him to decide and instruct in the All Geographical directions to covers, follow up on PPls needs.
    I do need someone to tell me the use of this Government,ministers, governors, directors,.... and the holy position listed in the news every day.

    No doubt She is very lucky but what about other cases yet to be invistigated; not necessarly educational issues.

    THANKS Mr. president.

    ReplyDelete
  7. الموضوع و ما فيه فى راى
    ان عملية استغلال كل مايقدروا عليه بدون خسائر
    ايه يعنى لما يطلع ويقولك ده هم غلطوا واحنا اسفين اكتبى يا بنتى اللى انت عاوزاه
    البنت رسبت او نجحت كتبت موضوع تعبير او مكتبتش موش هيأثر عليهم
    البنت بره السجن جوه السجن ولا ليها اى قيمة او خطر يذكر عليهم
    الهدف الاساسى احنا موش خسرانين حاجة
    واهى منها حركة دعائية بحته
    عنوانها " فى امل يا شعب"
    والظريف كمان ربوا الرعب جوه الطلبة
    استحالة بعد كده الموضوع هتكرر
    من الاخر كل اب و ام هيقولوا لولدهم
    "اوعى يابنى تتكلم فى السياسة فى الامتحان اكتب الموضوع اللى المستر حفظهولك"
    وكسبوا نقطة عند "الشعب العاتفى"
    بالتاء موش بالطاء
    يعنى من النهاية الريس ابو قلب طيب و حنين حل المشكلة

    ReplyDelete
  8. ahap
    طبيعي ان شوفو من وراها
    نحن نعيش في دوله مرعوبه
    ثانيا
    هناك من يظن انه اوصياء
    علي النظام
    ملكيون اكثر من الملك

    ReplyDelete
  9. بنت جميلة أنت بنت مصرية جميلة بصي يا ستي موضوع ألاء ده أشتغالة علشان يكسب تعاطف الناس الغلابا الي عندهم عيال في ثاناوية عامة زي الحركات الفاطشه بتاعت الأفلام الأمريكاني التعبانه و بعدين تكتب ألاء زي ما تكتب بعد ما تكبر ألاء و يبقي ليها فكر عايزة تنشره او حاشا لله توجه سياسي معين تدخل ألاء السجن و تروح في ستين داهية زي الأبراشي و سحر و أبراهيم عيسي و باقي سجناك الرأي

    يارب العيد الجاي ملقيهوش بيصلي صلاة العيد في التلفزيون و يكون عيد سعيد علينا كلنا

    ReplyDelete
  10. الو
    ....
    لأ
    ....
    لالالأ
    ....
    لالالألألأ
    .....
    احيييه
    دا الحال من بعضه

    ReplyDelete
  11. طول عمري بقول عليه انه حونين قوووووووووي

    الله عليك يا باشا

    ReplyDelete
  12. من الاخر كدا الموضوع دا اشتغاله كله فى بعضة يا جماعة ودى بروبجادة للرئيس ابو قلب خصايه ودا الكلام الى عندى
    ربنا يهدة زى ما هدوا السلم لملم لملم

    ReplyDelete
  13. أشكرك يا زي على التنويه عن الصفحة اللي مبقاش ليها لازمة بسبب الريس ,

    المهم همتك معانا في الموضوع التاني ده , هو اللي يستاهل :

    دعوة للتظاهر أمام السفارة الصهيونية - اضغط هنا

    ReplyDelete
  14. الطالبة ألاء.. أغلب الناس تعاطفوا معاها.
    انما ابراهيم عيسى مش كل الناس متعاطفة معاه .

    ReplyDelete
  15. انتم عارفين لما العبد يلحس حذاء سيده اكثر مما سيده يعوز؟
    مين اللي بلغ عن الاء اصلا؟
    مدرس بيصحح الامتحان
    والمدرس يعمل فيها " وطني " ليه اصلا؟ ويروح يبلغ السلطات ؟
    يا خايف ..ياعاوز ياخد شريطة

    النظام الامني هو اللي بيحكم مصر
    الامن مبيفكرش بعقل
    لا بيهبل
    وساعات بتتقلب عليه

    لا فيه مؤامرة ولا يحزنون
    مدرس حمار
    بلغ الامن
    الامن عاش في دور حماية الدولة من الارهاب
    الموضوع كبر علي ما فيش
    بقي الاعلام بيكيتب

    فضيحة
    يجي جدو مبارك
    يقول
    يا عبد منك ليه حد قالوكم تلحسوا الجزمة بتاعتي الا لما احتاجكم ؟
    بت يا الاء
    اكتبي يا بت
    والعبي براحتك يا بت

    البت الاء ...والرئيس
    يا لهوي
    بابا مبارك
    انت بابا وانت ماما وانت انور وجدي
    يا ريتني مكتبيت اللي كتبته عنك
    انت مظلوم
    وحواليك ناس وحشة ديابة
    حتزورنا امتي يا بابا؟

    وهكذا في محاولة لخلق حرة جديدة
    تحول الموضوع الي مهزلة
    وعاد الحر عبدا

    مبارك ذكي
    بت صغيرة تعمله فضيحة
    خلص الموضوع
    شوية صيع بيقولوا يسقط مبارك محدش بيتعاطف معاهم
    ارميهم في المعتقلات
    دي عالم عاملالنا صداع

    الشعب المصري يبدو انه متاصل في مسالة العبودية
    بل وفي نسيان ظلم الظالم بمجرد ميبطبطب عليه

    فيه سؤال
    مين اللي سرب الخبر اصلا للاعلام؟
    بيتهيالي واحد غبي من بتوع الامن كان فاكر انه حياخد شريطة بيها هو كمان
    بمعني
    العبيد بيلحسوا جزمة السيد زيادة علي اللزوم
    والسيد بس بيحدد كمية اللحس
    وبيصحح الاخطاء اللي ناتجة عن اللحس الزيادة

    ويظل العبد عبدا

    والله اعلم

    ReplyDelete
  16. تحيا آلاء و يسقط الأعداء
    انا متفائل خير بشباب مصر والله و اياك بس اهلها ميخلوهاش تتراجع و تخاف
    آلاء رمز لمصر و سمعتها بتتكلم في البيت بيتك ..محمود سعد بيقولها كنتي طبعاً سعيدة و مش مصدقة نفسك لما كلمك الريس
    ردت رد لم أكن متوقعه علي الأطلاق
    قالت: عادي خالص محصليش حاجة
    ربنا يحميكي يا آلاء
    و مبروك علي اللوك يا بنت مصرية

    ReplyDelete
  17. عايزه أفهم حاجه .. يعني كل مشكلات قمع الرأي و أشكال ل التعنت و الفساد ف مصر سحلها قطر و ما نجيش الا مشكلة ألاء ؟؟

    مبارك ما سمعش الا عن مشكلة الاء ؟؟ ما سمعش عن شرقاوي ؟؟ ما سمعش عن سراندو ؟؟ ما سمعش عن اطفال التطعيمات الفاسدة ؟؟ طيب يعني اشمعني ؟؟ ده القضاة هينتحروا و الصحفيين هيلبسوا حله و يجروا ف الشوارع بعد القانون الاهبل اللي مرروه ف مجلس الشعب .. و هروا الدنيا كلام ولا حد قالهم بتقولوا ايه ..

    بجد سؤال ف قمة الاهمية .. يعني اشمعني المشكله دي ؟؟ و هل المطلوب دلوقتي ان كل مشكله لازم تتفاقم لحد ما سيادته يتنازل و يتعطف و يحن و يحلها ؟؟ طيب ما تيجي نحل مجلس الوزرا و مجلس الشعب و المجلس الاعلي للقضاء و نقضيها تليفونات مع سيادته بقي !!

    بجد حاجه تفلق ..

    ReplyDelete
  18. كتبت عن المدرس في هذا الموضوع :

    http://egyptian-ta3leem.blogspot.com/2006/06/blog-post_27.html

    ReplyDelete
  19. في 9\4\2002
    كنت موجود في مظاهرات الاسكندرية اللي اتقتل فيها كذا واحد و اتعمي فيها كذا واحد من صحابي

    المهم, الإمن يويميها لمله 100أو 200 طالب و راح راميهم في المدرعات بتاعته
    و ضحكوا علي العيال و قالولهم احنا حنمشيكم بعد ما المظاهرة تنفض

    و فجاة العيال لقوا العربيات بتمشي
    و فجأة لقوا نفسهم في الغربانيات

    و فجأة لقوا نفسهم في النيابة

    واحنا اللي ما اتمساكناش يعني ما بطالناش تنطيط و مظاهرات و اعتصامات
    و رحنا سبينا لرئيس الجامعة
    و ما اكدبش عليكوا عيطنا لوه شوية ..كله يهون علشان صحابنا

    و أهالي صحابنا راحوا اعتصموا ادام النيابة
    الشيئ الجميل إن النيابة كانت كمان معتصمة معانا
    الموظفات كانوا بيدخلوا أكل لأصحابنا
    و يسربولهم الموبايلات علشان يكلمونا

    المهم قعدنا متزاولين في الحوار ده بتاع اسبوعين

    و فجأة لقينا الأب الرئيس بيعلن العفو عن ابنائه المتظاهرين

    فهتفنا كلنا:يلعن ديك أمك انت كنت نايم كل ده

    حكاية الاء فكرتني بالقصة القديمة دي
    ربنا يخليكي يا الاء

    ReplyDelete
  20. مش ملاحظين إن كل البنات الجدعان إسمهم في "اء"في الاخر
    يعني اديك مثال...
    وفاء الفلسطينية اللي عملت عملية استشهادية من خمس سنين
    سناء اللي خطفت الطيارة الاسرائيلية
    الاء الطفلة المصري الحرة
    دعاء العدل اللي صممت اللوك الجديد
    بتاع بنت مصرية
    www.mashrabya.blogspot.com

    ReplyDelete
  21. والله أنا دايما إعتدت افترض الأحسن بغض النظر عن الاحداث
    وجهة نظري غن الرئيس حسني مبارك.. مش بيتابع اللي بيحصل زي ما إحنا بنتابعه كده لإلتزاماته و أعتقد إن المسألة كانت محجوبة عنه بشكل ما.. و الموقف الخاص بوزير التربية و التعليم و مديرية التربية و التعليم هناك أعتقد إنه كان نتيجة إجتهاد شخصي و بما إن شخصيات الناس دي بيروقراطية قوي زي ما قلت قبل كده (عبة الروتين) فبالتالي رد فعلهم كان بالشكل الغبي ده... مجرد تطبيق من وجهة نظرهم للقانون و بكل غباء
    أما عن حسني ميارك فزي ما ذكرت إنه لا يرى إلا ما يريد الآخرون أن يراه
    لي قريب وكان بيشتغل في وظيفة حكومية هامة و كل الجرايد كانت بتروحلة البيت وبالرغم من كده كنت انا اللي بقرأها لأنه هو شخصيا مكانش عنده وقت يقراها ومكانش يفتحها إلا لو لقى مذكرة بخصوص موضوع في نشر أو مشكلة نشرت ووردت ليه في البوسطة.. يعني ده كان موظف.. فما بالك برئيس دولة. صحيح الحركة اللي ذكرتها الجرايد واضح قوي إنها حركة مسرحية.. لكن الحقيقة بردو إن كل حاجة بيعملها بناء على برنامج موضوع مفيش خطوة فعلية بياخدها من غير متكون متحدداله.. يعني لازم نفهم إن حسني مبارك رمز لمصر زي العلم و ليس فعليا العقل المفكر و المدبر لكل ما يحدث.. و لو جيتوا للحق إن عملية إخفاء كل ما يحدث لصالحهم لأن مفيش رئيس دولة يحب إنه يكون مصب لغضب شعبه وبالتالي كل المحتجزين دول غالبا لو كان وصل موضوعهم للرئيس فأكيد وصل بشكل مغلوط بحيث إنه ميغلطش الجهاز الأمني و بالتالي محدش منهم يخسر شغلانته أو منصبه.. كل اللي بيحصل ده نتيجة تنفيذ غبي للقوانين من ناحية الأمن و قلة منهم مريضة نفسيا والموضوع لما خرج من إيديهم ساؤا فيها زي ما واحد بكدب كدبة و يعيش فيها علشان الناس متكتشفش كدبه... يعني المشكلة الأساسية في ضمائر الناس اللي بتوصل الكلام بشكل مغلوط .. علشان على رأيكم تاخد شريطة

    ReplyDelete
  22. اولا احب احييكيعلي النيولوك الجديد للسيت
    ثانيا فهذه هي اتجاهاتالحكومه في الفترهالاخيره
    اذا كانت الاءبنت عاديه رلم تستطيع ان تتجه الي من يسمعصوتهااو شكواهافكان مصيرها الفشل
    لني اجد ان العيب في النظام من اوله لاخره ولابد من حل جزري
    اود ان تكوني علي اتصال بي

    ReplyDelete
  23. الحقيقة انا تخيلت ان الريس اتصل بيه انا كمان :) والموضوع كان فعلا يضحك لدرجه كبيره .. لأني مش متخيل ان واحد يكلمني يقولي انا الريس اقوله قشطه يا باشا عامل ايه و اخبار الكليه ايه و نازل القهوه بليل ولا لأ :) الموضوع كبير و عايز تحضير كتير
    الحمد لله ان الريس مش بيكلمنا في البيت ههههه

    ZanGooLa
    masrena.blogspot.com

    ReplyDelete
  24. في البداية اسجل اعجابي لمدونتك الجميلة لقد تابعت قضية الاء التي تناولتها الفضائيات ... واعتقد ان تدخل الرئيس بسبب تطرق وسائل الاعلام للقمع التي تعرضت له هذه الطفلة والاسلوب الغير عقلاني الذي اتبعه المسؤولين لحل هذه المشكلة
    والتي لا اعتقد انها تتوجب الحل بل تتوجب ان يتمعن المسؤولين في سياستهم الغير موفقة

    ReplyDelete
  25. حلو اوى اللوك الجديد والف مبروك عليه ،بالنسبه الاء فالموضوع بمنتهى البساطه حسنى مبارك حب بيعمل فيها شو عشان يكب بنط على حسا ب الغلابه ولانه شاف الموضوع كبر اوى وكمان فيه لجنه اتكونت عشان حقوق الاء فقال الموضوع واصفى بعد كده حسابى بعدين واعمل فيها الاب الحنون واكتبى يا حببيتى اللى انتى عاوزه والافلام الهندى ده لكن انا اراهن ان البنت ده هاتشوف اللى عمرها ماشفته قبل كده هى واهلها وللعلم لها اخ فى تجاره يعنى مممكن يصفوا الحساب بتاعهم معاه

    ReplyDelete
  26. اولا انا سعيد بهذا الموقع لانة محترم بجد
    ثانيا ىا جماعة دة اسلوب ياهود بدل ما يحل الوزير او المحافظ المشكله يحلها الريس ويطلع هو اللي حلو وطيب واللي حوالية هما اللى ما بيحبوش الشعب والا الديموقراطية
    عاااااااااااااادي

    ReplyDelete