9/04/2006

صداقة

أنا.. هى التى يستتر بها البوح، يطمئن لها فيخرج من مكمنه المعتم ليضىء الأكوان الصامتة. تحيط بإثنين لا ثالث لهما، أو ثلاثة لا رابع لهما أو أربعة لا خامس لهما.. مهما كان العدد، فيقتصر ولا يمتد، ولا يخرج عنه السر، ولا يتكشف طالما تحققت فوثقوا فاطمأنوا. تتهدر الدموع أو تتلألأ الضحكات فى فضاءاتها، فلا يعلو على سورها سور ولا يتراحم إلا بها الغرباء

أنا.. هى التى يبحثن عنها بين ثنايا الروح والمرافىء بين العيون. تتقلب بأيامهن مختبئة بين أغلفة الهدايا وحكايات الطريق، تفاجئهن كلحظات المطر الصيفى وطرقات على الباب.. تتواصل معهن عبر أسلاك الهواتف والحكى المشحون.. تهدأ تحت جلودهن كليلة حناء أو درس دين أو إبتسامة تعبر بهن جسور الغضب والتراشق والفقد. أو تتجلى كخاطرة تتوارد أو رقصة جماعية على أغنية

أنا.. هى التى تروى زهور القلب فى أيام البعاد، حتى إذا تلاقت العيون ارتمت القلوب فى أحضان متوالية تتلمس تلك الزهور.. تتحسس نموها الحتمى وتتسمع الأخبار المعتقة من أجل تلك اللحظة

30 comments:

  1. :(

    مش عارفه اقول ايه

    ReplyDelete
  2. احلى تعبير عن الصداقه

    شكرا ليكى

    ReplyDelete
  3. لا أحد يبحث عن الماس في العيون ولكن الكل يبحث عن الصدق فيها
    عن يد حانية تنتشلنا إن سقطنا أو بسمة هادئة ترفع روحنا المعنوية إن فشلنا أو يد تصفق بشدة عندما نفعل شيئ له قيمة
    أو فقط أحداً ما يتصل بك دون سبب ويقولك بحميمة
    "وحشتني يراجل..فينك"

    ReplyDelete
  4. بنوته ليا طلب .. لو سمحتي المساحه اللي بتنشري فيها البوستات تبقى عريضه شويه ..

    ReplyDelete
  5. ايه الجمال ده .. تسلم ايديكي الحلوين .. بجد بوست حلو قوي قوي ..

    :)

    ReplyDelete
  6. بوست جميل وتشبيهاته حلوة وأحب أشكرك جدا على مدونتك أ,ب,تدوين ساعدتني جدا على إنشاء مدونتي عاشق مصر

    ReplyDelete
  7. فهمت دلوقتي يعني ايه تقرا تدوينه و تحس انك مينفعش تمشي من غير ما تكتب تعليق

    باختصار .. رائعه

    ReplyDelete
  8. it's great
    شكرا لكي على هذه الكلمات الحلوة

    ReplyDelete
  9. اول حاجة يا زينب انا اسف انا كان عندي ظروف هاتعرفيها لو فتحتي الماسنجر....وبعدين انتي مش كنتي عاملة مدونة بتكون للمواضيع اللي زي ديه...انا مش هاعلق علشان بدايق لما محدش بيرد عليا

    ReplyDelete
  10. شيماء
    مش لازم تقولى :) هى وصلت
    ----------

    metkazy
    عفوا :)
    -----------

    حائر
    الله يا حائر، اهى "وحشتنى ياراجل فينك" دى بالدنيا وما فيها
    ----------

    شيرى
    حاضر، يا شيرى.. بس صبرك عليا، انا هغير تصميم المدونة اساسا.. وهفتح اودتين على بعض واعملهم ريسبشن كبير:) على فكرة مش بهزر
    -----------

    رومانتيك
    يا كوكى تسلمى لى.. وتسلم لى صداقتك
    -----------

    احمد المصرى
    ميرسى. ومبروك المدونة. واى خدمة يا احمد
    :)
    ---------------

    زانجولا
    بصراحة بصراحة؟ حلو اوى تعليقك
    :D
    -------------

    مصراوى
    ميرسى يا افندينا، هو انت عامل مدونتك على مكتوب ليه صحيح؟؟
    ------------

    مامبوتش
    ميرسى يا فندم؟؟
    اول مرة حد من تونس يعلق عندى تقريبا.. يعنى يا اهلا يا اهلا.. انا بحب تونس برشا برشا :)
    -------------

    مصراوى
    انا هنا
    ---------

    عربى
    عرفت وقريت يا عربى.. ومش زعلانة ، دى اجة طبيعية وبتحصل كتير.. بس هيبقى ليا واحدة كده هههههههههه... وبعدين كويس انك بفكرتنى ببتكون.. انا عايزة ارد على تعليقاتك.. وانزل حاجة جديدة.. بس بالراحة عليا اساسا كل ما افتكر انك سايب فيها خمس ست تعلقيات بكسل ادخلها وابتدى اعلق... ما هو لما تسيب تلعيقات مايبقاش خمسة ستة مرة واحدة بدرو :))
    ----------

    ابيتاف
    وحشتينى يا ابى.. بعد الشر عنك من الذبول يا جميل

    ReplyDelete
  11. بس قوليلي ايه حوار الادب اللي انت فيه ده انتي وبلو وشيريهان...والنبي مش طالبه تقعيد كفاية المكتبة اللي ابويا هاريني كتب منها(احنا عندنا مكتبة عملاقة...لا 3 وحياتك)اللي هايتكلم بالفصحي هاقطعه...خلينا نتكلم بلغة الكفار والزناديق(واخدة بالك يا اروي؟

    ReplyDelete
  12. شكرا لك على الرد. أنا أيضا أحب برشا برشا مصر و لو أني لم أزرها بعد. سوف أحاول أن أزور مدونتك كل ما تتاح لي الفرصة.
    مع تحياتي للجميع

    ReplyDelete
  13. إيه كل الوجد ده ؟!

    الله يرزقنا الصحبة الصالحة دنيا وآخرة

    ولا تنسوا مدونتا من تعليق

    ReplyDelete
  14. وانا اعشق الذات التي تورات خلف ذلك

    ReplyDelete
  15. مدونة حلوة ونتمنى ان نكون اصدقاء للجميع

    ReplyDelete
  16. احسد اللذين علقوا قبلي انهم استطاعوا التعليق على هذا الكلام الأخاذ بمثل هذه سرعة أما انا فأحتاج لبرهة حتى اصل لهذا العمق .. وأأسف على من لم يستطيع التعليق .. فبعضنا يا سيدتي يختنق اذا ما غاص لهكذا عمق.

    ReplyDelete
  17. بنوتي الحلوه اكيد ما صديق وفي للمدونين زيك
    تاني حاجه كبري المساحة شويه لوسمحت يانونه
    ثالث حاجة انا دوشتك الحقيقه الفضل يعود لكي في مدونتي لانني عن طريقك عرفت اعمل مدونه ازاي بس حاولت اعمل الارشيف او مدونون واحط فيه المفضيلين او حتى اغنيه الدنيا باظت خالص حتى بمساعدة شرحك في كيف تنشئ مدونه ارجوكي اعديني

    ReplyDelete
  18. صورة مثالية للصداقة
    وحالمة أيضا
    أتمنى أن أعش مثل تلك الحالة
    :)

    ReplyDelete
  19. الصداقة نعمة من الله سبحانه و تعالى
    و أجمل ما فى الصداقة أنك تجد من يقتسم معك حزنك فيهون عليك و من يشاركك فرحك بفرحة مساوية فتضاعف فرحتك
    وقد قال سيد البشر الرسول صلى الله عليه وعلى آله وسلم: "الأرواح جنود مجندة، فما تعارف منها ائتلف، وما تناكر منها اختلف "
    تحياتى لك يا زيزى دايما و اخدانا لدنيا صافية و جميلة من خلال موضوعاتك

    ReplyDelete
  20. أنا.. هى التى تروى زهور القلب فى أيام البعاد،

    بجد حلو قوي قوي التعبير ده برافو

    ReplyDelete
  21. فإذا كنت أنت مرفأ حياري السهاد ...فهل هناك مكان لسفينة حائرة تدور بحثآ عن ملاذ؟؟


    جميلة جدآ كلماتك عميقة في أثرها علي النفس..شكرآ لك

    ReplyDelete
  22. احنا كلنا كده مش مالين عينك ولا ايه...14 شاب زي الورد عاملينلك كومنت وانتي منافضالهم...علشان تعرفي لما اقولك ان زينب وبنت مصرية واحد

    ReplyDelete
  23. Maxxed`ouT
    شكرا :)
    ----------------

    عربى
    يعنى انت شايف ان دول كلميتن يندرجوا تحت تصنيف "الأدب"
    :D
    انت لازم تعرفنى على مكتبات السيد الوالد على فكرة
    ------------
    bamboutch
    اهلا بيك فى مدونتى، واهلا بيك فى مصر لما تيجى
    -------------

    بلبل حيران
    وجد ههههههه الكلمة دى من سنة تلاتين
    :P
    امين يا رب يرزقنا الصحبه الصالحة دنيا ودين
    ----------------

    ادم المصرى
    احم :) الصداقة مهمة جدا ولازم نديلها حقها
    ------------

    عنصر وطنى
    شكرا، واهلا بيك صديق فى برنامج ما يطلبه المعللقين :)))
    -----------

    احمد
    بصراحة يعنى تعليق تحفة، انا هاخده اعلقه على بوابة المدونة
    --------

    ام العيال
    يا جميلة ربنا يخليكى
    انا هكبرها والله، بس اصبروا عليا، هعمل تصميم جديد جديد جديد
    واتلاشى كل اخطأ وتراهات التصميم ده
    ------------

    عبده باشا
    يا فندم بس دور عليها بجد، واديلها من وقتك :)
    ---------

    رانية
    انا بحب الحديث دا اوى يا رانيا
    فعلا بحس ان الارواح كده
    ميرسى يا رنوون ربنا يدوم المحبة :)
    -------------

    رشا
    اه اسمك خلانى احبك من قبل ما اقرا التعليق.. عشان اعز صديقتين لقلبى واحدة اسمها رشا والتانية اسمها بردو رشا
    فانا بنام واصحى مع الاسم ده :)
    ---------------------

    all by myself
    يعنى ايه سهاد؟ نفسى من زمان اعرف يعنى ايه سهاد، عبدالحليم كان بيقول سهاد بردو
    ---------------

    مصراوى
    حاضر يا افندينا
    -----------

    عربى
    يا بنى اصبر على رزقك، دا كان هدوء ما قبل العاصفة، كنت مختفية من على مدونتى بس.. قبل عملية الانفجار الكبير
    ههههههههههههه

    ReplyDelete
  24. ها احم احم )) اه فعلا عندك حق

    ReplyDelete
  25. من عيني...انتي تقشري بس...وانا احطها في الزيت...:)...بألش في مدونتك اهه

    ReplyDelete
  26. علي فكرة الموضوعين اللي فوق حلوين بس انا مش هاعلق لاني حاسس بالغيرة من بلو روز.....صباحه تنفيض...يعني عاوزة تنفضي من الاول كنتي قولتيلي..مش تأخريني لحد ما تبدأ الدراسة وبعدين تديني الطارشة...عالعموم شكرا:)
    سلام يا منفضة

    ReplyDelete
  27. اسلوب ساحر, عمق فى التفكير, رؤية, سرعة بديهة...من انتى؟ تساؤل لابداء شدة الاعجاب ليس اكثر
    مدونتك جذابة يطغى عليها الفكر والاحساس, لا استطيع منع نفسى عن ملاحقة كتاباتكِ

    ReplyDelete
  28. أم كلثوم قالت : بأنام وأصحى على إبتسامتك بتقوللي ... عيش

    وأنا كمان بأقول : بأنام وأصحي وأحلم على (تدوينتك) بتقولي إبعتلها وقولها أنا معجب .. وبس

    ozoris

    ReplyDelete