9/20/2006

يحيا الهلال مع الصليب بعد التوضيح

كردود الأفعال المتأخرة تأتى تلك التدوينة فى محاولة جادة مني لعدم التسرع والكتابة بانفعال. تباطأت فى التعبير عن رأيي فى موضوع محاضرة بابا الفاتيكان حتى أتعرف على الصورة بأغلب أبعادها، تباطؤ اسفر عن تدوينة تناقش نقطينن "فرعيتين" غير المشكلة الأساسية وهى "ليه المسلمين ملطشة العالم". اما النقطة الفرعية الأولى التى لفتت انتباهى جدا هى ان "البابا شنودة ينتقد اساءة بابا الفاتيكان للاسلام"

فى البداية لم أفهم لماذا يتحدث البابا شنودة فى هذا الموضوع ولماذا يخرج بتصريح ليؤكد على رفضه لما قاله بابا الفاتيكان. وحسب علمى ان الاثنان يختلفان فى الملة -البابا شنودة أرثوذوكسى وبابا الفاتيكان كاثوليكي- يعنى ببساطة الموضوع لا يخص البابا شنودة من بعيد ولا من قريب ولا يعد ما قاله بيندكت نيابة عن المسيحيين الارثوذكس، لكن بعدما قرأت كلمته كاملة داخلنى احساس انه يريد ان يوضح للمسلمين فى مصر تلك المعلومة البسيطة "أن على المسلمين المصريين أن يفرقوا بين المسيحيين هناك والمسيحيين المصريين" ادركت بالطبع ان من المسلمين من قد يغضب من المسيحيين هنا على اساس ان "اخوانهم فى الغرب" قالوا على الاسلام كذا وكذا. وطبعا ما احلى وحدتنا الوطنية عندما تتجلى فى تلك المواقف. تأكدت الفكرة عندما قرأت أخبارا عن تعرض كنائس للهجوم فى مدن عربية مثل نابلس والبصرة وقتل احدى الراهبات فى الصومال

البابا كان عنده حق إذن، يوجد من الاغبياء من يستسهل العنف، بل ويستخدمه ضد من ليس لهم ناقة ولا جمل فى القضية. وكان لابد على البابا شنودة ان يسارع بالرفض والاستنكار والشجب لبابا الفاتيكان ومن ناحية أخرى الحديث عن حسن العلاقات والتاريخ المشترك والمصير الواحد

النقطة الثانية هى عندما شاهدت حلقة العاشرة مساءا يوم السبت الماضى و - بالصدفة البحتة وعن غير عمد لاسباب تتعلق بالمرارة - شاهدت حلقة الظل الاحمر يوم الاحد. كلا من الحلقتين تحدثتا عن مشكلة بابا الفاتيكان.. وحاولتا مناقشة الأسباب وردود افعال العالم الاسلامى.. لكن شتان بين الحلقتين.. بين الذكاء والغباء، بين التهدئة والتسخين
فى حلقة العاشرة مساءا استضافت منى الشاذلي الانبا يوحنا قلته نائب بطريرك الأقباط الكاثوليك بمصر. وبالطبع كان ذكاء فى الاختيار لأن الكنسية الكاثوليكية فى مصر مثل كل الكنائس الكاثوليكية فى العالم تتبع الفاتيكان وان هذا الانبا قد يكون فى يوم من الايام بابا للفاتيكان ، فاذا اردت ان تستضيف طرف مسيحيى فليكن ذا صلة.. مع التأكيد ان المسيحيين الكاثوليك المصريين لا يتحملون أيضا اى مسئولية. المهم رغم محاولة الأنبا تقديم تبريرات واهية لما قاله البابا الا انه اكد وبوضوح رفض الاساءة لأى انسان وان روح المسيحية تحمل التسامح والمحبة، وتحدث كثيرا وأسهب قدر استطاعته عن التاريخ المشترك والاسلام الذى لولاه ما وصلت اوروبا لما وصلت إليه وعن تقدم المسلمين وازدهارهم فى القرن المش عارف كام

اما حلقة التسخين والتوليع اللى كانت على التلفزيون المصري فكان بطلها القمص مرقص عزيز كاهن الكنيسة المعلقة فى مصر - يعنى تبع الكنيسة الارثوذكسية - فقد استضافته سناء منصور للتعليق على محاضرة بابا الفاتيكان ، وبالطبع تحدث القمص عن الرفض التام لما قاله البابا وان هذا يعد اساءة كبيرة وان روح المسيحية لا تقبل مثل هذه التصرفات. لحد هنا والكلام جميل - ولو انى لا اعلم لماذا يتم استضافة قمص ارثوذكسى للتعليق على كلمات بابا كاثوليكى (إلا اذا كان بردو نفس سبب كلام البابا شنودة).. المهم الحوار تحول بعد ذلك لمقارنة علنية بين المسيحية الارثوذكسية والمسيحية الكاثوليكية، وكيف ان تلك هى الحقة والاخرى محرفة، بل تعدى الموقع للتشكيك فى وطنية الكاثوليك المصريين والتشكيك فى انتمائهم، حيث قال القمص ان الأقباط الكاثوليك فى حيرة بين انتمائهم كمصريين وبين انتمائهم للفاتيكان ، واكدت عليه سناء منصور قائلة "اه ه ه.. تقصد صراع نفسى" .. ايه فايدته يعنى؟
هذه هى يا سادة اساليب النقاش على التلفزيون المصري وكيفية اختيار الضيوف، وتحويل النقاش من الحديث عن "اهانة بابا الفاتيكان للاسلام" الى "ايهما افضل: الارثوذكسية ام الكاثوليكية" دون ادنى اعتبار لابسط قواعد النقاش وهى حضور الطرف الآخر، هذا اذا كان اصلا الحوار عن الملتين

----------

اما الموضوع الاساسى وهو "ليه المسلمين ملطشة العالم" فقد اقنعنى تفسير محمد سليم العوا الذى طرحه توضيحا لاسباب قيام بابا الفاتيكان بتوجية تلك الاهانه للاسلام ولسيدنا محمد صلى الله عليه وسلم، فقد ذكر لمنى الشاذلى عدة اسباب، اهمها هو ان اقصر الطرق لنيل الرضا الامريكي هو تقديم الدعم لحربها على "الارهاب" المتمثل فى المسلمين والشرق الاوسط.. ولان الكنيسة الكاثوليكية تواجة مشاكل كثيرة فى امريكا فكانت محاولة من البابا لاعطاء التأييد "الديني" لحملة بوش "الصليبية" على "الفاشية" - على اخر الزمن- الاسلامية والسبب الثانى هو طبيعة البابا المتطرفة نوعا تجاه المسلمين والتى ظهرت من قبل فى حكاية رواها دكتور العوا عن لقاء البابا بطلبه جدد من مختلف الديانات فى الفاتكيان ، وحديثه لكل مجموعة ، فكان ان خص الطلبة المسلمين بعبارة من نوع " اتمنى ان يزول الحقد من قلوبكم" .. طبعا يعنى كلمة بايخة تكضف اللى فى قلبه هو من حقد ، ما هو ماسنفعش نقول ان البابا يجهل الاسلام والمسلمين، ما يبقاش عاش عرمه دا كله ومعرفش عنهم كويس، وكويس اوى كمان، بس تقول ايه بأه على "المصالح" وعلى رأى الانبا قلته "الارهاب ملوش دين ولا ملة" وعلى رأيي انا "لما يكون فى قلوبنا احنا حقد امال بوش فى قلبه ايه؟".. وعلى رأي شعبولا "بس خلاص"

40 comments:

  1. بنيديكت أقحم الأرثوذكس في الموضوع لأن الامبراطور البيزنطي اللي استشهد بكلامه (مانويل الثاني) كانت امبراطوريته تنتمي للكنيسة الأرثوذكسية، و بالتالي كلام البابا شنودة هو تفنيد لكلام الاثنين، بنيديكت و مانويل.

    من المهم جدا التفرقة بين الدور السياسي و الدور الديني للفاتيكان، فالبابا السابق يوحنا بولس الثاني مثلا كان من أشد المناهضين للشيوعية، فكان بقصد أو بدون قصد من أسلحة الغرب في الحرب الباردة. الواضح إن بنيديكت يفعل الشيء نفسه مع الاسلام على اعتبار انه العدو الجديد "للحضارة" الغربية، و ما قاله في المحاضرة اياها ينسجم تماما مع معارضته لانضمام تركيا للاتحاد الأوروبي.

    المهم في الموضوع كله إن رد فعلنا حتى الآن مستنسخ من التجربة الدانمركية و ما سبقها من تجارب. هل من الصعب أن ندرك ان مهاجمة الكنائس و قتل راهبة عندها 60 سنة هو أكثر إهانة للإسلام مما قاله بنيديكت؟ هل نسقط في شرك بنيديكت ببساطة و نعلنها حرب شعواء على الكاثوليكية، مع العلم أن دول أميريكا اللاتينية و الوسطى، و المفترض أنها حليف لنا ضد أميريكا، ذات أغلبية كاثوليكية؟ هل نعطّل فريضة إسلامية إسمها الحوار (و جادلهم بالتي هي أحسن) لأن أحد أطراف ذلك الحوار أثبت سوء نيته؟ يا رب نعرف نجاوب.

    ReplyDelete
  2. أعتقد والله أعلم ان الموضوع ده محصلش اعتباطا, سواء بابا الفاتيكان اللى مش ممكن يكون بيقول الكلام من غير تقدير للعواقب و لا الناس اللى نشروا الموضوع فى كل حته وولعوها حريقة واستفزوا المسلمين فى كل مكان " دى مامتى سمعت ان البابا بيشتم ربنا و القرآن و هيصة "... أسهل حاجة دلوقتى التفسير الجاهز بنظرية المؤامرة ان فيه حاجة بتتدبر لها و مطلوب لها دلوقت تأليب المتطرفين و استخدامهم حجة لعمل شئ ما أو التغطية على عمل ما

    ReplyDelete
  3. كالعادة مواضيعك حلوة...ولوني زعلان منك بس قلت هي ماتعرفنيش...مش هاتفرق معاها زعلي...الموضوع حلو جدا...انا كمان عاوز اقول انا الراجل ده اساسا كان مش عارف مستشار البابا في اللاهوت...وعلاقة دراسته وثيقة بالدين الاسلامي...يعني هو مش عبيط...ده بس بيستعبط...وبعدين صحيح ديه قلة ادب...بس انا مرضتش اكتب لسبب...لاني عارف ليه الحكاية(زي حوار الكراكتير انتشر)..ببساطة الناس مشحونة...ولازم تفضي شحنها في حاجة....علشان كده الحكومة سخنت حوار الدنمارك اول مالاوضاع الداخلية سخنت في مصر...عمي مهاجر للدنمارك...بيقولي ان الكراكتير اتنشر قبل مالناس تسخن هنا بشهرين...وانهم راحوا للسفارة وعملوا مظاهرات وماحصلش حاجة...السؤال بقه ليه بيسخنونا علي الدنمارك والفاتيكان وبيضربونا ساعة لما نعمل مظاهرة علشان العراق ولا لبنان(مين العبيط اللي سأل السؤال ده)الاجابة ان الفاتيكان والدنمارك دول صغيرة وتعبانة ومش هاتأثر في حاجة لما علاقتنا بيهم تبوظ...لكن امريكا واسرائيل لا...سلام يا منفضتية

    ReplyDelete
  4. ميتهيألي اني مش هتناول الموضوع ده ومعنديش النية..

    أنا عايز أفهم حاجة..دلوقتي احنا مكفرين الشخص المذكور وهو مكفرنا، وهو ما يسمى -للشياكة- إختلاف مللي..
    جميل؟!

    أنا مكفره بطبيعة الحال لأنه دينه لم يقنع عقلي ولم يشبع روحي..يعني منغير شياكة بقى، لأني شايف ببساطة انه دينه غير عقلاني لا هو ولا الأرثوذوكس حتى!!..وللإنصاف هاقول برضو اني معترف انه دينه في الأصل كان مصدره من عند الله وانه في بالطبع أوامر بالخير ونواهي عن الشر بقدر ما، وانه في كتابه بقية من علم، يعني ما نجا منه..

    ده كدة كله كان موقفي المبدئي من عقيدة المسيحيين، وانا متعايش معاها تماما والمفروض انهم تعايشوا مع نفس الموقف..لأنهم برضو في المقابل، اعتقادهم في الإسلام انه كذبة ببساطة..بغض النظر بقى عن كلام البابا سواء الغربي أو الشرقي..

    جميل؟..الحالة الطبيعية جدا..
    اننا نقول بكل بساطة اللي احنا شايفينه في عقيدتهم..وهم يسمعونا برضو رأيهم، ونرد عليهم كمان..ويردوا علينا..وكل واحد عقله في راسه..

    إيه بقى رد الفعل العجيب ده؟..

    يعني ليه الدعاة المسلمين مردوش عليه بالعقل والمنطق تماما كما فعل الشيخ أحمد ديدات الله يرحمه؟!

    ليه على طول الخط احنا بنتكلم على اعتبار انه أساء واننا مش عايزينه يقول علينا..طب ما يقول!!

    أنا إيه اللي يقلقني؟!..مانا أقدر أقول له لأ تعالا هنا وسمعني انت إيه عقيدتك ونشوف مين منا اللي بيحترم العقل ومين اللي مش بيحترمه!!

    أنا مش عارف ليه حتى دي بنتصرف فيها بهذا الضعف..حد منكم يا جماعة يخاف يقول للمسيحيين انه عقيدتهم محرفة؟!
    حد ميعرفش أصلا انه ده رأينا في عقيدتهم؟!
    حد ميعرفش اننا نؤمن انهم كفار؟..

    في المقابل ولو احنا مؤدبين مبنقولش "وده مش أدب بالمناسبة" حد منهم بيخاف يقول لنا انه مقتنع بأنه ديننا كذبة؟!

    أومال حرية عقيدة إيه بقى وبتاع إيه إذا كنا حتى خايفين نرد ونقول اللي احنا مقتنعين بيه ومش عايزين حد يتعرض لديننا وخلاص؟!

    إذا مزعلاك الكلمة وشايف انها مجانبة للحقيقة..قول بصوت عالي وعرف الناس، ليه الكلمة دي مجانبة للحقيقة!!
    وساعتها ابقى قول بصوت عالي، انه البابا المعصوم من وجهة نظر أتباعه كذب عليهم وضللهم وانه بيقودهم إلى جهنم..

    "بالمناسبة محاضرته انطوت على كذب صريح لا يؤول بشئ سوى الكذب، مثل ادعاؤه بأن الآية التي ورد فيها القتال والتي نزلت في سورة البقرة هي آية نزلت في فترة استضعاف الرسول صلى الله عليه وسلم في مكة، والحقيقة غير ذلك، فهي آية مدنية"

    أنا كنت باقول إيه في أول الرد؟..
    آه..كنت باقول مش هاكتب ومعنديش النية :)))

    ReplyDelete
  5. كل سنه وانتم طيبين وربنا يعود علينا وعليكم الايام بخير
    الى من تعلمت منها ماذا يعنى التدوين جزاك الله خيرا

    ReplyDelete
  6. طيب و الله إنتى غلبانه و بنت حلال
    هو لسه فيه حد بيتفرج على الظل الأحمر ده!
    طيب إيه رأيك إنهم المفروض يبعتولك جايزة علشان التضحيه العظيمه اللى إنتى قدمتيها ليهم

    أما بخصوص الموضوع فأنا أتمنى إن ربنا ينعم علينا بنعمة العقل و ما نتستجيبش لأى محاولة تهييج للمشاعر

    م الأخر المشرحه مش ناقصه قتلى

    ReplyDelete
  7. أتفق معك في النقطة الأولى و مدى غباء التلفزيون المصري ، و إن كان غباء معتادا أدى بالكثيرين إلى تجنب برامجه حفاظا على صحتهم الجسدية و النفسية

    بالنسبة للنقطة الثانية ، من الواضح أن طبيعة البابا المتعصبة لعبت دورا ، لكنني لست مع الخلط و تضخيم الأمور ، فما قيل لا يمثل إلا كلمات قليلة في أثناء محاضرة طويلة، تحدث فيها عن الكثير من الأمور و عن علاقة العقل بالدين ، أي أنها لم تكن تصريحات منفصلة ضد الاسلام فقط
    (هذا لا يقلل من رفضي لكلماته)
    أتمنى لمن يحلل أن يطلع أولا على النص الحرفي للمحاضرة بأكملها
    http://metransparent.com/texts/benedictus_arabic_translation.htm

    ReplyDelete
  8. سورى من زمان ما دخلتش المدونة ولا قريت اى موضوع لانى مسافر بشغلى وان شاء الله هرجع على اول رمضان كل سنة وكلكم بخير ان شاء الله انا بس بس حبيت اتابع معاكم ايه الجديد لانى اتعودت اعرف كل الجديد من بنت مصرية لكن فوجئت بمواضيع كتير اوى مش هقدر اقراها بقعدة واحدة ( هو انا غايب بقالى كتير اوى كده) بس ممكن اقول رايى بالموضوع اللى نوهت ليه بنت مصرية الخاص بالتليفزيون المصرى
    هو طبعا معروف ان اعلامنا عبقرى وده بفضل جهود وتوجيهات السيد..... الا هو وزير الاعلام مين دلوقتى؟ :)
    يعنى لازم شوية دراما على شوية كوميديا على شوية كلام فارغ
    ما هو دور الاعلام هنا تمييع المواضيع وتسليط الضوء على نقط معينة لتوصيل رساله معينة
    طيب وصلت الرسالة الحمد لله بس احنا بنتابع وبنستقبل اللى احنا عايزينه وبنفهم الامور على طريقتنا
    ده مش تعليق على موضوع كلام البابا انما تعليقى وكلامى عن التليفزيون بغض النظر عن موضوع البابا واكيد انا ضد اللى عملوه المسلمين لانه ده بيؤكد كلام البابا اللى احنا عارفين الغرض منه ايه والحرب صارت معلنة ومش حرب باردة ولا حاجة دى حرب عينى عينك والغرض منها هو تضييع الهوية الدينية او تطبيعها لما يتفق مع اهوائهوم ومصالحهوم ومتطلباتهوم
    الاسلام هو العدو الان ؟
    الاسلام هو الارهاب؟
    يلا انا مضطر امشى وان شاء الله للحديث بقية
    سلام

    ReplyDelete
  9. سورى من زمان ما دخلتش المدونة ولا قريت اى موضوع لانى مسافر بشغلى وان شاء الله هرجع على اول رمضان كل سنة وكلكم بخير ان شاء الله انا بس بس حبيت اتابع معاكم ايه الجديد لانى اتعودت اعرف كل الجديد من بنت مصرية لكن فوجئت بمواضيع كتير اوى مش هقدر اقراها بقعدة واحدة ( هو انا غايب بقالى كتير اوى كده) بس ممكن اقول رايى بالموضوع اللى نوهت ليه بنت مصرية الخاص بالتليفزيون المصرى
    هو طبعا معروف ان اعلامنا عبقرى وده بفضل جهود وتوجيهات السيد..... الا هو وزير الاعلام مين دلوقتى؟ :)
    يعنى لازم شوية دراما على شوية كوميديا على شوية كلام فارغ
    ما هو دور الاعلام هنا تمييع المواضيع وتسليط الضوء على نقط معينة لتوصيل رساله معينة
    طيب وصلت الرسالة الحمد لله بس احنا بنتابع وبنستقبل اللى احنا عايزينه وبنفهم الامور على طريقتنا
    ده مش تعليق على موضوع كلام البابا انما تعليقى وكلامى عن التليفزيون بغض النظر عن موضوع البابا واكيد انا ضد اللى عملوه المسلمين لانه ده بيؤكد كلام البابا اللى احنا عارفين الغرض منه ايه والحرب صارت معلنة ومش حرب باردة ولا حاجة دى حرب عينى عينك والغرض منها هو تضييع الهوية الدينية او تطبيعها لما يتفق مع اهوائهوم ومصالحهوم ومتطلباتهوم
    الاسلام هو العدو الان ؟
    الاسلام هو الارهاب؟
    يلا انا مضطر امشى وان شاء الله للحديث بقية
    سلام

    ReplyDelete
  10. هو لية كل مرة حد يغلط فينا نروح نحرق العلم ومظاهرات ملهاش لزمة
    اكيد في حاجة اقوي من كدة نضغط عليهم بيها
    كل مرة نضيع حقنا ويتقال علينا رعاع وعالة علي العالم وملناش لزمة في الحياة
    عشان حبة اغبية
    http://www.lost-empire.blogspot.com

    ReplyDelete
  11. كما تعودنا منك دايما مواضيعك ساخنة

    أنا متفقة معك تماما فى أن كلام الدكتور العوا كلام منطقى جدا و مدروس و أنا من اشد المعجبين بآراءه

    و من أهم النقط التى أثارها أيضا فى برنامج العاشرة مساءا هو عدم اكتراثه بما يؤمن به البابا عن الاسلام و لكن المشكلة تكمن فى عدم التزام البابا بأدب الحوار


    و أعتقد أن الكلمات التى قالها بنديكت فى حديثه قد أنهت تماما أى نوع من أنواع الحوار بين المسلمين و الفاتيكان خاصة إنه عندما حاول الاعتذار تطاول على المسلمين و اتهمهم انهم لا يفهمون

    و اذا كان من رد على إهانات البنديكت فهو يتلخص فى نشر الوعى بالاسلام و كيفية انتشاره بالدعوة و ليس بالسيف هذا بالاضافة الى دعوة المسلمين فى جميع الأقطار بالالتزام بتعاليم الدين اللاسلامى و عدم استخدام الشغب كرد

    فيجب أن ندرك أن سلوكنا هو مرآة لديننا الجليل و هو أبلغ رد و أعظم دعوة

    ReplyDelete
  12. i agree with you in general. i just have some remarks:
    - as a muslim who lives in Germany, i should say that the pope's speech doesnot have such a big effect on christian germans. i could assure that the people here r really peacfull in general.
    - like in the problem of the catoons about the Prophet, i have a feeling that the violent reaction of muslims is a very good evidence for those who look for such an evidence that islam is a violent religion, and that islam cannot go togather with culture and mind.
    - the remark u made about the reasons of the explanation of the Pope shenouda is very smart,, but it shows also, that there is something wrong in the social texture or social structure of or egyptian society. this wrong thing is the feeling of many egyptian copts that they r threatend and not equal. this feeling is based on reasons that we all have to discuss and correct, not just hide as if there is no problem and then we sing 3ash alhelal ma3a asaleeb. We should hear each other and establish or togather living in one country on the feeling of national home,, not religious home.
    - although i agree with u that our media sounds like heating the conflict,, but i think that the responisbles on the program of Sanaa Mansour could be even not aware that there is a different between catholics and orthodox..
    - what i donot agree with u about, is that muslims are maltasha for everyone in the world,, we should distinguish between political and religious conflicts, and it is too dangerous to see our conflicts all the time as religious conflicts with THE OTHER, in that way we would make 2 mistakes, first we would make reduce our loyality in egypt for example on muslims only, which is one of the problems of egyptian social structure allready. the second mistake would be the emphasy of the religious loyality and neglecting of the national loyality which means making backword steps in the history to times of the religious state. i am allready so pessimistic about the future of the world because of the emphasy of the relgious loyality in political context in all religions. i have a feeling that radicals of the three main religions r leading the world to a dark future!

    thanx and sorry for a long comment!

    ReplyDelete
  13. minesweeper76

    اولا يا خطوة عزيزة يا فندم
    :D

    ثانيا، اهى دى نقطة مااخدتش بالى منها فعلا، بتاعة ان الامبراطور كان ارثوذوكسى

    كل اللى انت قلته تمام جدا.. ردود افعالنا هى اللى هيعتبرها الاخرين دليل على سماحة دينا من عدمه
    وللأسف احنا بنشوه الصورة بتصرفاتنا
    ------------

    حرنكش
    لا ما اهو دكتور العوا فسرها اهو.. من ضمن تفسيرات كتير، ان البابا بيدى تأييد دينى لحرب بوش على المسلمين.. عشان مصالح الكاثوليك فى امريكا

    بس صحيح، القرن الرابع الميلادى مكنش سيدنا محمد - صلى الله عليه وسلم - ولد اساسا
    تقصد الهجرى؟
    ---------------------

    احمد البدوى
    هو بعيدا عن نظرية المؤامرة، الاكيد ان الكلام لم يقال اعتباطا، او مجرد نص فى محاضرة والا مكنش الموضوع هينتشر اعلاميا وعلى ايد وكالات الانباء العالمية
    انما لو سلمنا جدلا بإنه مجرد كلام فى محاضرة.. يبقى دا بابا غبى جدا انه يقول كلام فى توقيت حرج زى ده بيبحث فيه بوش عن كل تأييد للحرب بتاعته
    ممكن تكون مجتش فى باله كده.. بس ماينفعش يكون دى الاعتذار قصاد اللى هيموتوا فى المستقبل بناءا على الجرين كارد اللى اداها للمتخلف بوش
    --------------

    عربي
    مش حكاية معرفكش وللا اعرفك.. مش الاقى انى انفض اساسا لحد يا احمد.. بس انا هتصل بيك واعرفك المشكلة ايه بالظبط.. عشان انا عندى شوية مستجدات كده معطلانى، عموما لما تعرفنى كويس مش هتقول عليا منفضتيه .. قال منفضتيه قال ههههههههه

    ---------------
    يحيى عياش

    انت فكرتنى بحاجة حكاها العوا فى نفس الحلقة دى بردو
    كان بيقول انه كان حضر مؤتمر ما للحوار بين الاديان وكان موجود شيوخ كبار زى الشيخ القرضاوي، وكده
    المهم فى اخر الحوار المفروض بيطلع الطرفين بيان مشترك
    فذكرت فيه جمله زي " الاديان السماوية: المسيحية والاسلام" المهم ان الطرف المسيحى رفض ان يمضى تحت العبارة دى
    وبعدين العوا حكى ان الشيوخ بما فيهم هو نفسه اتضايقوا من رفض المسيحيين اعتبار الاسلام دين سماوى
    واتهموا الطرف المسيحى بإنهم فى لحظة بوظوا ثمار الحوار

    انا مع احترامى وتقديرى لسليم العوا ولكن شيوخنا الافاضل.. بس انا معجبنيش تصرفهم.. لأن طبيعى جدا المسيحين ما بعتبروش الاسلام دين سماوي.. وحقهم يرفضوا الامضاء تحت عبارة قد تعنى ضمنيا ان الاسلام حق لانهم اساسا مش مؤمنين بيه انه حق
    بمعنى تانى
    ماينفعش نيجى نقارن ونقول اشمعنى احنا اعتبرنا الدين المسيحي سماوي.. احنا عندنا الكلام ده من المسلمات فى دينا.. دا غير اننا بنقول دايما ان المسيحية دين سماوي انزل على عيسى عليه السلام، ومؤمنين انها حرفت من بعده وبتاع.. وان الاسلام اخر الرسالات السماوية
    انما الوضع بالنسبة لهم مختلف تماما
    هما شايفين الاسلام لاحق على المسيحية وفى حالة اقراهم انه دين سماوي، يبوقا اقر انه الاحق، لانه التالى فى النزول بعد المسيحية
    ودى نقطة لحقهم.. ومالهاش دعوة بااب الحوار نهائيا
    بالظبط زى لو عملنا حوا رمع البوذية.. استحالة نمضى على بيان يكتبوا فيه ان البوذية دين سماوى.. نبقى احنا هبل

    ReplyDelete
  14. عمر
    كل سنة وانت طيب يا عمر.. وتعود عليك وعلينا كلنا الايام بخير.. ويكون احلى رمضان يمر علينا، ويكون فرصة نقرب لربنا اكتر واكتر واكتر
    ------------

    الدرويش المرووش
    مش بقولك انها صدفه غير مقصودة :) انا لا كنت بتفرج عليه زمان ولا دلوقتى.. دا وقع فى ايدى
    ومع ذلك انا معاك جدا انهم يبعتولى جايزة، او يحطونى على قوائم العلاج على نفقة الدولة.. عشان الاضرار الصحية اللى تسببولى فيها
    --------------

    blue magnifier
    والله انا اكثر ميلا للرأي ده.. احنا عندنا شيوخ.. بيتكلموا عن المسيحية - بنوع من الحدة فى التعبير- ويعبوا فى شرايط ويبيعوا.. ومحدش بيقولهم تلت التلاتة كام
    وبيكون اغلب كلامهم بعيد عن الذوق والادب فى الحوار.. وبتبقى خطبة محددة بالموضوع ده .. يعنى زيها زي محاضرة البابا اللى بيعبر فيها عن رأيه او رأي المسيحيين فى الاسلام.. سواء بأه استخدم عبارات مش بتاعته .. كمان زى انت ما قلت محاضرة البابا مكنتش عن الاسلام بشكل مباشر

    ومع ذلك -وطبقا لنظرية المؤامرة :)- ممكن جدا ومحتمل تكون المحاضرة دعمت بكلمات من النوع دى لمداهنة الخواجة بوش.. بدليل اهتمام الاعلام وتضخيمه للموضوع.. وخصوصا وانا اميل ان الاعلام بشكل عام مسيس ووكالات الانباء اكبر خدعة فى التاريخ.. لأن الى بيسمحولنا نعرفه بينعرفه واللى بيخفوه بيخفوه واللى يقصدوا يضخموه بيضخموه واللى عايزين يقللوا من شانه بيقدروا

    ممكن بردو نحط نظرية تالتة، بجملة النظريات.. ان الراجل قال محاضرة عادية.. عن ايمان شخصى، وحقه يقول اللى عايزة.. بس باه اطراف اخرى شافت انها لو رمت سبوت لايت على كلام البابا هتولع فى العالم الاسلامى.. وتوقع بين العالم الاسلامى والعالم المسيحى

    وممكن كمان نظرية رابعة.. ان حد وشوشله فى دماغه يتكلم عن الامبراطور وياخد اقتباس من كلامه ويحطها فى محاضرة.. بحيث ان اللى وشوش ده.. عايز بعدها يضخم الموضوع ونوصل لنفس الهدف وهو التوقيع وزيادة الفجوة بين المسلمين والمسيحيين
    وخصوصا وان كل العالم عارف اننا متهيبرين شوية اكتر من بقية البشر.. ومتحفزين ضد اى حد يتكلم عن ديننا.. مع ان مش بيشوه صورته فى الاخر غير تصرفاتنا المتسرعة

    وهكذا ما الدنيا الا مرتع للنظريات
    ------------------

    aichany
    اوكى.. مع السلامة.. وتعالى تانى فى اى وقت، براحتك خالص.. على اقل من مهلك.. ماتخفش مش هدور المدونة واطلع
    :D
    -----------

    the legend
    لأننا ببساطة توقفنا عن التفكير ومحاولة ابداع طرق عصرية جديدة للتعبير عن الرأى او التغيير
    ولأننا مش ملتزمين باروح الحقيقة للاسلام.. يعنى زى ما قال ماينسويبر اننا معطلين فريضة إسلامية إسمها الحوار (و جادلهم بالتي هي أحسن)

    ------------------
    رانية
    شىء مؤلم فعلا لما نكون مسلمين وعارفين كويس ان حرام علينا نضر حد ولا نهاجم ولا نقتل ولا نستخدم اى هجوم عنيف ضد اى حد واننا حتى لما بنرفع السلاح بيكون بس ى حاله الدفاع عن النفس.. وبنسقطه اول ما الطرف الاخر يسقط سلاحه.. لكن بنسيب كل ده ونسمع لصوت التعصب والتطرف والجهل

    حسبى الله ونعم الوكيل
    لو يعرفوا ازاى هما بيضروا الدين اكتر من اى حد تانى يوقل اى كلام او يرسم اى صور
    ---------------

    عبد ربه التايه
    بتعتذر عن ايه ، تعليقك عجبنى جدا جدا
    اولا كلامك عن رد فعل المسلمين تجاه اى كلام او رسومات بيكن دايما رد فعل بيثبت ان العنف طبيعة فى ديننا.. للأسف بيشوه الصورة جدا ويكاد يدمرها لو رحمة ربنا
    ثانيا، شكرا انك اتكلمت عن ملحوظتى عن كلام البابا شنودة، لأن دا بالظبط اللى اقصده من التدوينة.. شىء بشع اننا نقول " يحيا الهلال مع الصليب" ويكون الواقع اننا مش متعايشين وبنفهم بعض غلط ومتحفزين ضد بعض والاكتر ان طرف متضطر يوضح ويفسر ويعلل اى حاجة تحصل عشان مايخدهاش عليه الطرف التانى

    حكاية ان الاعداد بتاع البرنامج ممكن ما يكونش يعرف ان فى اختلاف وخلاف بين الملتين ملحوظة مهمة فعلا وممكن تكون حقيقة، لكن بتوضح كم الجهل الموجود انهم ما يعرفوش معلومة بسيطة زى دى

    حكاية التفريق بين الصراع الدينى والصراع السيايى تيجى ااى طيب، وانت نفسك بتقول ان علماء الدين للاديان التلاتة هما اللى بيحركوا العالم، ولو ان دى حاجة انا معتقدش فيها ابدا، لان ببساطة فى ناس بردوا بيحركوا العالم وهما رافضين للدين تماما وكمان فى دول كتيرة باعداد مهولة من البشر منتمين لديانات اخرى غير التلاتة.. مش موضوعنا بس اقصد اقول ان زعماء الاديان التلاتة مش هما اللى بيحركوا العالم ولا هيحركوه فى المستقبل، هما عناصر متفاعلة اكيد مع عناصر تانية.. واذا كان فى حاجة بتحرك العالم فهى المصالح.. المصالح بتحكم العالم وبتوجه الدين كمان فى كثير من الاحيان

    اما نقطة الولاء للدين او الدولة.. فاعتقد ان اللى يحسمها هو الدين اللى بيهتم يكون ولاء اتباعه ليه فى حين بيحط احكام تضمن تحقيق مجتمع امن بيعيش فيه ناس مختلفين وبيكون دين بيقدر اهمية الوطن
    يعنى بمعنى تانى.. اقدر اقولك انى ميه فى الميه ولاء لدينى هو فى المرتبة الاولى.. قبل ولائى لبلدى او اى ولاء تانى.. لكن دا مايمنعش انى منتمية لبلدى وبحبها وبحافظ عليها ويهمنى يكون فى سلام وحب بيجمعنى بكل الناس رغم اختلافهم عنى
    وعموما اعتقد ان كل دين سماوى او مش سماوى بيكون فى مبادئه التعايش السلمى والود بين كل الناس.. لكن المشكلة بتنشأ لما المصالح تتدخل وتوجه الدين والناس

    ReplyDelete
  15. hi again,
    thanks alot for your meta-comment.
    What i mean about religious and political conflicts is the following:
    i have a feeling that there r political interessts standing behind religious conflicts. Religious feelings r only used as a tool for reaching of political interessts of specific groups. And if we didnot see the ground of our conflicts we would just help these groups to reach their aims. And i didnot mean to loose any loyality for Religion. But living as egyptian or german or indian etc is based on the historical Divelopment of the world that started in the 18. century and lead to grounding of national feeling, national borders etc. I donot see any place for religion in this Development (i mean no political place). thats different than the situation at the time of the monarchs of islam, of christianity and israelites of the old testament etc. And puting the loyality for religion in public affairs and political conflicts would lead into a retard development which is only possible after alot of blod and wars, which i donot hope!
    sorry again because i cannot express all what i want to say very well in english.. and if i tried to write in arabic, it would remain for months,, so hope u get what i mean, and hope to keep on that very interessting contact!

    ReplyDelete
  16. تحية طيبة
    وماهو دورنا في هذه الحلقة؟
    لقد أساء وإعتذر
    ولم يتكلم أحد
    فهل سنستفيق من نومنا
    أو نتجاهل من يريد إقصاء الإسلام؟
    ظهر الحق وزهق الباطل
    فل نعي بما وصلنا إليه
    تحياتي بنت مصرية
    ورمضان مبارك

    ReplyDelete
  17. خلاص...عفا الله عما سلف...بس احنا كده اتأخرنا اوي...بصي انا باريح يوم الخميس..يبقي احسن لو تكلميني...هايبقي اسرع من الشات...بس انتي برضه ماردتيش عليا...لو كلمتيني هايبقي عادي ولا محلي...انا في القاهرة ...انتي منين؟

    ReplyDelete
  18. كلام كله جميل بس انا ليا تعليق..
    هنفضل لغاية امته نتشتم ونسعى للتهدئه ؟؟

    ReplyDelete
  19. والله يا اخواني صرنا ملطشه صار يشتمنا الي ما يسوى والي ما يسوى انا بس الي مستغربه وين حامي وخادم الحرمين الي ما حدا منهم نطق بحرف واحد ... صح مو فاضين عم بيحضروا لرمضان

    ReplyDelete
  20. انا كنت عاوز اقول للبابا
    الصياعة ادب

    ReplyDelete
  21. السلام عليكم و رحمة الله و بركاته
    سيدتى...اسمحى لى ان افيض فى التعليق على قضيتك الفرعية الثانية والتى اراها هى الاهم من من وجهة نظرى وهى "ليه المسلمين بقوا ملطشه فى العالم", وقد اشرت فى خضم حديثك الى تفسير د.العوا وهو تفسير منطقى, ولكنه ينصب على حادث البابا وحده, اما اننا اصبحنا ملطشه فيدخل فيه" حادث الصور الدانماركية, واحداث سبتمبر وتبعاتها حرب العراق وافغانستان...الخ" انها ماسى تغص الحلق وتدمى الصدور, المهم اننا يا سيدتى اصبحنا ملطشه لسببين: الاول جماعى والثانى فردى, اما الجماعى فهو يرتبط بمعايير عصرنا وهى اننا دول غير منتجة بل مستهلكة تتطفل على اعدائها, اى اننا نشجب ونستنكر سبهم باليمين ونمد اليسرى لاخذ المعونة من اين لنا بالعزة اذن؟؟؟؟ ونحن لا نملك اقواتنا,ثم ان لنا حكاما _ وهى ليست غلطتهم وحدهم وساوضح لك فى السبب الفردى لماذا_ من اجل ان يبقوا فى العروش ويملؤا الكروش باعوا اول ما باعوا دينهم ثم عبيدهم وليس " رعيتهم " لاعدائهم, فاصبح من يمثلنا فى الرد على هؤلاء اى فى المحافل الدولية كما يقولون اناس هم ليسوا فى صف الدفاع عنا وعن ديننا وانما هم فى صف ان يفعلوا ما يضمن بقاءهم وسيادتهم على عروشهم وعبيدهم, انها لعبة المصالح كما ذكرتى والتى يستخدم فيها الدين احيانا ستارا كما فى حالة( عم بوش واللى حواليه, والحروب الصليبية), ويهان فيها الدين ويتم التنصل منه كما فى حال حكامنا...؟
    السبب الثانى وهو الفردى, اننا يا سيدتى نحن ايضا بعنا ديننا بقصد وبغير قصد, اما ما اقترفناه بقصد فهو تفريطنا فيه رويدا رويدا حتى تغيرت ملامحه ولم يعد باقى منها الا الرفات فضاعت معالم عزتنا كما قال الله سبحانه وتعالى" ولله العزة ولرسوله وللمؤمنين..." الى اخر الايات فالسؤال هو هل نحن المؤمنين الذين اشار اليهم ربهم" انا اجزم انه كلا وربى الا من رحم الله ", اما ما كان بغير قصد فهو امر غريب شعرت به من زمن وتجلى ايام حرب لبنان, وهو اننا اصبحنا مكبلون من عقولنا ويسكن اعدائنا معنا دارنا, ستسالين كيف, اننى يا سيدتى كنت ايام الحرب واظن كغيرى كثيرين وهذا مثال واحد فقط, كنت اسب والعن واحنق على الامريكان والاوروبيين والاسرائليين صباحا ثم اذا جن الليل اشاهد فيلما امريكيا او اجنبيا ايا كان...؟!! فكيف كيف اعداء الصباح يكونون جلساء الليل..؟ لن اقول اعداء الامس اصدقاء اليوم...بل انها ساعات فواصل بين الحالتين واصدق مثال على ذلك, حادث طلاب جامعة المنصورة الذين سافروا للدراسة وقت الحرب وقت اشتعال الازمة والغضب .. ولما سنحت لهم الفرصة للمكوث فى بلد العدو مكثوا عن حب.....الا ترين مدى الازدواجية التى نحن نحيا فيها بسببنا وسبب اعدائنا نعم, فلو اننا لم نخلد للراحة والدعة من بداية الامر ونعتمد عليهم لما وصل الحال بنا لما نحن فيه من تملكهم لكل شىء وتقدمهم فيه وغزوهم لنا به واعتمادنا عليهم, ثم لما تركنا تعاليم ديننا التى تحثنا على العمل والعلم والاتقان اصبحنا على ما نحن فيه
    وهذا مصداق حيث الرسول صلى الله عليه واله وسلم " يوشك ان تداعى عليكم الامم كما تداعى الاكلة على قصعتها , قلنا اومن قلة نحن يومئذ يا رسول الله, قال لا بل انكم يومئذ كثير ولكن كغثاء السيل ولينزعن الله المهابة من قلوب اعدائكم ويقذف فى قلوبكم الوهن, قالوا وما الوهن يا رسول الله , قال حب الدنيا وكراهية الموت " والله يغفر لى ان اخطات فى سرد الحديث كما قاله رسول الله صلى الله عليه واله وسلم

    سيدتى الحل الان بعد تشخيص الداء هو فى العودة الى ربنا فرادى, ثم جمعاء نبتغى العزة من ديننا لا من اعدائنا انها قضيتنا كمسلمين حتى تقوم الساعة وساعتنا تقوم حين الموت
    واريد الا يفهم تكرارى لكلمة اعدائنا كثيرا اننى اعادى كل من هو غير مسلم انما انا اعادى كل من يسب الاسلام والمسلمين, فديننا لا يحثنا على القتل والعنف كما يقولون وانما على دعوة الجهلاء الى الخير الذى هو فى ديننا والحق الذى نزل به

    اعتذر جدا على الاطالة, واشكر لك طرحك الجميل لهذا الموضوع واشكر سعة صدرك لكلماتى, واعتذر عن التقصير غفر الله لى ولك وللمسلمين والمسلمات...آمين

    السلام عليكم و رحمة الله و بركاته

    ReplyDelete
  22. شوية موظفين + شوية صحفيين + شوية فهلوجية = التليفزيون المصري

    إيدِك منه والأرض!

    أما عن البابا ، وعشاق الزعامة الدينية عندنا ، فبإذن الله .. لي كلام..

    ReplyDelete
  23. كل عام و انت و اسرتك بالف خير
    و دائما تكتبي بنفس التألق و النضج
    , لو حبيت اعلق على الموضوع ،لن اجد ابلغ من "ان لا لايغير ما بقوم حتى يغيروا ما بانفسهم" لاننا فعلا وحشين و مقصرين , وعلى فكرة كان الاعلام الغربي بيحاول يرسم صور سيئة لشعوب شرق اسيا ويسيئ ليهم, والناس هناك ما ردتش عليهم بالتسخين و العنف الغير مبرر و انما بالعمل الدؤوب والبحث العلمي حتى تقدموا و اجبر تحضرهم و تقدمهم العلمي و الاقتصادي اعدائهم قبل اصدقائهم ان يعطيهم مكانتهم بل و ينبهر منهم وهو يشعر بالقلق الشديد خوفا من ضياع مكتسباتهم التي اكتسبوها بالاستعمار تارة و بالتقدم العلمي المبهر الذي جعلهم عالم اول و نحن ما زلنا خارج التصنيف للاسف.
    بعيدا عن الكام اللي بيوجع قلبي والتخلف الشامل اللي عيشانه,
    مرة اخرى كل عام وانت بالف خير انت و اسرتك
    و احب الفت نظرك بشدة!! ان انا فعلا بحب مدونتك جدا و دايما متابعها

    سلاااااااام

    ReplyDelete
  24. First, I want to correct some facts:
    Manuel II wasn’t a Coptic Orthodox pope of Alexandria (he was Byzantine Archbishop –Qustantine chair); you can revisit the complete list of Coptic Orthodox popes on Alexandria at http://en.wikipedia.org/wiki/List_of_Coptic_Popes.

    Second, Youhna Kalta is not possible to be elected as a pope, the papel election process “conclave” is far beyond complex process – revisit it at a glance on http://www.catholic-pages.com/dir/conclave.asp , and just for information anba Antonuis Naguib is the Archbishop of the Coptic Catholic Christians in Egypt (Alexandria Chair) and before him was anba Stephan II Ghattas, you can check the whole list at: http://en.wikipedia.org/wiki/Coptic_Catholic_Patriarch_of_Alexandria.

    Third, the Catholic Library is one of the most extraordinary big as well as original, which means it has original copies of very rare documents, and if the document is dated 300 or as corrected 1300; it doesn’t imply at all that this document is fake or not original especially if the Catholic Head is referencing it.

    Fourth, I don’t understand how quoting the Byzantine emperor words turned to be the pope’s words, of course whether it is his own words or not, it doesn’t correct what already happened. The speech is mainly focusing on the history so it is expected to reference many of the past centuries’ history, which probably will be against Islam because of the nature of war between Byzantinia and Arabs –as we had been taught in history. And please if you didn’t get the exact lecture and just listen to the media reviews, Revisit the lecture speech of the pope in Germany and try to rational it before jumping to conclusions: http://news.bbc.co.uk/1/shared/bsp/hi/pdfs/15_09_06_pope.pdf


    Fifth, Christianity is Christianity regardless its aprroch, I mean 3akeeda leeha mazaheb keteera, like island: sona we shee3a, and when we talk about “mella” we should mean “religion” which is “3akeeda”, I just wanted to clear this thing because some people misuse these terminologies in their comments.

    Sixth, some people are not convinced with others opinions, this is actually natural, but the reason tells them, you don’t have to be convinced, but you should respect it. And this is applied also to the religion, because other people haven’t been convinced with your opinions, it doesn’t mean that they are wrong or they don’t believe in god, actually this thinking is the angel stone of terrorism!

    Seventh, I want to add my voice to blue magnifier and 3abd rabo el-tayeh and thank islam for his explanation.

    Eighth, Orthodox Coptic Pope had to say something for sure, and the evidence to it the reactions in many of other countries against Christians regardless Coptic, Catholic, Greek, Armanian…

    Finally, kol sana we enton tayebeen we Ramadan kareem, we ana tawel 3aleekom awweee :) we al dnonia 7atkon a7san lo kol wa7ed walked in the other shoe “Whatever you wish that men would do to you, do so to them”

    ReplyDelete
  25. رمضان كريم عليكم وعلى كل احبابكم

    عبدربه التايه
    بيتهيئلى فهمت تقصد ايه :)
    --------

    أومرزوك
    رمضان مبارك عليك وعلى كل المسلمين
    ----------

    عربى
    طيب اوكى هحاول شات، ولو انى ممكن ما اعرفش الاقيك
    ------

    عبدالله مفتاح
    لحد ما نكون مثال كويس كمسلمين ونعبر عن الاسلام بجد.. ساعتها لا هيكون في شتيمة ولا هنحتاج لتهدئه
    ويعدسن تهدئة ايه؟ احنا بنقول حوار مش خناقات.. توضيح للدين مش عنف وقتل بنى ادمين
    -----------

    ممكن
    يا سيدى ويعنى اللى نطقوا قالوا ايه؟؟
    ----------

    اجدع واحد فى الشارع
    حاضر
    -------------------

    اسلام
    ولا كلمة زيادة على كلامك الجميل
    والله ماقصرت، على راى اخوانا فى الخليج :)
    -----------

    قلم جاف
    طيب هستنى كلامك بفارغ الصبر وهفتش كل يوم فى مدونتك
    ------------

    الفارس المصرى
    وانت طيب وبخير وبالصحة والسلامة
    ورمضان كريم ومبارك عليك وعلى كل احبابك.. شكرا على متابعتك لمدونتى
    :)
    سلااااااااااااااااام
    -----------------

    حرنكش
    اممم قول كده باه.. دا كيبورد ساقط تاريخ
    :D
    كل سنة وانت بألف صحة وسعادة ورمضان جانا ايوحة :)

    ReplyDelete
  26. 2 B || ! 2 B ®

    قبل اولا: معلش انا ماشفتش تعليقك لانى كنت ساعتها بحط تعليقى ومكنش تعليقك موجود عشان ارد عليه، ولما حطيت بتاعى لقيت تعليقك، وادينى برد
    :)

    اولا شكرا لتوضيحاتك :)

    ثانيا، انا معنديش خلفية عن ازاى حد يوصل يكون بابا للفاتيكان، بس دا اللى قالته منى الشاذلى ليوحنا قلته انه انبا كاثوليكى وممش مستعبد فى يوم من الايام يكون بابا للفاتيكان، والراجل لم يراجعها

    ثالثا، طبعا المسيحية هى المسيحية وان الكاثوليك او الارثوذكس او البروتوستانت او الارمن او غيرهم مش اكتر من مذاهب زيهم زى السنة والشيعة عند المسلمين.. بس مجرد وجود مذاهب بيخلق عند بعض الناس تنافس وتعصب لصالح مذهبه قد يؤدى بيه لتكفير المذهب التانى زى اللى بنسمعه ساعات بين السنة والشيعة

    رابعا، كل سنة وانت طيب ورمضان كريم عليك وعلينا جميعا
    :)

    ReplyDelete
  27. انا مشفتش حلقة الظل الاحمر بس الى اعرفة عن ابونا مرقص انه رجل
    حكيم جداً جداً
    بس انا للاسف شفت حلقة الشيخ يوسف القرضاوى فى الجزيرة و الى يستاهل يتحاسب عليها اكتر من البابا بنديكت لانه اهان اليهودية و المسيحية و اكد ان القرأن هو الكتاب الوحيد الباقى بدون تحريف
    و للاسف نحن نسير بسياسه القطيع الذى يقوده مجموعة من الجهلاء دينياً و انسانياً

    ReplyDelete
  28. First, the pope is like anyone in Europe who has an opinion about Islam and Muslims. It is not only the media that play a big part in giving people in Europe and the rest of the world (except for the United States) an idea about certain culture and country in the world. The Muslims who live in Europe play a big part in this regards too. What is the precentage of Arab and Muslims in the west who are working really hard and integrating really well with the society of the country they live in? it is sad to say that the precentage is very little.

    The second factor is what Minesweeper76 mentioned when refering to the political "agenda" of the current Pope with his predecssor.

    The arab and Muslim nations should not expect something less polite from the pope and outragous response will not solve the problem. I was outraged by what the pope said during that doomed lecture, however, despite all the knowledge that the pope has about Islam and the history of the Islam, he still base his words on current events.

    I am not giving an alibi to the pope, but I am putting big part of the guilt on the Muslim nations who are not doing anything equal to the required or to the expected to show the whole world the real face of the great faith.

    ReplyDelete
  29. والله يا بنتي عندك حق مهمه كلهم زي بعض بس حبايبنا مشاء الله عليهم اول الطابور

    ReplyDelete
  30. ما خلاص...اوسا واصدقائها عملوا الفكرة.....نفسي اعرف مين اللي سربها

    ReplyDelete
  31. السلام عليكم و رحمة الله وبركاته
    بداية كل عام وانتى بخير يا سيدتى واعاد الله عليك رمضان بالخير والبركات وعلى المسلمين وتقبله منكِ واعانكِ على الطاعة فيه والمسلمين اجمعين..آمين
    وثانيا اشكركِ على تعليقاتكِ سواء على تعليقى او تعليقات اخرى والتى اظن انهاسبب رئيس فى نجاحك فى التواصل مع قراء مدونتكِ واود ان اشرككِ معى فى امر, انها دعوتان طرحتهما من خلال مدونتى ونظرا لحداثتى فى عالم التدوين وحداثة مدونتى رايت ان اطرحها من هنا من خلال مدونتكِ ايضا وادعوكِ لتبنى الامر
    اما الدعوة الاولى, فهى الكتابة باللغة الانجليزية سواء فى المدونات او من خلال الرسائل التى توضح سماحة الاسلام وتعاليمه فى التعامل مع الاخر, وهى فكرة شبيهة بتلك التى طرحتها ايام حرب لبنان, وقد قمت بمحاولة فردية بالفعل من خلال مدونتى ولكن يد وحها لا تستطيع التسقيف
    اما الدعوة الثانية وهى الاهم, خاصة ونحن فى شهر رمضان هى العودة الى الدين وتمثل تعاليمه كما انزلها الله فى كتابه وبينها الرسول محمد صلى الله عليه واله وسلم فى سنته واظن اننا لو غرنا على ديننا واعتززنا به واصبحنا نموذجا مجسدا للقران كما كان الرسول صلى الله عليه واله وسلم ( كان قرانا يمشى على الارض ) كما قالت السيدة عائشة رضى الله عنها
    اظن اننا لن نهان بعد اليوم..........؟؟؟
    واشكر لكِ مرة اخرى تعليقكِ الجميل
    والسلام عليكم و رحمة الله و بركاته

    ReplyDelete
  32. ahap
    لا انسي تصريح بوش الاب بعد سقوط الاتحاد السوفتي ونظرية البحث عن عدو
    وكان التصريح الفوري تخلصنا من
    الشيوعيه ولازال الاسلام
    كان وقتها لم يكن هناك ارهاب

    وانا مؤمن بنظرية المؤامره

    ولا تنسي التصريح لبوش الابن

    الحرب الصلبيه

    شكر
    ahap

    ReplyDelete
  33. بنت مصرية
    البابا شنودة له نفس الموقف السلبي مع اقباط المهجر او غجر المهجر كما يحلوا لبعض ان يسموهم .
    اقرئي الموضوع في مدونتي ثم ارجو ان تضيفي مدوننتي ايضا في اسماء المدونات في موقعك .
    سوف اتشرف طبعا
    regalmasr.blogspot.com

    ReplyDelete
  34. يا جماعة لازم نعرف اولا أن الكاثوليك في عقيدتهم البابا معصوم من الخطأ ، و ما يقوله انما هو بوحي من الروح القدس .
    ماذا يعني هذا؟
    1- انه لن يعتذر ابدا لان اعتذاره تعني انه اخطأ و إن كان قد اخطأ فقد هدم العقيدة من الاساس و قد حدث كثيرا من قبل أن اخطأت الكنيسة و لم تعتذر عن خطأها الا بعد مثات السنين.
    2- لكون البابا معصوم في نظرهم فإنهم يدققون و يفحصون كل كلمة صغيرة كانت ام كبيرة قبل ان يتفوه بها و لا يعني هذا غير ان ما قيل كان متعمد و إدراجة بهذا السياق لم يكن من قبيل الصدفة
    ليكن هذا اولا في ذهنكم عند المناقشة

    ReplyDelete
  35. الى الاخ او الاخت اللي مش عاجبه حلقة القرضاوي ، زعلان ليه؟ يا اخي او يا اختي احنا مش بنجيب حاجة من عندنا القول بتحريف الكتب الاخري ليس كلام المسلمين ابدا و انما هو كلام علماء المسيحية . سأكتفي بوضع مثال على ما اقول و يمكن التأكد منه بسهولة مطلقة

    تقول دائرة المعارف الأمريكية [ ENCYLOPAEDIA AMERICANA ] طبعة 1959 _ الجزء الثالث:

    (لم يصلنا أي نسخة بخط المؤلف الأصلي لكتب العهد القديم ، أما النصوص التى بين أيدينا ، فقد نقلتها إلينا أجيال عديدة من الكتبة والنساخ ، ولدينا شواهد وفيرة تبين أن الكتبة قد غيروا بقصد أو دون قصد منهم في الوثائق والأسفار ، التي كان عملهم الرئيسي هو كتابتها ونقلها ، وقد حدث التغيير دون قصد حين أخطأوا في قراءة بعض الكلمات . . . كذلك حين كانوا ينسخون الكلمة أو السطر مرتين ، وأحياناً ينسون كتابة كلمات بل فقرات بأكملها ، وأما تغيرهم في النص الأصلي عن قصد فقد مارسوه مع فقرات كاملة حين كانوا يتصورون أنها كتبت خطأ في الصورة التي بين أيديهم ، كما كانوا يحذفون بعض الكلمات أو الفقرات ، أو يضيفون على النص الأصلي فقرات توضيحية . .


    وتقول الترجمة الفرنسية المسكونية تحت عنوان ( فساد النص) :

    (( لا شك أن هناك عدداً من النصوص المشوهة التي تفصل النص المسوري الأول عن النص الأصلي ، فعلى سبيل المثال : تقفز عين الناسخ من كلمة إلى كلمة تشبهها وترد بعد بضعة أسطر مهملة كل ما يفصل بينهما . . والجدير بالذكر أن بعض النساخ الأتقياء أقدموا بإدخال تصحيحات لاهوتية على تحسين بعض التعابير التي كانت تبدو لهم معرضة لتفسير عقائدي خطر)) [كتب الشريعة الخمسة : منشورات دار المشرق ـ بيروت]

    ReplyDelete
  36. انا انسان مصري
    صاحب مدونة ذي النون المصري
    ارجو ان تضيفي مدونتي في القائمه الخاصه بكي ولكي مني خالص الشكر

    ReplyDelete
  37. انتي عارفة اني مش شايف مدونتك من اكثر من اسبوعين ؟ الانترنت اكسبلورر مش مبينها
    كان عندي براوزر تاني اسمه اوبرا
    جربته النهاردة بس
    وبانت المدونة
    مش فاهم ليه بصراحة ؟

    يكونشي بيل جيتس عامل رباطية مع الحاح بندكت الاعظم وقاللك البت زينب دي مصيبة ومش عاجبها حاجة والله لنخفي مدونتها مع الاكسبلورر وخليها نشوف حتعمل ايه
    :)
    بهرج

    انا قلت رايي في الموضوع ده
    وقلت ان المشكلة هي في " الاعتذار" لانه لو اعتذر يبقي لازم انا كمان كمسلم اعتذر لما اقول المسيحية محرفة

    فيه فرق ما بين حوار واعتذار
    مشكلة العلماء بتوعنا - مع ميت خط تحت بتوعنا دي - مش عارفين هما عاوزين ايه
    حتي العوا بقة بيهلس معاهم مع انه مخه كان انضف من كدة بصراحة

    عم يحي عياش قالها بشكل كويس
    وانا مقتنع برايه بشكل كبير

    اللي مش عاجبه كلام البابا يرد عليه
    مش يقولله اعتذر
    ويقلب الناس في الشوارع ويعمل مظاهرات

    ودلوقتي عندهم بدل الفضائية مية
    ميتكلموا ويخلصونا
    لازم تهييج يعني ؟
    واعتذار؟
    البابا يعتذر عن ايه؟
    عن انه مؤمن ان محمد راجل كذاب؟
    يا سلام
    محنا عارفين انه هو رايه كدة
    لما المسلم يقول محمد صلي الله عليه وسلم
    مش معناها ان كل الناس لازم يصلوا عليه
    فيه ناس بتلعنه وبتعتقد انه شر وشيطان
    وانه كذاب وانه جاب دين اونطة
    خلاص خلصنا
    اللي بعده بقة

    موضوع تاني

    ليه الاسلام والمسلمين ملطشة؟
    بصراحة مش بس الاسلام والمسلمين
    والمسيحية والمسيحيين كمان
    وحتي اليهودية بيتملطش فيها
    عالتلفزيون الامريكي
    كل يوم تقريبا
    عيسي ومريم ورموز المسيحية بييتريقوا عليها
    وبيتريقوا علي المسيحيين المتديينين
    سواء عندهم حق او معندهمشي

    فيه علاقة بين الحاج بندكت واونكل بوش ؟
    هل البابا بيغازل بوش؟
    الله اعلم
    ده كلام كله استنتاج في استهبال منعرفشي
    يمكن صح ويمكن غلط
    البابا ده من قبل ما يبقي بابا وهو اكثر غلظة من سلفه جون
    هو طبعه كدة
    الراجل اكثر صراحة من سلفه
    اياكشي يكون حد فاكر ان جون كان بيحب الاسلام عشان بيقول كلام حلو عنه
    ؟؟؟؟
    لا ياجماعة ..ده البابا
    يعني الاسلام بالنسبة له دين باطل ورسوله كذاب
    واحنا عارفين
    وده حقه
    يؤمن زي ما هو عاوز ..ده حق ربنا اداه لكل انسان علي الارض

    الفرق بس بين جون وبندكت
    هو ان جون سياسي و دوبلوماسي
    وبندكت مدب وبيقولها بدون رتوش

    لازم الكل يفكر في مؤامرة عشان يرتاح يعني؟

    المسلمين ساعات بيستهبلوا ويموتوا مسيحي في الشرق عشان مسيحي في الغرب عمل حاجة؟
    طبعا
    وبرضك فيه مسيحين متخلفين كدة
    وهكذا
    وطبعا اللي عمله بابا شنودة ذكاء
    عشان محدش محروم من الخلفة عندنا او مش لاقي يتجوز
    ينزل يطلع غضبه في كنيسة مصرية ويقوللك اصل بجاهد في سبيل الله

    طبعا البابا شنودة ذكي " احيانا" وساعات بيستعبط برضك
    زيه زي المفتي وشيخ الازهر والمنصر والذي منه

    نفسي في حاجة بس
    القرضاوي يرحمنا لوجه الله ويركز في الله هو كويس فيه
    ويسيبه بأة من بابا المسلمين ده لحسن الراجل بصراحة زودها وشغال يوجه الناس في حتت غريبة بصراحة
    طب لو هو جدع قوي كدة ميقوللنا فتوي في حكم بناء قواعد امريكية في قطر ؟
    ويقوللنا حكم وجود علاقات قطرية مع اسرائيل؟
    ويقوللنا حكم وجود نظام اميري في قطر والامير محدش بينتخبه وبيتورث الحكم؟

    لو جاوب علي الاسئلة الثلاثة دي ساعتها اغير رايي فيه
    انا بحترم علمه
    بس مبحترمش مواقفه السياسية
    ونفسي يبطل بأة

    ودمتم

    ReplyDelete
  38. جيد جدا مناقشة هذا الموضوع بهدوء

    اكثر رأئ اعجبنى من الاراء التى اثيرت
    هو راى د. لطف الله خوجه في مجلة العصر

    ***

    http://www.alasr.ws/index.cfm?method=home.con&contentid=8282

    مقال بعنوان
    و اذا لم يعتذر بابا الفاتيكان فكان ماذا ؟

    **
    ادعوك لقرآءته

    **

    تحياتي

    ReplyDelete