فى التصويتات حامية الوطيس الجارية الان على الارض الالمانية المباركة "ذا بوبس" ارجو من كل من ينتمى للتدوين بمدونة او متابعة او تقدير او رفض حتى، انه يصوت لمدونة الاستاذة نهى: التعذيب فى مصر.. هى مرشحة فى قسم مراسلون بلا حدود
وبكل امانة انا بدعوكم تصوتوا لمدونة التعذيب فى مصر، مش لان نهى صاحبتى وكده، لكن انا اعرف كويس اوى المجهود اللى بتبذله نهى عشان تقدر تجيب اخبار فى منتهى الدقة والواقعية وفى موضوع حساس جدا زى التعذيب فى مصر
اول ما عرفت نهى سألتها سؤال.. انتى بتجيبى اخبار التعذيب دى من مجرد حكايات وحواديت وشهود.. قالت لى لا ، دى تقارير موثقة
ومش ممكن انزل فى المدونة حاجة مش مؤكده.. دا لأن كمان نهى صحفية وعارفة قيمة واهمية الخبر الموثق
وكمان لأن موضوع فى خطورة التعذيب دا لازم يكون كلام موثق.. مش هنرمى بلانا على ملايكة الداخلية وأمن الدولة يعنى
ولما سألت نهى بردو انتى ايه اللى خلاكى تعملى مدونة متخصصة بس فى فكرة واحدة وهى التعذيب فى مصر.. اشمعنى التعذيب يعنى
قالت لى لأن التعذيب دلوقتى على ايد الشرطة بقت حاجة عادية عند المواطن المصرى، مش بيحس انها انتهاك لحقوقه وكرامته.. بقى التعذيب والضرب والاهانة حاجة عادية جدا لما تصدر من اى حد فى الشرطة
نهى كانت بتتكلم عن مثال بسيط اوى لما حد مثلا يتضرب علقه فى ليلة فى قسم شرطة مصرى.. حتى لو كان هو اللى رايح يقدم البلاغ
كمان نهى بتدور على اخبار التعذيب المتعلقة بالمعتقلين ولو تصفحتوا المدونة هتلاقوا فعاليات كمان بتحاول تغطيها خاصة بالجزء دا من التعذيب
الاكتر من كده ان نهى هى المسئولة الوحيدة عن المدونة.. هى اللى بتجيب الاخبار وهى اللى بتنزلها.. وانا بصراحة كنت متصورة فى الاول ان المدونة دى وراها مجموعة من المهتمين بحقوق الانسان وكده.. وان جيش من المحررين ورا الاخبار اللى بتنزل تقريبا بشكل يومي
صوتوا لصالح مدونة نهى.. مش عشان كل اللى انا قلته ده.. لكن لأن التعذيب فى مصر قضية محتاجة نلقى عليها الضوء.. .. ودا هيشجع نهى تستمر لما تلاقى مننا رد فعل او صدى للى هيا بقالها شهور بتعمله
فى كمان اصدقائنا المدونين فى قسم "افضل مدونة بالعربى" هتلاقوا مدونين عرب ومصريين جامدين اوى.. ادخلوا صوتوا لهم.. بصراحة الاختيار بينهم صعب اوى :) ربنا معانا ومعاهم
من غير بقى ما تضيعوا وقت .. ادخلوا هنا على صفحة التصويت..
هتلاقوا قسم مراسلون بلا حدود
Reporters Without Borders Award
اختاروا مدونة التعذيب فى مصر وهى مكتوبة بالألمانى معرفش ليه
Folter in Ägypten
المنافسة رهيبة..لكن بشوية مساعدة ممكن فعلا المدونة تبقى الأولى بلا منازع :)))
ReplyDeleteبعد ما حطيت صوتي بقت في 3 مدونات واخدين 119 صوت، منهم مدونة التعذيب في مصر :)
اولا كل عام وأنتم بخير
ReplyDeleteوثانيا : ان شاء الله هصوت للمدونة وهعمل مجهود فى الدعايه ليها
وثالثا : حلو اللووك الجديد للمدونه بتاعتك
وتقبلى تحياتى
I have already done that. It is one of the blogs I follow, and it has indeed a very worthy cause.
ReplyDeleteأنا فعلا أعطيت صوتى منذ قليل لمدونة التعذيب فى مصر وهذاأقل مجهود نعمله من أجل هذه القضية يا سادة.... فقد رأيت بأم عينى فى التسعينات كيف كان الشرطى يعذب ويتلذذ !!! و كيف كان المصرى يتعذب و يئن !!! ..يجب أن يعلو الصوت لمنع ذلك
ReplyDeleteانا صوت زى ماحضرتك طلبتى يا فندم
ReplyDeleteبس انا طالب منك بما ان ليكى صوت مسموع
ان يتم التصويت لحواديت رحاب
لأن مدونتها تستحق اكثر من ذلك
شكرا
http://hadouta.blogspot.com/
اقرءوا هذه المدونة و انتم حتعرفوا
انا عملت دعاية للتصويت بتاع موقع ...التعذيب فى بر مصر
ReplyDeleteعلشان يبقى الموضع تمام
و انت كمان ظبطى تصويت لموقع حواديت رحاب
عباس العبد
ReplyDeleteمدونة رحاب من اهم واجمل المدونات المصرية فعلا، وزيها من نفس المدونات المنافسة مدونة إيهاث وعمرو عزت وجار القمر، وبشكل شخصى انا بحب المدونات دى كلها، ومش هقدر اشجع على تصويت مدونة واحدة معينة على حساب المدونات التانية
انا الاختيار بالنسبة لى كان صعب جدا
وطبعا مش هقول انا اخترت ايه فيهم
:)
آديني عملت بلوج على ( بلوج سبوت ) يا ستي..و خرجت من الظلمات إلى النور .. و قلتلك قبل الإفتتاح كمان علشان الشربات و الذي منه...
ReplyDeleteكل سنه وانت طيبه يابنوته
ReplyDelete...................
التعذيب قضيه مهمه بس المدونات مش كفايه هي اكيد خطوه مهمه بس مش كل حاجه
This comment has been removed by a blog administrator.
ReplyDeleteسلام ...كيفيك انشاء الله بخير والله يا عمي انا ما عرفت كيف بدي اصوت الكتابه مو مفهومه بس رح اخلي الاولاد يساعدوني وتشكري على تعريفي بمدونه جديده والله يكون بعونا وبعونكم ويعيد كل الغياب
ReplyDeleteعباس مشكور والله المدونه كتير حلوه
ReplyDeleteكل سنة وانتي طيبة
ReplyDeleteفين العيدية يا طنط؟
هو ليه بلو مش بيظهر عندها غير موضوع قديم؟
كل سنة وانت طيبة
ReplyDeleteوعيد سعيد
ان شاء الله كلنا هنصوت للتعذيب في مصر
مستني زيارتك لمدونتي
=================
الامبراطورية المفقودة
عالم مختلف
www.lost-empire.blogspot.com
مش عارف ليه يا زينب لما اجي اعمل بابلش بيحصل ايرور...وبعدين الاقي البوست متسيف في البوستينج بس مش ظاهر في البلوج...ولازم اخلي منجي يعمل بابلش
ReplyDeleteممكن تساعديني؟
خلاص العيب عرفته وظبطه
ReplyDeleteاوعي تقوليلي شاطر خالص
:)
علي فكرة يا زينب حكاية التخرش بتاعة وسط البلد هاتنزل عدد الجمعه اللي جاي عند بابا في اخبار الادب
ReplyDeleteهم كانوا لسه ماعرفوش ولا ايه مش فاهم(اهمال مهني)بس الظاهر الحكاية هاتتحرك بعد العاشرة مساء
بجد يا احمد
ReplyDeleteيا ريت تنزل
وتبقى انت واخبار الادب شطار خالص :))