10/30/2006

مبارك الجنس المصري

** تحديث: البانر الجديد اخر التدوينة **
دى تدوينة كتبتها من يوم ونص كده ، بعدها حضرتك هتلاقى كلمتين اجدد بخصوص حملة.. اتكلموا

أوجه هذا الكلام لكل من تم تأييدها فى شهادة الميلاد على أنها أنثى.. سواء أقرت بهذا أم لا، وسواء كانت مصرية أو تحمل جنسية أخرى ومقيمة بمصر أو سائحة.. وساوء كانت مسلمة أو مسيحية أو يهودية أو بهائية أو لادينية أو ملحدة.. وسواء كانت كانت ترتدي نقاب أو خمار أو طرحة أو ايشارب او توكه بأستك او من غير استك أو كلبسات أو باروكة.. أو ترتدي بدى أو بلوزة كت أو نص كم أو تلتين أو مفتوحة الصدر او الظهر أو حمالات.. أو بنطلون او شورت او جيب ميكرو او مينى او شانيل او ماكسى او ملس او اسدال او عباية، وسواء كنتى صحفية او باحثة او مدرسة او طبيبة او عاملة او بائعة فى محل او ربة منزل او بنت ليل، أو كنتى جامعية أو طالبة ثانوى أو دبلوم خمس سنين او تلاتة او اعدادية بس باين عليكى الانوثة، او حتى مش باين بس مضفرة شعرك ولابسه هدوم تبين انك فى المستقبل القريب هتستقلي بمظهر أنثوى

يا عزيزتى الأنثى على أرض مصر.. لا تسيري وحدك فى شوارع المحروسة ولا مع بنت أخرى أو عشرة.. ولا مع رجل ملو هدومه أو عشرة - مش هينفعك بحاجة يا نور عينى - لا تسيري على قدميكى بالمرة.. اركبي سيارة او اتوبيس او ميكروباس او تاكسي او قطار او طائرة او توك توك

ممنوع منعا باتا المرور فى شوارع وسط البلد بالقاهرة المسعورة وممنوع منعا باتا الخروج الى الشارع من بعد الساعة السابعة مساءا.. وللتقية، يفضل الامتناع مع زوال اخر خيط للنهار.. ليس عليكي ان ترى الليل بعد اليوم

لما تخرجي من البيت ماتنسيش دعاء الخروج (بسم الله توكلت على الله ولا حول و لاقوة الا بالله، ماشاء الله كان وما لم يشأ لم يكن ولا حول ولا قوة الا بالله العلى العظيم.. اللهم إنى أعوذ بك من أن أضِل أو اُضَل أو أذِل أو أُذَل أو أظلِم أو أُظلَم أو أجهل أو يُجهَل علىّ)

واسمعى كلام بابا وماما وخليهم دايما راضيين عنك.. يا بركة دعا الوالدين يا حبيبتى وخصوصا فى اليومين دول

عزيزتى الأنثى على أرض مصر، اذا كنتى مثلى اول مرة تقرأين الحدث ، فلا تندهشى فقد مضى عهد الاندهاش، ولا تفزعى فليس بعد ذلك فزع.. الحدث لم يكن الوحيد.. بل ظهرت شهادات أخرى تؤكد تكراره فى اماكن مختلفة وسنوات مختلفة يرجع اقدمها لست سنوات

عزيزتى الانثى على ارض مصر
لن تجدي مثل تلك التحذيرات أبدا على معبد فرعونى او بردية متهاكلة.. فلم يحدث فى احط العصور الفرعونية واكثرها قهرا وفرعنة وانهيارا ان قامت ثورة هياج جنسى

ولن تجدي مثلها ابدا فى مخطوطة راهب قبطي هرب إلى الصحراء من ظلم الرومان.. فلم يحدث ان اعتدى الرومان فى ثورة شوارعية جنسية على الاناث فى مصر رغم تفننهم فى تعذيب المسيحيين فى عصر الشهداء

ولن تجدي مثلها ابدا فى كتب اسلامية، ليس لأن الدول الاسلامية على تعاقبها كانت دولا صالحة تنفذ ما امر الله به، ولكن لأن الأغبياء كانوا يمنعونها من الخروج أصلا

عزيزتى الانثى على ارض مصر.. ارفعى رأسك وافتخرى بأنكى انثى.. فالإناث فى مصر أكثر صلاحا من الرجال.. فلم يحدث حتى الآن أن قامت ثورة الهائجات الجنسية ولم تتحرش الاناث بعد بالرجال فى الشوارع بشكل جماعى هجومى يوقعونهم ارضا وينتزعون عنهم ملابسهم

الرجل يسير بين الإناث آمن مطمئن.. والأنثى تسير بين الرجال غير آمنة ولا مطمئنة.. جالها هسهس.. لا اقول هذا محرضة على الانتقام او مطالبة بالسن بالسن والعين بالعين رغم ان البادى أظلم
ادعوكى فقط ألا تنسى أنكى أنثى.. وأن تفتخرى بذلك وتحمدى ربنا وتبوسى ايدك وش وضهر

وأخيرا قرار تدوينى رقم 1 لسنة 2006، يلغى شعار العصر " مبارك شعبى مصر" ويتم استبداله بالشعار الجديد والمناسب للمرحلة "مبارك الجنس المصري"

---------
الكلمتين الجداد

اتكلموا.. مالك بيقول اتكلموا
اوعى تفكرى انك لما تقولى او تحكى انك بتفضحى نفسك.. الفضيحة ليهم هما والكرامة ليكى.. هما اللى المفروض يتكسوفوا وينزلوا عنيهم فى الارض

مش بس البنات اللى هتتكلم.. كل حد شاف بعنيه حالة اعتداء يقول عليها.. انت هتقول وهى هتقول وهما يحكوا.. والملف تتجمع فيه شهادات كتيره.. ونروح للى فى ايده الامر يا يقضى امرا كان مفعولا، يا نفضحه ونفضح نظامه ونفضح امنه ونفضح حكومته ونفضح فساده



** تحديث **
دا بانر تانى للحملة، عشان فى ناس مش عجبهم البانر الاصلى.. انا عاجبنى وبيعبر عن اللى اقصده، لكن ايمانا بحرية البتاع يعنى عملت بانر تانى.. تقدروا تقروا التعليقات عشان تتعرفوا على وجهات النظر حول مشكلة البانر
:)

تريقولى الجديد كمان

56 comments:

  1. الصراحة الحركة دى كويسة اوى .. و انا معاكو ان شاء الله و هحط البانر ده فى المدونة بتاعتى ..

    مبروك على الlay out الجديد شكله حلو اوى ..

    ReplyDelete
  2. انا اول مرة اقرأ الحدث دا..أو أحس بالهزة الأخلاقية اللي حصلت هنا في مصر مش عايزة اقولك ..إني كنتب برجع البيت اعيط لوالدتي بقول له انا مش عايزة اعيش في مصر هنا وسط ال...إللي فيها ... بجد بجد احيانا ببقى نفسي البس خيمة وامشي بيها في الشارع او يكون معايا جهاز للصواعق الكهربائيه .. بجد ببقى نفسي يكون معايا اي حاجه ادافع بيها عن نفسي..شئ صعب انك تحسي انك عاجزة انك تساعدي نفسك ولو بالقليل..يمكن الموضوع دا مش حصلي .. بس انا بخاف يحصل لي .. مش عايزة اقول لك انا بقى يجيلي خوف هستيري لما سامع صوت وتسيكل جي من وارايا بتلاقيني نطيت على الرصيف او حتى احس ان في واحد راكب عجله نفس النظام.. الحمد لله ربوا لنا الرعب..وياريتهم يربوا نفسهم,,بجد ربنا معاكوا في الحركه واتمنى ان يساع لي الوقت ان اشارك باي حاجه..ربنا يوفقكوا

    ReplyDelete
  3. الصورة مش عاجباني بصراحة
    حاسس انها اعلان بورنو
    ومش معبرة عن ان اللي حصل جريمة
    الصورة بتقولي

    " انا قاعدة لوحدي في البيت ومحدش معايا وخايفة لحد يتحرش بي
    "
    عاملة زي متكون دعوة للتحرش بصراحة
    ده رايي في الصورة

    وكمان العبارة اللي بتقول
    حتي لا تنتهك بناتكم في الشوارع

    عبارة تهويلية قوي
    انا حاسس ان العاطفة واخدة الناس بشكل كبير ومبيفكروش في شهرين تلاتة كمان

    مش عارف ليه حاسس ان حل مشكلة زي دي مش في الكلام عنها هي نفسها

    لان اللي حصل مش هو المشكلة الاصلية
    ده عرض
    ولو خدتي من تعليق باتريسيا
    اللي بيتعمل ده بيخلق شك جماعي في كل شئ
    وده مش بيحل ده بيعقد كل شئ اكثر

    ده رايي الشخصي

    ReplyDelete
  4. البانر غريب , أول ما شفته مكنتش قادر أحدد موقف منه , بس دلوقتي أنا متفق مع ابن عبد العزيز , يا ريت باقي المهتمين يحاولوا يعملوا بانرات تانية يكون عليها توافق , والأفضل طبعاً إن الحملة يكون لها شعار موحد .


    أفتكر لو تم استبدال قدمي الفتاة بصورة أخرى ( ناس بتتكلم مثلاً زي تترات برنامج حوار مفتوح على الجزيرة ) قد تنتهي المشكلة .

    ReplyDelete
  5. بنوتة عادية جدا
    الله يبارك فيكى
    ويباركلك فى ديوانك الجديد :)
    ----------

    باتريسا
    فعلا الموضوع لحد قبل الحدثة دى واكيد لحد دلوقتى بالنسبة لكل البنات اللى مقروش عن الحكاية انها ازمة تبعهم هما ، وان كل بنت بتحاول تدور مع نفسها عن وسائل دفاع

    اعتقد ان دلوقتى لما البنات تتكلم وتحكى، الوضع هيختلف شوية

    وحكاية الشك دى هى اللى خلتينى اقول ان البنات جلها هسهس.. وهسهس دا مصطلح هزار تعبير عن جنون الريبة والوسوسة
    واعتقد بشكل ما ان البنت فى الشارع بيبقى عندها درجة ما من الهسهس ده

    -----

    ياسر
    افضحي من يتحرش ولا تستحي فانتي الفضيلة

    بالظبط هو دا اللى عايزة اقوله

    الجملة بتاعتك دى معبرة جدا يا ياسر

    ReplyDelete
  6. ههههههههههههههه
    فيلم بورنو مرة واحدة يا شريف
    اه بأه، ما هو اصل انا واخدة توكيل المنطقة هنا
    واحتمال ادخل بالبانر ده قصدى الافيش ده جايزة احسن افيش لفيلم بورنو

    يا عم الحج الله يكرمك، انت نفسك بتقول ان الصورة بتقولك "انا قاعدة لوحدى فى البيت محدش معايا وخايفة لحد يتحرش بيا".. دا بالظبط اللى عايزة اصدم بيه الناس.. كان فى تدوينة لحد كتابها مش فاكرة مين، ان البنات دلوقتى المفروض يخافوا وهما فى بيوتهم، الاربع حيطان ممكن ما يكونش امان تانى يعنى

    انا عملت البانر بصورة زى دى عشان يخبط فى الدماغ بشبه صدمة، عايزاه مستفز من غير حدود، لأن اساسا مابقاش فى حدود دلوقتى

    وقدرت بصراحة الاستفزاز ده ممكن ينتج عنه ايه، اما الواحد هيستفز من الصورة ويلعن ابو التكنولوجيا اللى تخلى حدث فى كام شارع يبقى على لسان الناس ويبقى فضيحة.. او يستفز ضد البنات كالعادة ويقول يستاهلوا عشان يتلموا.. او يستفز ضد الحادثة نفسها ويخاف على اهله وعلى كل بنات الناس

    انا معاك يا شريف، مشيها فيلم بورنو.. ممكن كمان اشيل عبارة "حتى لا تنتهك بناتكم على الارصفة" واحط "تحب بنتك تبقى فيلم بورنو؟؟"

    ما هو مش هيلاقى فى الدنيا فيلم بورنو اكثر برننه من اللى حصل فى وسط البلد.. ولا الجملتين دول تهويل او تضخيم على فكرة

    انت مش متخيل صدمة كل بنت قريت الموضوع ده... وعدم الاحساس بالامان.. اللى زاد -مش هقولك اللى اتولد- للدرجة دى حياتنا بقت مستباحة للكم المخيف ده من الفساد

    مبقاش فى حاجة اسمها تهويل، ولا بقى فى حاجة مستحيلة. كل شىء ممكن يحصل.. وسيناريوهات اسوأ بكتير ممكن تكون.. يمكن يكون فاضل مشهد واحد بس لسه ما حصلش.. بس لو تطورت الظاهرة دى بنفس تطور الحاجة الساقعة هنصحى فى يوم نلاقى مشهد كالتالى:
    عدد 150 شاب بيهجموا على بنت.. اتنين.. تلاتة.. فى وضح النهار.. وفى اكثر الشوارع ازدحاما.. والناس حواليهم يا اما بتتفرج، او واحد بيضرب كف على كف ويكتفى بيا حول الله يا رب.. وواحد ماسك ابنه فى ابتدائى من ايده، ويقوله شوف يا هيثم الاولاد الوحشين دول، اوعى تعمل زيهم.. وياخده يكملوا طريهقم ع المدرسة

    تفتكر مستحيل ان اللى مش عادى يبقى عادى.. مع ان اللى مش ممكن يحصل حصل فعلا

    عموما.. بالنسبة للبانر، لو الفكرة وصلالكو بشكل سلبى ما يعبرش عن الحملة نقطعه خالص ونعمل غيره.. يا سلام، كلنا فداء للوطن

    ------

    اسد
    اوكى ، هعتبر كلمه "غريب" تساوى كلمة "مستفز" ، انا لما اشيل رجل البنت واحط صور ناس بتتكلم ابقى ما استفزتش حد وماخبطش حد فى دماغه، ولو حتى استبدلتها بصورة بنت بتعيط وللا مكتئبة وللا منهارة، مش هو دا اللى عايزة يكون حال البنات عليه.. الواحد لما بيتسرق مش بيحس بالعار والفضيحة، ولا عايزة العار والفضيحة يكونوا احساس البنت فى موقف زى ده

    احسن حاجة انى اعمل بانر تانى.. اختيارى :) اللى يحب ده يحطه واللى يحب التانى يحطه
    ، انما ماقلتليش يا عمر.. ايه رأيك فى البانر على المستوى الفنى.. بصرف النظر عن هو معبر وللا لأ لأن دى نقطة اصبحت موضع خلاف

    ReplyDelete
  7. هيا بصراحه اول ما شفت البانر ادالي احساس بانها اعلان عن نوعيه شرابات حريمي هتنزل جديد واننا حافيين وبتاع

    :D

    بس بعد شويه من التدقيق والتمحيص في الصوره وضحت الفكره بتاعتك يا حاجه زيزي

    ReplyDelete
  8. والله يا بنتي انا مستغرب من الي يصير عندكم بس بدي اسال وين الحكومه بلاش وين الناس الي بالشارع ولو لهذه الدرجه النخوه راحت من الناس والله لازم كل خواتنا ما دام الحاله وصلت لهذه الدرجه انوا يتسلحوا ولا يستحوا بشلح الجزمه والصفع بيها على راس هذول اولاد الكلب لانه هاي الناس اكبر جبناء وصوت واحد تحصلي الواحد منهم زي الكلب بيهرب لكن المخفي والي البنات كتير بيتعرضوله وما بيتكلموا هو في اماكن العمل يا ريت الناس الي زي هل الاشكال تفتكر انه الهم خوات والله يكون بعونا على هل الايام المزفته وبالمصري المنيله بستين نيله

    ReplyDelete
  9. حلو البوست
    شطورة خالص
    :)

    ReplyDelete
  10. وجه نظرى فقط ، الحمله فكره جيده مهما كان حجم الأختلاف الأديولوجى ببننا ، انما الصوره غير مناسبة على الأطلاق فهى توحى مثلاً بأن الحل ان البنت تحط مونكير فى صوابع رجلها حتى لا تنتهك بناتنا او انا تقلع الجزمه عشان تدى بيه على الدماغ حتى لا تنتهك بناتنا طبعاً دى صوره هزليه شويه انما الحقيقى البوستر جانبه التوفيق وأرجو تغييره

    ReplyDelete
  11. ليست دعارة الفرج في متناول الجميع علي فكرة
    لكن دعارة النظر هي المتاحة و علي قفا من يشيل

    و هي العن و اخطر مليون مرة
    فهو احماء و تركيز للطاقة لهدف و دون تفريغ

    ما حدث في وسط البلد يحدث من سنين في مواسم الاعياد و غيرها و ما يكون بها تجمع حثالة البشر
    و ما حدث لم يحدث من قبيل متعة جسدية
    شوفتي قبل كدة عيل في الشارع رابط كلب من رقبتة و عمال يسحلة في عرض الشارع و يضربة بعصاية
    هل هو مستمتع
    لا و لكنها وسيلة لا ارادية لتفريغ شحنة كبت لدية
    لا يجد الا حيوان لا حول لا ولا قوة
    لكن لو الكلب عضة عضة اصابتة بالسعار و اخد 21 حقنة
    لفكر 1000 مرة قبل ان يفعلها مرة اخري
    و هو نفس الحال في هذة الحادثة لو تم تطبيق قانون راااادع لامثال هؤلاء الحثالة البشرية
    كالاعدام الو التعقيم الطبي او العضوي
    لما تجراء كلب منهم علي فعل فعلتة
    تخيلت نفسي لو معي زوجتي و ابنتي الطفلة في هذا اليوم
    و حاول احد التهجم عليها
    اقسم باللة انا امضع دائما في سيارتي عصاة المخصصة للعبة البيسبول الامريكية
    اقسم بالله مرة اخري
    لكنت قمت بالضرب علي راس من يقترب بلا لحظة تردد
    و لا خوف و الضربة منها كفيلة بشق الجمجمة

    نسأل الله السلامة مما هو ات

    ReplyDelete
  12. شوفي بقى يا زيزي
    زمان ايام ابويا وابوحضرتك
    كان لما يشوفوا حد في الشارع بيعاكس الشارع كله بقدرة قادر ينزل في العيال الصيع دول ضرب لحد مايبانلهم صاحب
    اما الان
    فبقوا مش مجرد واد صايع
    دي عصابات
    ومسلحين باحدث الاسلحة
    سنج
    جنازير
    مطاوي
    وما خفي كان ...
    ولو حد خدته الشهامة وقال لواحد
    يابني عيب
    تلاقي .... الباقي معروف
    ولو راح الشرطه
    ...... بردو معروف
    المجتمع كله بقى فاسد
    يا ترى العيب فين
    في البنات اللي طالعه علشان تتعاكس
    وللا في النظام اللي اهتم بالامن السياسي اقصد امن السلطه وساب امن المواطن والمواطنه
    فكري معايا
    مين السبب
    هتلاقي السبب انا وانتي واخويا واختك

    ReplyDelete
  13. بس ليا ملاحظة كمان
    واضح
    ان فيه تحسن
    ايه سببه انا معرفش
    واضح ان فيه تدين اللحظة دي اكتر من اللحظة اللي فاتت
    تقدري تشوفيه بنفسك
    لما تلاقي ممثلة مشهورة اتحجبت
    قد نختلف
    في سبب تحجبها
    ويمكن لما تقوليلي اصلها بقت موضه اصدقك
    بس مقدرش اصدقك لو قلتي انها موضه وحشه
    لا موضه حلوة
    واضح ان فيه انتكاسه للخلاعه
    شئ غريب
    شئ جميل
    مش لاقي له تفسير
    بس لما بلاقي نفس الشاب اللي كان في مافيا الصياعه
    جنبي في الصف الاولاني بيصلي
    بقول هو فيه ايه
    يا ترى بكره هيبقى احسن
    الله اعلم

    ReplyDelete
  14. بصي يا زينب
    انتي بالذات عاوزك تتابعي الحوار اللي شغال عند هيثم جار القمر
    عشان ده اهم حوار شغال حتي الان من وجهة نظري وبرضك بيناقش موضوع الحملة والصور واللغة وكله

    http://jarelkamar.manalaa.net/node/388#comment-1804

    بصي انا اصلا مكنتش عارف مين اللي رسم البانر ورايي ممكن يكون غلط اصلا
    انا بس قلت احساسي او شعوري اللي داخل صدري فوق ان وقعت عينايا علي البانر والكلام اللي فيه

    الفكرة بتاعة الحملة كويسة
    لانها التصارح
    فاكرة مصالحة ومصارحة
    ده جزء من الحل
    يبقي احنا كدة بقي ماشيين صح والله اعلم
    النقطة اللي بعدها اننا انا وانتي وفلان وعلان بنتعلم حاجات جديدة مكناش فاهمينها قوي او فاهمينها خالص
    موضوع الخطاب الانتحاري والبنائي ده مهم لانه بيفسر الي حد بعيد فشل كل محاولات الاصلاح حتي الان

    وسواء كانت نظرية يمكن اثباتها او انكارها
    النقظة اننا بنجرب اللي بنتعلمه ونشوف وقعه ايه وناخد فيد باك ونجرب تاني

    اللي حصل سواء فيه تهويل او لا
    هو مصيبة
    لا انكار
    وانا شخصيا لو كنت هناك كان زمان حزامي اتملي دم من كثر الروس اللي حتتنش
    انا طيب وابن حلال بس وقت استخدام العنف ضدي او ضد من امر الله بحمايته وانا في وسط المعمعة فانا ايدي طرشة
    مش ده المهم
    انا بس عاوز اقول انا مش مستهين بالموضوع اصلا
    انا كتبت فيه بوستين
    وداير اتعلم من الناس واسال بالراحة المرة دي ومش بالزعيق لو خدتي بالك

    عشان انا بتغير الان برضك مع كل جزء من تغير المعلومات حواليا والظروف

    المهم انا بس عاوزك برضك تدي اهتمام للاشياء المستجدة وتشوفي حتأثر فيكي ازاي ان شاء الله
    وجزاكم الله خيرا علي جميع الاعمال الصالحة اللي بتعمليها
    ويجمعنا الله واياكي في هذه الدنيا علي خير
    وفي الاخرة عند النبي عليه الصلاة والسلام

    امين :)

    ReplyDelete
  15. انا معترض على ان كل بنت تكتب في المدونة بتاعتها انا اتعملي كذا وكذا عيب جدا الموضوع ده
    عايزين توثقوها وثقوها بس في الاماكن المناسبة مش كل واحده تقول انا اتعملي كذا وكذا ادام كل الناس كده
    تروح توثقها في المكان المخصص للموضوع ده
    ده في بنت بتقول فتحلي سوسة الجيب ومد... ميصحش خالص كده ميتقلش ادام كل الناس

    ReplyDelete
  16. bos ya moftah
    the idea of bloging is to talk with out fear
    you don´t know zeanb or the girl you are talking about
    so there is no any reason to be shy
    and even if you know them


    sorry about the english
    i am using linux now and i did n´t putt enough fonts

    ReplyDelete
  17. والله لسه الموضوع رح يجنني الله يكون بعونكم يا بنتي

    ReplyDelete
  18. شيموووو
    اعلان شراب اعلان شراب.. مش مشكلة، هى جت ع الشربات ههههههههه
    وحشانى اوى يا بنوتة.. انا مشغولة جامد، حتى انى مش بدخل على جى توك ولا بتاع، هكلمك اسهل.. بس اشحن
    :)

    ----------

    ممكن
    ممم استنى بس، بصفتك اخ عربى كده تفتكر احنا ضربنا السياحة :))
    اقولك ايه بس.. هى والله ايام ملهاش لون، كل شوية تتربق على دماغنا مصيبة جديدة، احنا جيل محظوظ جدا
    ---------

    عربى
    ميرسى خالص ;)
    --------
    محمد جعفر
    والله انا جهزت بانر تانى، بس لسه مانشرتوش،
    بالنسبة للمونكير دا بس عشان اميز ان دى رجل بنت مش ولد :)
    ------
    انا جعان
    اهى دى نقطة مهمة جدا، انا بردو اعتقد ان المشكلة ملهاش علاقة بصفتنا بنات.. يعنى هما مش عملوا كده الا لمجرد الكبت والضغط، ومش ضرورى يكون جنسى لكن الكبت والضغط من الفساد اللى حوالينا والعجز اللى مالى كل الناس.. وفى الاخر بيتدوروا علينا عشان احنا الحلقة الاضعف فى المجتمع.. او هكذا اقنعنا انفسنا
    -------

    مصريون بلا حدود
    بنات طالعة تتعاكس؟؟؟
    صباح الخير بالليل
    ---------

    بن عبد العزيز
    حاضر.. علم وينفذ، هقرا كلمه كلمه
    بس يعنى ايه ادى اهتما للأشياء المستجدة؟
    اشرح مع الامثلة :))

    -------
    عبدالله مفتاح
    بص يا عبد الله، خلينا نتفق على ان الصراحة والكشف عن المشكلات هى اول طريق الحل.. اذا كنا بنقول لازم البنات تتكلم وتقول، فدا مش عشان ناخد التفاصيل دى مثلا ونعملها فيلم ثقافى
    اوكى.. انما الكيفية دى بقى نقدر نتكلم فيها براحتنا.. يعنى انا معاك فى اهمية انتقاء الالفاظ واسلوب الكلام والوصف.. انه يكون واضح ومش فيه مبالغة ويكون حيي فى نفس الوقت، ويمكن الافضل زى ما انت ما بتقول ان يكون مكان محدد تتوجه ليه البنت للابلغ، لكن بما ان اصحاب الفكرة هما مجرد مدونين لاحول لهم ولا قوة فهما بيحاولوا يدورا على الوسائل المتاحة.. والتدوين هو المتاح

    ---------

    ممكن
    لا لا ماتتجننش.. اللى يعيش يا ما يشوف
    -----
    مصراوى
    اعتقد ان تجارة الرادع الشخصى والمطاوى فى طريقها للازدهار

    ReplyDelete
  19. معلش فيه حرف وقع
    كان قصدي ادي اهتمام للاشياء المستجدة
    واقصد اننا كلنا بنتعلم في بعض
    وان فيه مواضيع جديدة بتتفتح من ناس ربما لها وجهات نظر لم نعهدها من قبل
    وبالتالي لازم يكون مخنا مفتوح للاستقبال لهذه المستجدات لعل فيها شئ نافع

    ReplyDelete
  20. اللي حصل درس قاسي لينا جميعاً إننا نركز أكثر في مستصغر الشرر اللي بتطلع منه الحريقة الكبيرة ..

    مي2 في تدوينة قيمة لها تحدثت عن عشرات مشاهد التحرش التي سبقت الحادث الكبير والتي قوبلت بالتجاهل حتى حدثت المصيبة..

    الأستاذ ياسر ثابت فاجأنا في تدوينته الأخيرة الرائعة بأن حوادث أصغر صاحبت احتفالات فوز مصر بكأس الأمم ، وتجاهلتها وسائل الإعلام تماماً!

    خوفي أنه إذا كنا نتجاهل مستصغر الشرر حتى يحدث الحريق الآن ، أن نصل لدرجة نتجاهل فيها الحريق انتظاراً لحريق آخر أكبر لا يبقي ولا يذر..

    ReplyDelete
  21. السلام عليكم ورحمة الله وبركاته

    أتفق معكى فى جوانب وأختلف معكى فى كثير, أتفق فى أن ما حدث لابد وأن يؤلم كل أنثى فى المقام الأول, ولعل ذلك ما دفع بك الى مزلق العاطفة, وكذلك كل رجل لأنه لا يمس الأنثى وحدها رغم ان خطابك كان موجها للنساء وكانهن اصبحن موضع افتراس لكل الرجال؟؟؟؟

    ولكن كان فى عرضك الكثير من العاطفة
    مثل دعوتك لجميع طوائف النساء, ونسيت فى خضم ذلك ان بعض هذه الملابس والطوائف التى ذكرتيها تكون سببا بلبسها وسلوكها فى هذا الإعتداء عليها, وكذلك قولك "ولكن لأن الأغبياء كانوا يمنعونها من الخروج أصلا ", فمن الاغبياء هنا يا سيدتى ؟؟؟؟ ربما قصدت من كانوا يحافظون على نسائهم؟؟؟ لا اقول لكى يجب علينا حبس النساء وكانهن جوارى ولكن يجب ان نعاملهم كانهن درر نحوطهم باعيننا نراعى فيهن الله كما اوصى بذلك رسول الله صلى الله عليه, وسلم, ولكى لا افهم على انى القى باللوم على النساء اقول ان القضية قضية فردية فى المقام الاول قضية خلق كل منا مسئول عن العمل به" فكلنا راع وكلنا مسئول عن رعيته"

    وهو بعد ذلك قضية امه وجماعه, وما حدث ليس نابعا من عدوان الرجال على النساء واستضعافهم لهم, ولكن التحرش قبل ان يكون بالنساء كان بالرجال تحرشا من قبل حكومتنا التى جعلت الشباب يصل الى مرحلة السعار وتحرشت به فى عمله وفكره وحياته ولما طفح كيله تحرش بالاضعف منه
    انها ثقافة الغاب..وعهد الانحطاط

    سيدتى انها ليست ماساة انثى ولا نساء ولكنها ماساة امه باسرها برجالها ونسائها

    اللهم ردنا الى دينك ردا جميلا

    السلام عليكم ورحمة الله وبركاته

    ReplyDelete
  22. Thanks for your efforts ya Zeinab.

    My husband says these things happened "all the time" in Egypt,whenever there were crowds, boys would verbally attack girls or try to quickly touch or grab them and run. However, this time, it took an aggressive form,as the boys were trying to take the girls' clothes off and were closing in on the girls as opposed to the "hit and run" of the past.This development just echos the bad times we are witnessing in Egypt.

    We should definetely expose this. Hiding things so we look as the society of great morals and traditions is of no use, and will only make matters worse.

    I am waiting for the new banner to put on my blog, as I honestly do not like the current one.

    ReplyDelete
  23. I am sick of people trying to keep women in the house because a woman is a jewel. I am not a jewel, I am a person, a human being and I want the right to live as such.

    ReplyDelete
  24. زينب

    التحرش هو حلقة فى مسلسل القوى والضعيف فى مصر
    الأمر مرتبط بثقافة المجتمع
    القوى دائما يأكل الضعيف

    والمرأة فى الطريق مخلوق ضعيف

    استمتعوا بالسئ فالأسوء لم ياتى بعد




    بنت عادية الموجوده فى اول رد ليست بنت عادية - رشا عبد الرازق
    الشاعرة صاحبة ديوان بنت عادية وديوانها الجديد التفاحة
    اظنه تشابه اسماء


    http://bint3adia.blogspot.com

    ReplyDelete
  25. mechanicalcrowds
    thanks keteer :)
    -----
    قلم جاف
    الاكتر من الامم الأفريقية
    فى حد قاللى ان دا بيحصل فى روكسى دايما وبشكل مستمر وبقالة كام سنة
    وانه.. حاجة عادية خالص
    ----

    إسلام
    وعليكم السلام ورحمة الله وبركاته
    من ناحية ان خطابى كان عاطفى وبيوحى ان النساء اصبحن موضع افتراس من كل رجل. فأعتقد انى كتبت التدوينة دى بلهجة سخرية لا تخلو من المبالغة اكيد.. لكن كمان مش ممكن تكون فهمت انى بتهم كل الرجال يعنى.. انا ليا اهلى من الرجال وعرفاهم كويس وعارفة اخلاقهم، وليا زمايل واصدقاء وناس كتير وانا مش مخي صغير عشان احط الرجال كلهم فى سلة واحدة

    بص.. من ناحية اللبس، فاسمحلى اقولك، انا محجبة اه ومقتنعة بيه جدا. .لكن مقتنعة كمان ان مش اللبس هو المشكلة، ومش لأن فى بنات مش محجبات ان دا عذر لأى رجل.. نهاااائى.. بدليل ان الرجال مأمورين بغض البصر وكمان الصوم لو مش قادر يتجوز.. فى مية حل يعنى
    انما موضوع الحجاب والتزام البنات بلبس معين ليه فايدة تانية غير ان واحد يبص على بنت فى الشارع يلاقيها محجبة فيمشى فى طريقة من غير ما يعمل حاجة
    كمان يعنى، دلوقتى مبقتش تفرق مجبة وللا مش محجبة، كله بيتاخد فى الرجلين

    نقطة كمان انا هنا لم افند اسباب اللى حصل اساسا.. وان كان فى رأيى ان الموضوع مش جنسى بالدرجة دى، ومش ليه علاقة بالبنات كبنات.. انما ليه علاقة بالحلقة الاضعف والكرباج بتاع الحكومة والفساد وان دول شباب واحد فيهم قالهم ياللا، فراحوا معاه.. وعلى رأي واحد قاللى لو كان حد منهم مسك طوبة وضرب ازاز محل، كانت محلات وسط البلد كلها اتكسرت

    لكن انا ركزت على النتيجة ان البنات هى اللى اتهبدلت بين شد وجذب المجتمع الضعيف والحكومة المفترية

    ثانيا.. لما فى الدول الاسلامية على تعاقبها - باستثناء دولة سيدنا محمد صلى الله عليه وسلما والخلفاء وعمر بن عبد العزيز.. تكون المرأة هى اكثر الكائنات المظلومة من قبل الرجل.. واتحسبت فى البيت على انها ماتخرجش غير مرتين مرة لبيت جوزها ومرة للقبر، واتمنعت من التعليم والعمل ومن اختيار زوجها.. والقايمة طويلة.. لما يكون دا وضع المرأة -وظلما وزورا وبهتانا باسم الاسلام- وتبقى الحجة الغريبة هى اللى انت قلتها درر ونحوط عليهم.. كلام يقال على فرخة مش على بنى ادمة.. انا اعرف ان المراة ملكفة زيها زى الرجل، ويكفى انها تتبع اوامر ربنا زيها زي الرجل وهى تبقى فى امان، مش محتاجة منكو تبقوا اوصياء على حياتها كده

    وعندك حق فى "اللهم ردنا الى دينك ردا جميلا "
    :)

    ReplyDelete
  26. شمعى اسعد
    يعنى ممكن تعترفوا؟ هتقولوا ايه؟
    ---------

    HOPE
    مجهود ايه بس،، انا للأسف مشغولة اليومين دول جدا، ومش قادرة اشارك بشكل كامل فى الموضوع، يعنى الناس يشكروا عاملين مجهودات هايلة اذا كان مالك وللا لست ادرى وللا نيرو وغيرهم كتير
    -
    اناهنزل البانر حاضر :) معلش اتأخرت اوى
    ----------
    وليد
    اه، قلت لى.. مجاش فى بالى خالص انه تشابهه اسماء يعنى :)

    ReplyDelete
  27. 2 Thumbs Up, and hopefully we live till that time when it really happen and the change is in-action.

    ReplyDelete
  28. The newer banner is much more expressive , and better in my own opinion ..

    See , the problem is that when we try to fix a problem , we have to be aware that this can cause other problems around it ...so how can we fix a problem with least side affects?

    The new banner talks about a woman in a silent mode ,sad , but maybe she wants to say something ...the face is expressive , the words are less violent , you'll encourage more men to accept that they are part of the problem , and will genuinly try to fix it ....

    you know, i am glad you did that ...
    i have one remark still

    the lady in the pic , is not covered ...but all women of the society get harrased in differeent ways ...i would suggest you put 2 pictures , one with Hijab and one without ..and make them overlap , ya3ny foo2 ba3d with shadows ..you are an artist you can do it ...good job :)

    ReplyDelete
  29. بنت مصرية: إزيك؟! أنا سعيد اني بكتب في مدونتك لأول مرة

    البانر الأول عجبني جدا وانطباعي الأول انه يعبر عن الفتاة المصرية المجروحة الغارقة في ذكرياتها المؤلمة وحدها بين جدران غرفتها أو في داخل نفسها والتعليق علي الصورة بدا كأنه صيحة لاستنفار تلك البنت المكسورة لكي تتخلي عن الصمت وتترك وحدتها وتنقل للعالم تجربتها

    مش عارف والله جبت الكلام دة كله منين بس اللي حصل بأه

    ReplyDelete
  30. 2 B || ! 2 B ®
    يسمع من بقك ربنا
    ---------

    والنبى يا شريف
    لما تقترح حاجة اعرف الاول المشاكل اللى ممكن تعترضنى..
    اول اجيب منين صورة بنت محجبة؟؟؟
    انزل اصورهم فى الشارع يعنى؟
    وتفتكر فى بنوتة هتحب تكون صورتها على بانر عن الموضوع ده؟

    الوجه اللى فى البانر دا.. صورة متاحة ومجانية على النت
    ومعروضة للمصممين انهم يشتغلوا عليها

    هاتى لى بأه موقع بيعرض صور بنات محجبات معروضة للتصميم

    وبعدين سيبك من حكاية لازم يبقى فى الصورة صورة بنت محجبة وبنت مش محجبة عشان شرائح المجتمع المعلب.. لو عايزين كده هيبقى اسمه البوم مش بانر، البوم يضم كل النوعيات والشرائح.. يبقى الموضوع مش هيقتصر على بس لمحجبة واللى مش محجبة.. فى كمان النقاب والخمار.. وفيلم عربى كده انت ادرى بيه

    انما انا لما احط صورة بنت واحدة بتعبر عن كل البنات مهما كانت افكارها ايه او خلفيتها ايه.. ودا اللى قصدته انى جبت وشها اكتر.. واشتغلت شوية فلاتر عليها..
    وبعدين ما قلنا الرجلين احسن. .ادينا جبنا الوش.. ومش عاجب
    ههههههههههههههه
    ----------



    عمر

    ربنا يخليك ويباركلى فى وجهة نظرك :)) اهو دا اللى كنت اقصده بالظبط.. وبنفس محتوى الكلام الكبير اللى انت قلته ده

    ReplyDelete
  31. انا ممكن اعرف انتوا ليه خليتوها اسم الحمله اتكلم؟

    ReplyDelete
  32. ثورة جياع لا تنفرد بها مصر وحدها (حتى لا يوصمونا بالعار و هم أهله)
    فهذا الشئ يحدث في أغلب الدول العربية إن لم يكن جميعها و أعلاها تحرشا و شذوذا الدولة الطيبة التى كرمها الله ببيته الحرام
    لن تصدقوني لو قلت لكم إن التحرش الجنسي يحدث في قلب بيت الله الحرام نفسه و اتحدى من يكذبني و ينكر هذه المصيبة الشنعاء

    إذا فثورة الجياع في كل مكان بداية من بيت الله الحرام للشوارع للمكاتب للمواصلات العامة كنتيجة طبيعية لتكليف مجموعة من الصائمين للعمل في أشهى المطاعم و تقديم أطيب المأكولات دون أن يتثنى لهم غير استنشاق رائحتها الطيبة دون أدنى أمل بتذوقها

    ثورة شهوة
    ثورة حرمان
    أى مسمى و لكن لماذا؟؟؟؟؟؟؟؟؟

    مهما كان الصمت و التحمل سيأتي على الصائم وقت إن لم يفطر فيه من طعام حلال فسيسرقه من حرام
    و هذا حال الشهوة
    فهي فطرة الخالق في الإنسان كالطعام و الشراب لا غنى عنها
    فطرة احترمها الاسلام رحمة بالانسان إن لم تمارس في الحلال ربما اغتصبت في الحرام مهما كانت درجة التدين فهذا أمر يخرج عن السيطرة إن لم يوجه و يعالج بطريقة صحيحة

    عيب عيب عيب

    تربينا على العيب منذ الصغر
    غير مسموح بالتحدث في أمور ما و إلا وصفنا بالفجر خاصة البنت الشرقية
    و فجأة يقولوا لها اليوم زفافك لا عيب و لا حرام و كله مباح
    جسدك الغالي أصبح ملكا لرجل غريب
    علموها كيف تطبخ و لم يعلموها اساسيات الحياة الزوجية و التعامل مع زوجها و الامر ايضا ينطبق على الرجال
    كل ما يعرف عن الزواج انه اشباع للشهوة لكن تحمل مسؤلية فهذا امر متروك للظروف
    نبالغ في التخويف من ليلة الزفاف بدون داع
    نستهين بالعواطف و بالحب و نجرمه و نعيبه
    نحرم الحلال باسم العيب

    الولد و البنت في سن المراهقة و بداية ظهور علامات الانوثة و الذكورة نجدهم في أمس الحاجة لمحاوطة الأب و الأم لعزلهم عن المفاهيم الخاطئة التى يمكن ان يكتسبها من الاصدقاء او النت او الشارع الخ
    و مع ذلك نخجل حتى من اسئلتهم و نكتفي بكلمة عيب

    زوجة طلقت أو ترملت و بعد عدتها بيوم واحد تزوجت
    عيب
    نفس الحال لو فعلها الرجل و تزوج بعد الطلاق او وفاة زوجته
    عيب
    مع إن ما فعلوه حلال و لكن
    عييييييييب
    مع إن الصحابة و على رأسهم على بن ابي طالب كرم الله وجهه فعلها و تزوج بعد وفاة السيدة فاطمة الزهراء رضي الله عنها بأيام و لم نسمع من قال له
    عيب

    في إحدى الغزوات لم يصبر الصحابة الكرام عن الشهوة و البعد عن زوجاتهم فمن رحمة الله و رسوله بهم رخص لهم الاستمتاع بالنساء في مدة الحرب بما نسميه الان زواج المتعة الذى حرم بعد ذلك بين أهل السنة و لم يحرمه الشيعة
    لم نسمع ان قال لهم النبي صلى الله عليه و سلم
    عيب

    هناك جوع عام سببه كلمة عيب
    جوع عاطفي
    جوع جنسي
    جوع فى سن المراهقة و في سن الشباب و قبل الزواج و حتى جوع بعد الزواج
    فأخطر أنواع الجوع هذا الذى نستحى بوصفه فيما يحدث خلف الجدار من مآسي لا يصدقها عقل


    عيب عيب عيب و الشهوة في كل البشر و لكن العيب مجرد التلميح بها
    انشغلوا بالشهوة عن العمل و كان التخلف الفكري و الحضاري و التحرش و الاغتصاب و من فوقهم عدم التركيز في امور الدين و امور الدنيا
    كيف يخشع من شغلته نفسه بشهوة مكبوته؟
    كيف ينتج من طال حرمانه من أمر فطره الله عليه؟؟
    كيف يسعد من جاع و الطعام أمامه مكشوف في كل مكان و لكنه ليس له؟؟


    و حتى لا اطيل الكلام اكثر من ذلك
    هذا اول سبب
    غياب الثقافة الجنسية الاسلامية الصحيحة منذ الصغر و ترك الامر لاكتسبه بالتجربة و من خبرات الاخرين مع عدم احترام فطرة الانسان التى خلقها الله فينا على انها نوع من قلة الأدب

    الاخت الفاضلة زينب
    رائعة بحماسك
    رائعة بتصميماتك
    مدينة لك بالشكر فلولاك ما تمكنت من عمل مدوناتي الخاصة
    جزاك الله خيرا على شرحك الوافي
    و معكم فى هذه الحملة ان شاء الله

    ReplyDelete
  33. بصي يا زينب الناس نوعين من وجهة نظري الان

    ممكن البعض يقسمهم صالحين وطالحين
    مؤمنين وكافرين
    مصريين وغير مصريين
    المهم
    انا شايفهم نوعين
    نوع بيبني
    ونوع بيهد

    اللي بيهد عاوز يبني بس بيهد وهو فاكر انه بيبني

    واللي بيبني مش شرط يكون صوته عالي قوي ولا بيستخدم شعارات رنانة ولا واقف بيزعق ويقول عاوز حقي علطول
    بس بيبني

    بصي يا ستي
    انا قلتلك الكلام ده كثير من زمان
    وحقوله تاني

    افضل شئ في جو التدوين هو البيئة المفتوحة
    وحرية التعبير
    وده معناه انهيار الدوجمات وتكسير الصناديق وتفتيت القوالب
    ومع الوقت
    كل واحد فينا بيلاقي نفسه بشكل حقيقي
    مش عشان اتولد بدين معين او ثقافة معينة
    او بلد معينة او جنسية معينة او من قبيلة معينة
    وده ميمنعشي ان كل العوامل دي تفضل لها تاثير
    بس تاثيرها يكون ايجابي مش هدمي

    موضوع حملة اتكلموا ممكن تكون هدامة وممكن تكون بناءة

    الناس اللي حتخش وتقول هيه جميلة قوي وملعوبة ومية مية
    رايهم مبني في غالب الاحوال ومخلوق من الثقافة السائدة اللي بنسميها انتحارية
    ومش شرط يكونوا هما نفسهم فاهمين اصلا المعني ده او متخيلين انهم جزء منه

    وبالتالي انتي كشخصية باحثة عن الحقيقة اينما كانت
    مع انك معندكيش وقت ولا فضا للكلام ده
    الا انك بتحاولي جاهدة انكي تقفي
    وتبصي وتراقبي وتتعلمي وتتغيري

    النقطة الاهم ان كل تجربة بتسيب اثر
    وكل اثر بيسيب علامة وكل علامة بتفضل للابد في اللاشعور بتاعك
    وبتجيبي منه الاستنتاجات والتحليلات والاراء

    دلوقتي في موضوع التحرش
    المصارحة جزء مهم فيها
    وعشان كدة المشروع كويس
    بس ازاي نخليه بناء؟
    انا بعتلك ايميل شخصي عشان اشرحلك اشياء من تجربة شخصية واتمني تكوني قريتيه
    حتفهمي منه ان موضوع التحرش اكبر بكثير جدا من اللي حصل في وسط البلد

    عشان يكون مشروع زي ده بناء لازم يكون ليه ملامح تبان في كل شئ فيه
    في شعاره
    ولوجو الحملة
    وفي اللغة السائدة للخطاب بتاع الحملة
    والاهداف بتاعتها

    لو فيه نبرة قطع رقاب
    والويل والثبور
    والدنيا حتتحرق
    والرجال في الشوارغ كالذئاب
    يبقي المشروع مات قبل ما يبدا
    من وجهة نظري

    انتي عارفة مين اللي عاوز حملة انقاذ بجد من الممارسة الجنسية مش بس التحرش؟

    الاطفال الفقراء اللي في الشارع
    انا قرات شوية ارقام عن معدل ممارسة الجنس مع الاطفال الهومليس او اللي بيشتغلوا صبيان صنايعية في محلات
    او غيره
    ارقام تجيب تقيؤ
    ولو قسمنا الارقام دي علي 2
    عشان نقول بس انها مبالغ فيها وانها مش جامدي قوي كدة
    برضك الواحد مش حيصدق

    انا قريت تعليق منه الله
    عجبني وضوح رؤيتها
    مش شرط اتفق معاها في كل شئ
    بس هي واضحة في النقاط اللي محدداها لتفسير اسباب المشكلة

    عجبتين العبارة دي
    "مهما كان الصمت و التحمل سيأتي على الصائم وقت إن لم يفطر فيه من طعام حلال فسيسرقه من حرام
    و هذا حال الشهوة
    فهي فطرة الخالق في الإنسان كالطعام و الشراب لا غنى عنها
    فطرة احترمها الاسلام رحمة بالانسان إن لم تمارس في الحلال ربما اغتصبت في الحرام مهما كانت درجة التدين فهذا أمر يخرج عن السيطرة إن لم يوجه و يعالج بطريقة صحيحة
    "

    الخطاب الديني خطاب سد ذرائعي
    وهو من ملامح الخطاب الانتحاري

    مش عارف تتجوز صوم
    مش عارف تتجور غض البصر
    مش عارف تتجوز اضرب خمسة او عشرة

    لكن مبيقولشي
    مش عارف تتجوز ابحث عن الاسباب اللي مش مخليك عارف تتجوز
    ولو بص حيلاقي
    ظلم وحرمان اقتصادي وعدم عدالة في توزيع الثروات
    واحتكار المصادر
    والطبقية
    وديكتاتور مدمر البلد

    لو الخطاب الديني خرج من الاعراض
    الي المسببات
    حيبدا يبني
    يخرج من " الحجاب عفة وطهارة" الي " الساكت عن الحق شيطان اخرس " حتلاقي المشاكل بتتحل واحدة تلو الاخري
    وساعتها يتحول الحجاب الي مسالة لها حجمها الطبيعي في المجتمع

    وساعتها الظلم ينهدم في معركة تلو الاخري
    وساعتها الناس ارزاقها توسع
    وساعتها الشباب يتجوز
    وساعتها التحرش يقل
    وساعتها المشكلة تنتهي
    او علي الاقل تصبح في حيز متحكم فيه

    لما يكون الخطاب الديني مركز علي ان المراة فتنة
    ومش مدي للراجل بديل
    يبقي الترسيب اللي بيحصل في عقول الرجال متدينيين وغير متدينين
    ان النساء ادوات الضلال
    لو اتجوزناهم هديناهم وعملنا فيهم معروف
    ولو اغتصبناهم يبقي يستاهلوا
    لانهم ولاد كلب
    هو ربنا خلقهم ليه اصلا؟

    يطول الشرح
    ولكن
    البناء
    ملامحه تتضح في اللغة في الصورة وفي الخطاب
    اللي حينبي من الان حيجني كثير قدام
    واللي حيهد وهو فاكر انه ببني مش حيجيب اي نتيجة
    كل مشروع هو قطرة في ماء
    وكل قطرة ماء هي اصل البحر
    قطرة علي قطرة تعمل محيط
    خلينا نحط قطرة صالحة مش مالحة
    والله اعلم

    ReplyDelete
  34. ازيك يا زينب

    البانر التاني عجبني أكتر من الأول

    ليه بأه ..بغض النظر عن الكلام اللي موجود في البانر الول الصورة مش معبرة قوي عن الموضوع..لكن البانر التاني باهنيكي عليه

    حملة لتكلموا دي أهميتها من وجهة نظري هو الدعم المعنوي لأي بنت يجرالها كده

    لكن لازم يبقى فيه خطوات تانية في سبيل انهاؤه أو على الأقل التقليل منه

    كان فيه حد بيقول لازم نفضح اللي بيتحرشوا و نحط صورهم على النت و دي فكرة جميلة جدا

    بس انا مش عارفه تتنفذ ازاي ؟

    الا اذا كانت كل بنت شايلة موبايل بكاميرا و اللي بيتحرش بيها هيديها فرصة تصوره و تفضحه و طبعا ده شيئ صعب

    الكلام بيريح زي ال
    supporting groups
    اللي بتتعمل بره

    بس لازم كمان نحاول نفكر في حاجه عملية للحد من الظاهرة

    تحياتي

    ReplyDelete
  35. زينب
    للأسف بجد ان دى اول مرة أعدى من هنا بس أكيد مش الأخيرة
    بخصوص موشوع الانتهاك الجماعى اللى حصل
    فأنا لما سمعته ما استغربتش اطلاقا
    لسبب بسيط جدا
    احنا عندنا من الاحباط النفسى و البطالة و اليأس و الجوع الجنسى اللى يخلى الشباب يعمل أكتر من كده
    طبعا مش بديهم مبرر
    بس أأقدر اعرف دماغهم ريمتهم ع السكة دى ازاى
    ربما هم ضحية و بينفسوا قهرهم على اللى اضعف منهم
    مما يجعل البنات هم الضحية الحقيقية و الكبرى لنظام مقرف فاشل و منحط
    لان معظم القهر بينصب على الانثى من معظم الجهات
    بس ارجع و أقول اول ما سمعت الموضوع صدقته و ان كان اصابنى تقزز طبعا
    لكن اللى صدمنى بقى
    هو ان فى حوادث مشابهة ترجع لتواريخ تانية الواحد ماسمعش عنها حاجة
    عارفة انا نزلت وسط البلد و مكان الجريمة لحد دلوقتى 3 مرات
    و الشوارع هى هى و هقولك الحق انا ماكنتش خايفه وانا ماشية
    لانى كنت حاسة ان اللى حصل نتج عن ظروف معينة اتجمعت و خليت الموضوع ده يحصل فى التوقيت ده
    لكن بعد ما قريت عند مالك و فى مدونات تانيه و فى الدستور حسيت ان الموضوع مرعب ..
    فكرة الحملة طبعا زى ما قلت فى اماكن تانية كويسة جدا
    علشان صوتنا يوصل
    و لو بلدنا مش هتدافع عننا هنعرف احنا نجيب حقنا بنفسنا
    و حملة زى دى لازملها مصارحة و كشف جامد وواقعى
    وان كنت متفقة مع عبد العزيز فاننا لازم نفكر بهدوء علشان نحط رجلينا صح و نعمل خطوات قوية تعمل تغيير حقيقى و تحمى البنات و تفضح كل حرامى بينتهك عرض اخت ليه


    سعيدة جدا لمرورى و يمكن موضوعك من افضل الموضوعات اللى قريتها عن القضية

    و العنوان عبقرى

    ReplyDelete
  36. رائعة جدا
    فيها من السلاسة و الصدق
    ما يثير اشمئزازنا من واقع مقرف

    بجد جميلة جدا

    ReplyDelete
  37. أولا أنا مع ابن عبدالعزيز في مسألة الانطباع عن الصورة بأنها عاملة زي اعلانات القنوات الجنسية

    ثانيا واضح من الحملة اللي انتوا بصدد تدشينها ان المصايب هتبدأ تهل علينا كلنا، وساعتها هنلاقي كل بنت داخلة في تعليق تقول انا حصلي كذا وكيت وكذا وكيت، لنكتشف في النهاية أن بنات مصر كلهن كن بالصدفة موجودات وقت الحدث الجلل في وسط البلد ساعتها

    ثالثا الموضوع يحتمل أن يتسبب في اضطرابات عنيفة بين الطرفين، أقصد الرجال والنساء، بحكم المبالغة التي أتوقع أن تأتي على ألسنة الفتيات الائي سوف يستعرضن كل واحد بص عليهن على أنها حادثة تحرش، وساعتها سوف يدان كل رجال مصر ضد كل فتيات مصر، والموضوع بالطبع لن يخلو من بعض الادعاءات ذات الطابع الطائفي والديني

    رابعا وكالعادة انتوا برضه هتشدونا لكارثة جديدة وهتجروا خلفكم مجاميع المدونين للحكي والسرد والتحليل والتمحيص، وساعتها سوف نخرج بالأخطاء المنطقية نفسها والتي يعد التعميم أهمها، مثل كل رجال مصر فجرة، كل البنات في مصر تنتهك حرماتها، كل الرجالة يعتقدون أن الزواج مجرد اشباع للشهوة، كل الفتيات يتعلمن الطبخ ولا يتعلمن كيف يعاملون ازواجهم

    وكل ما سبق لمجرد التعصب الأحمق في سرد حكاية من موقف شخصي والعمل به على أنه قاعدة عامة وتحدث مع كل الناس، بطلوا بقى وارحمونا

    تحياتي وعذرا على حدة اللهجة
    آسف للاطالة، وشكرا

    ReplyDelete
  38. بالمناسبة أنا عامل تحليل بسيط ولكن موضوعي ومحايد على قدر ما استطعت عن الظروف الاجتماعية التي قد تقود إلى مثل هذه الأحداث، اتمنى تتفضلي وتزوريني وتقوليلي رأيك، ربما لعدم اراقة المزيد من الدماء بين الذكور والاناث

    وعلى فكرة البانر التاني اللي فيه صورة وش البنت أفضل بكثير من الأول، وان كنت لا أجد آية ضرورة لموضوع الدم اللي بتصري عليه ده في كل البانرز بتاعتك

    شكرا مرة أخرى

    ReplyDelete
  39. FNAN&DODEE
    اسم الحملة "اتكلموا" موجه للبنت اللى اتعرضت لحالة تحرش وللولد الى شاف بعنيه حالة تحرش.. انهم يتكلموا ونكشف عن الجريمة اللى مش بتطفو على السطح لكنها منتشرة.. ومش بتطفو لان البنات مش بيتكلموا
    ----

    منة الله
    أختى الجميلة :) شكرا أولا انك اعتبرتينى أختك، وميرسى على كلامك الجميل وجزانا واياكم ان شاء الله.. وانا معاكى فى حكاية ثقافة العيب وغياب الثقافة الجنسية بمنظور اسلامي (مع انهم فى الازهر بيدرسوا كل حاجة وبيعرفوا كل حاجة من خلال دراستهم للقرآن والسنن والأحكام، وبشكل محترم وغير خادش للحياء)
    --------

    بن عبدالعزيز
    هى حكاية زواج المتعة اللى قالت عنها منه دى حقيقى؟؟ اصلى مش بلعاها يعنى.. هى فعلا كانت بتحصل ايام الرسول عليه الصلاة والسلام؟؟
    ------

    سوسا
    انا واله فكرت فى كده :) مش البنات بس، الولاد كمان، ان كل واحد يحاول يظبط حالات التحرش ويسجلها، مش عارفة عمليا دا ممكن وللا خيالى واسع :))
    ----

    أنا حرة
    يا أهلا ، يا ألف خطوة عزيزة يا حرة :) نورتينى
    وخصوصا وانا بحب الرواية دى موت.. بتاعة احسان عبدالقدوس (أنا حرة).. ممم تعرفى ان اكمان عديت على مكان الواقعة من كام يوم كده وقصاد السنما بالظبط والناس كانت رايحة جاية عادى يعنى
    خدتى بالك انتى من العنوان ;)
    ----

    المواطن المصري العبيط
    لا انت فهمتنى غلط، الدعوة مش موجه للبنات اللى اتعرضوا للحادثة دى بالذات، واحنا هنجيبهم منين بس، ونضمن منين ان واحدة فيهم تكون بتقرا مدونات اصلا، احنا بنتكلما عن اى حالة تحرش حصلت لأى بنت فى اى زمن واى مكان

    وبعدين اضطرابات عنيفة ازاى يعنى؟ فى اضطرابات اعنف من اللى حصل، ان البنات اللى عرفوا الموضوع بشكل عام فقدن الثقة فى الشارع وفى الخروج، اعتقد ان السبب فى الاضطرابات دى مش هيكون حملتنا، انما الجريمة اللى حصلت فعلا فى العيد واللى ممكن تحصل تانى

    وبعدين خلينا نتكلم ونحكى ونمحص ونجرب، احنا لسه صغيرين وبنتعلم، ومعنداش الخبرة الكويسة ومش عندنا ثقة ناخدها من اللى اكبر مننا لأنهم باختصار نتاج عصور ربنا اللى يعلم بيها، خلينا نخبط يمكن تصيب او يمكن اتنين عور

    تحياتى انا، ومايهمكش من اللغة الحادة، وعفوا يا فندم
    :)

    بالنسبة للدمن دا مش دم خالص :)) دا ورد، اه والله، بس مسيحاه شوية

    ReplyDelete
  40. قبل أن نتكلم عن الصورة أو البانر لى تعليق بسيط , يجب أن نتكلم على جذور المشكلة , الفضائيات الخارجة عن الذوق العام , و الأفلام التى تتكلم عن الحرية العاطفية فقط , وهى بعيدة كل البعد عن مطلب حريتنا الحقيقية و ديموقراطيتنا المسلوبة , يا سادة يجب أن نطالب بمحاكمة المخرجة و الممثلة , بنات > فهمى و الدغيدى < , وأيضا القنوات الفضائية العربية التى لا هم لها سوى التحريض الجنسى ,أيضا بناتنا ماذا عن زيهن أهو محرض جنسى فى زمن الحرمان أم زى محتشم فى زمن - وأنا مالى - وشكرا لكم

    ReplyDelete
  41. السلام عليكم ورحمة الله وبركاته

    أظن أننى أيضا لم أفهم من كلماتك أنك تتهمى جميع الرجال وإنما كان فى كلامى بعض نبرات السخرية أيضا, ولكنها نابعة من توجيهك الحديث للنساء وكأن الرجال ليسوا هم أيضا متضررين مما حدث للنساء من أخواتهم وزوجاتهم.....الخ

    أما أن حجتى لا تليق إلا بفرخة لا آدمية فلقد أضحكنى تعبيرك بقدر ما ضايقنى, فكما أخبرتك لم أقل لكى أن نحبس النساء فى البيوت, ولكن كان مغزى التعبير أن الرجل بما له من قوامة على الأنثى "قوامة المحافظه عليها لا سلب حقوقها", عليه أن يحوط الأنثى ويحميها...وستقولى لى طب ما البنت عندها القدرة تحمى نفسها وان ليها حقوق زى الراجل, وهنا هقولك والله ده يتوقف على طبيعة الحماية وطبيعة الحقوق

    يعنى مثلا انا هسالك سؤال بالنسبة لحق المراة فى العمل, واقولك لما المراة خرجت للعمل هوه ده مش جنى على واجباتها فى البيت وده بدوره اثر على الاولاد واللى منهم الرجال والنساء
    ربما تعارضينى فى هذا الامر وتقولى اذا "خليها قاعده لحد ما يجيلها العدل", وهنا اقولك نعم من الافضل ان تجلس فى البيت طالما ان خروجها للعمل سيضر بباقى واجباتها, اليس هذا ما كان عليه امهاتنا واجدادنا, لست ادرى اظنك ستسمينه عهد العبودية او سى السيد, بس انا عايز اقولك حاجة ربما كان فى عهد العبودية او سى السيد بعض الامور التى هى افضل مما نحن عليه الان كما كان بها اشياء مستحيل ان افكر ان نعود اليها " كان تكون المراة غير متعلمة مثلا؟؟؟

    أما عن غير المحجبات فأنا لم أقل لكى أن فى عدم حجابهن تشريعا لأى أحد بأن ينظر إليهم بل وأن يتحرش بهم, ولكن أثرت أن أعرض لكى بعض الأسباب التى تعرض من يكون على هذه الشاكلة إلى ماحدث
    وكذلك فأنا أعترض على قولك" بأن معدش حد بيفرق بين المحجبة وغير المحجبة.......أظن إن ده فى نوع من المبالغة لأنه لايستوى الأمر وإن حدث فربما شاذ القاعدة لا القاعدة"...

    أخيرا أقول لك أن حرية المرأة أو المساواة أو حقوقها لاتخول لها أن تهدر كثيرا من واجباتها أو أن تفعل ما تشاء
    كذلك فإن قوامة الرجل لاتخول له أن يفترى على الأنثى أو أن يتستبدها ويستولى على حقوقها أو يحول المجتمع الى مجتمع ذكورى

    بل هو التعاون والتالف بين نصفى الحياة, وهى الرؤيا الوسطية بين الدنو والشطط هو ما حاولت طوال كلماتى ان انقله اليك

    استودعك الله
    السلام عليكم ورحمة الله وبركاته

    ReplyDelete


  42. لا اريد الاطالة ,, بل اهنئك على البدء بالخطوات العملية وبغض النظر اي البانرين حتختاروا في الآخر ,,

    كمان حبيت اضيف وجهة نظري لنفس المشكلة بشكلها عندنا في غزة في بوست "مصدومة أنا" وتحياتي ليكي دائما

    http://fromghazza.blogspot.com/

    ReplyDelete
  43. اختى زينب
    نعم حكاية زواج المتعة هذه انها كانت حلال لظروف خاصة ثم حرمت ليوم الدين و هناك جدل كبير حول احاديث تحريمها
    المهم ان الدين رحمة و دوره اكبر من المنع و الاقتصار على النصيحة و التحريم زى ما قال الاخ ابن عبد العزيز في رده الرائع اللىاقتبسته فى مناقشة جارية هنا
    http://z3tr.loaloaa.com/showthread.php?t=12605

    ReplyDelete
  44. شيء مؤسف فعلا أن البنات اليومين دول بيجدوا صعوبه في انهم يخرجوا من بيتهم وهما مطمنين..في واحده كانت بتتتكلم في العاشره مساءاً و قالت و هي في الوقفه الاحتجاجية بتاعت النقابه جمله مؤثره اوي ..قالت"انا نفسي كل بنت تخرج و امها مطمنه عليها و متبقاش قلقانه لمجرد ان الساعه 10"
    ودي مهمتنا لازم نقف قصاد الظاهره دي و نحاربها بكا جهدنا

    ReplyDelete
  45. السلام عليكم و رحمة الله

    ان شاء الله تكون حملة نوعيه..و الحقيقة ان ماحدث و تصويرة علي انه سعار جنسي قد يكون به بعض من المبالغة... و انا رأيت فيديو علي youtub و الواضح ان التحرش بدأ من مجموعة مراهقين تعد علي الاصبع.. و الباقي كانوا متجمهرين للفرجة...
    لو حضراتكم كنتم بالشارع و حصل حادث سيارة او حتي حريق في بناية.. ستروا الكل تجمهر و تجمع.. رغم خطورة الحريق او الحادث لانه من الممكن ان يعوق سيارة الاسعاف او الاطفاء.
    أيضا استمعت للاستاذ محمود بكري رئيس تحرير جريدة الاسبوع و كان ذلك في برنامج الصفحة الاخيرة علي قناة المحور..
    و أكد الاستاذ محمود بكري ان الجريدة أوفدت مندوبيها و عملوا لقاءات مع اصحاب المحلات في المناطق المذكورة... و تبين ان هناك حادث وقع بعد وصلة الغناء و الرقص امام أحدي دور السينما.

    لكن و بالتأكيد التحرش موجود و لكن بصفة فردية ، بمعني ان شاب أو أثنين يتحرشوا بفتاه...و التحرش هتا قد يكون لفظي او مادي ...

    كل أنواع التحرش مرفوضة مرفوضة مرفوضة..هذا من حيث المبدأ ، لان ديننا الحنيف ينهي عنه بل و الاكثر يطالبنا بغض النظر ...

    لكن ارجو من الجميع و خاصة الاخت صاحبة المدونة و اقول ارجو الجميع خلال حملة التوعية ان يركزوا علي " هل ترضاه لاختك...هل ترضاه لزوجتك...هل ترضاه لامك.. "... أيقظوا الوعي الفطري داخل بني الانسان.. و عززوه بما ورد في الاديان .. الحس الفطري بالاثم ( استفت قلبك ولو افتاك الناس ) .. ثم ايقظوا الشعور الديني داخل الشباب..
    لا تجعلوها حملة للعداوة بين الفتيات و الشباب...

    وفي النهاية ارجو أيضا ان ننتبه للاتي:

    الشارع المصري به فلتان سلوكي .. من امثلته ان كل واحد بيعمل اللي هو عايزة... و لا قانون و لا حتي أخلاق..

    الانترنت التي انتشر استخدامها من قبل الاطفال و المراهقين و تصفحهم للمواقع الاباحية .. بدون ان يجدوا من ينصحهم أو يمنعهم.

    الافلام التي تبث حتي بالتليفزيون اصبحت لا تخلوا من التلميحات الجنسية...و المشاهد الخليعة..

    البرامج التي تبث علي الفضائيات... و تتحد عن الجنس و الشذوذ ولدرجة ان أحدي الخرجات كانت ضيفة في أحد البرامج و تباهت بجرأتها في الاخراج و قالت: كل المخرجين يكتفوا بالملاءة... أما هي فتصور ما يحدث تحت الملأة .

    رسائل SMS التي تظهر في اسفل شاشة التليفزيون و تجدوا شباب و شابات يبحثن عن الحب و العلاقات...

    غياب دور الاسرة و المدرسة و المدرس ..عن القيام بواجباتهم التربوية و التوجية التريوي الصحيح...

    ما ترتدية بعض البنات و الفتيات من ملابس لا تستر ... و تحت شعار الحرية.

    بعض المدونات العربية لفتيات يتحدثن عن الجنس و مغامرتهن الجنسية باللفظ الصريح ... تحت شعار الصراحة... و الحرية.
    و الله ان الانسان السوي قد يخجل ان يتلفظ بهذه الالفاظ مع زوجته او الزوجه مع زوجها بمثل هذه الالفاظ...التي هي ضد حياء الانسان....

    كل هذا سبب ازدياد ظاهرة الفلتان الاخلاقي الذ نعاني منه...

    أسال الله العلي القدير ان يهدينا جميعا الي سبل الرشاد...
    و يحفظ مصرنا الحبيبة من كل سوء
    اللهم آمنا في أوطاننا.

    تحياتي للجميع ..

    ReplyDelete
  46. مصريون بلا حدود انا بوافقك بالرأي جدا فعلا اليوم احنا صرنا كتير مختلفين واذا واحدة حصل لها اي شي بالشارع ويا حرام من حرقة دمها وقفت تهاوش

    ReplyDelete
  47. مصريون بلا حدود بصراحة انا موفقاك في الرأي جدا
    لانه فعلا اليوم صار المجتمع مختلف وما صرنا (ملوك الجعنة )علي رأي مدام نانسي عجرم
    اليوم اذا صار لبنت شي بالشارع ويا حرام من حرقة دمها وقفت تهاوش اللي سوي لها هالشي تلاقي طلعلها واحد ملوش لزمة كدة وعامل نفسه حلال المشاكل وقالها عيب يابنتي انتي بنت ماتفضحيش نفسك
    وهو اساسا اللي فضح نفسه لما فتح بقه وقرر يتكلم :)
    وبعدين اكيد انا لو واحد ضايقني بالشكل ده حقوم طالعة عالقسم واقولهم حصلي كذا كذا اكيد حيفضلوا يتريقوا عليا
    بجد ساعات بفكر ايه الحل عشان البلد دي تتعدي وترجع مثل اول
    بس الظاهر انه مفيش حل في الوقت الحالي الا بعد ما صاحبنا يفكنا ويمشي :)
    وبالنسبة ليكي يا زيزي مدونتك جدا عجباني واسمحيلي اني احط لينك ليها في مدونتي الجديدة

    ReplyDelete
  48. وقفة بقى يا مصر
    مالك يا مصر يا حبيبتي مكنتيش كدة اية الي حصل
    ضحكتك فين لية مش لقياها ولادك لية بيجرو ورا بناتك عايزين يحموهم ولا يضربوهم ولا يضيعوا منهم الضحكة البريئة الي في عيونهم لية يا عظيمه وقفة تتفرجي لية كل م تقفي اوام تقعدي لية مداريا وشك و مش عايزة تشوفي الحقيقة لية كل ما تيجي بنت بريئة لحد بابك و تقولك اماة تضربيها و تهنيها و تعذبيها و تحرميها من ضحكتها الوحيدة و ترجعي تقولي ولادي بناتي كبدي قلبي و انت شلتية قلبك و شلتية منهم كل عزيز و غالي كفايا قلوها بنات قبلي لاكن مكنتيش عايزه تسمعي ككفايا كانت اول كلمة تقولها بنت تنصر بيها اخواتها الي اترمو في حضنك علشان يدفعوا عنك لاقوا شوك و الم و اهانة لية يا ما لية بس ياماة انا بعلاة صوتي بقولك كفاية ياماة كفايا

    ReplyDelete
  49. طيب بدل ما تبقى اتكلموا ما نخليها ارقعوا بالصوت الحياني و ابقوا قابلوني أو اقولكم ابقوا تعالوا تفوا على قبري لو وصلتوا لحاجة

    ما كنتش اعرف أو بالأحرى فوجئت بكم النفاق و التقنع الموجود في المدونات في هذه المدونة العصماء .. الكل هنا بيستنكر و يشجب و يندد في حين لا أستبعد أن يكون أحد المتحرشين هو واحد من المستنكرين إن لم يكن كل المعلقين من المتحرشين

    و البنات و جمال تعليقاتهم .. اللي خايفة و اللي مرعوبة و اللي مفزوعة و اللي مذبهلة .. و الأكثر عجباً ان الكل مذهول من اللي حصل !

    رغم ان الكل و أتحدى من ينكر يتحرش أو يتعرض للتحرش بشكل شبه يومي .. لكن سياق المدونة سياق ناكر للقصة فلازم نكون حبايب و نأيد بعض و بتاع .. و لا أستبعد أيضاً وجود علاقات مدونية جنسية و حاجات حلوة بين الحبايب و الاخوات اللي هنا

    يا ناس اصحوا بأه و فوقوا من جرعات النفاق و الرياء و اكسروا الأقنعة اللي أكلت لحم وشوشكوا حتى أصبحت جماجم ترعد في فجواتها الرياح .. حتى المدونات حولتوها لنفاق ؟ يعني الواحد هرب من المنتديات و قرفها و كبتها و سيكوباتيتها للمدونات فإذا بالنفاق ورانا ورانا .. هو ما فيش حتة تطأها قدم مصرية الا و تطرح نفاق ؟

    عجيب أمركم و الله

    لا و التحاليل الفظيعة بتاعتكم تجنن الصراحة .. قلتوا كل الأسباب الممكنة و اغفلتوا السبب الصحيح و الحقيقي و هو انفلات البنات و عريهم و عهرهم الفكري و الجسدي و ملابسهم اللي كلها حشمة و وقار و بعيدة كل البعد عن الاثارة و الفتنة! .. لا و بترفضوا ان البنت تتحبس في البيت لانها مش فرخة .. مع ان القرآن الكريم قال " وقرن في بيوتكن و لا تتبرجن تبرج الجاهلية " طبعا هلاقي 50 تفسير و 70 تأويل يقول لي اني غلطان و ان الآية معناها ان المرأة تخرج و تشتغل و تعمل ما بدا لها

    خلاص يا حبايب قلبي اخرجوا و البسوا قصدي اقلعوا و لما واحدة فيكم تتعرض لتحرش تعرف انها مسئولة عن اللي حصل لها و ما تعيطش و تقول اتكلموا و صوتوا و الكلام الجميل ده

    عايزين تلبسوا على موضة الغرب و تقلدوهم ما فيش أي مانع و أنا أول المشجعين لكن معلش يا قمرات المباديء لا تتجزأ هتقلدوا الغرب في الموضة و العري يبقى تقلدوه كمان في الحرية الجنسية للمرأة و كل بنوتة حلوة تقبل شاب وسيم صديق ليها و تروح معاه بيته او شقة واحد صاحبه او تركب معاه الاوتوبيس المكيف و تسيبه يلعب براحته و اذا طلب ممارسة مكتملة لا ترفض و اهي بتقلد الغرب بضمير و بمباديء مش تلبس لبس عاري زي الغرب و تقول أنا محترمة و ما بصاحبش أولاد!

    ايوة الراجل عايز كده و ده الطبيعي يا اما تكونوا غربيات كما الغربيات يا اما ترجعوا لشرقيتكن كما ولدت و فطرت في فجر الإسلام و للعلم انا لا أرجح اختيار على الآخر .. لكن مطلق الحرية في الإختيار عايزين تبقوا أحرار جنسياً مرحى بكن .. او عايزين تبقوا مسلمات و ملتزمات يبقى تلتزمن بالاسلام الحقيقي مش باسلام هيفاء وهبي

    الزملاء الأحبة اللي بيقولوا للرجالة انهم من المفترض الا يرضونها لاخواتهم و زوجاتهم و امهاتهم .. صح .. لعبتوا على الوتر الحساس بتاع إبدأ بنفسك .. بالظبط كده زي لما نيجي نناقش زواج المتعة برضو هتقولولي ترضاها لأختك ؟

    نفس المبدأ العاطفي الأبلة بتاع الشرقيين .. ننسى الحق و الصح و الحلول العملية لإصلاح المجتمع و رقيه و ندور على عاطفتنا و بلاهتنا الطفولية

    يعني هو انت ترضى ان اختك تستغفلك و تمشي مع واحد و يعمل فيها اللي هو عايزه بإرادتها دون علمك و لما تعرف تهد الدنيا و تقلبها .. ترضى ان مراتك تتعرف على شباب من الشات او المنتديات و تسهر ليالي طويلة و انت مسافر او و انت نايم في العسل و تتطور الحوارات لأسرار غرفة نومكم ؟

    مش دي الحقيقة المرة اللي كلنا بنغض الطرف عنها ؟

    المصريين جعانين جنسياً و مكبوتين بسبب الخطاب الديني اللذيذ الجميل اللي كل كلامه عن علامات الساعة و مشاهد يوم القيامة و الا رسول الله و ابواب الرزق .. الخطاب الديني في وادي و الناس في وادي آخر

    الشاب من دول من ساعة ما يخرج من البيت بيتعرض لإثارة جنسية من كل جانب في لبس البنات و في حركاتهن و في اللأحبة اللي ماشيين في الشارع و في أصوات النساء العذبة الحنونة و في أجسادهن البضة الغضة و لما يرجع المسكين و يفتح التليفزيون يلاقي نانسي عجرم تتلوى بجسدها المرمري أمامه يقفل أم التليفزيون و يقرا الجريدة يلاقي اغتصابات و خيانات و حكايات و روايات يفتح النت يلاقي الشات و اللي تقولك اشحن لي الموبايل و افتح لك الكاميرا و اللي تقولك بمارس العادة السرية مرتين في اليوم و اللي و اللي

    طب بالله عليكم الشاب الفقير اللي مش قادر يتجوز و مش قادر يزني بسبب فقره مش دينه .. يعمل ايه .. حلوها بأه بعقولكم الجبارة

    البنات متصورة ان الملابس الضيقة العارية الشفافة بتبقى شيك و جميلة .. و متصورة ان نظرات الرجالة ليها اعجاب بشياكتها .. ما ابلهكن !

    الرجالة جوعى و انتن فاكهة يانعة .. ارحموا الرجال اما باحتشامكن او بانفلاتكن فكلاهما رحمة

    انا قرفت من النفاق و الرياء و اللعب بكل الأوتار .. جالي غثيان من الإتفاق الأبدي على عدم الإختلاف ..

    الحل يا سادة في عدم تجزيء المباديء فإما ثقافة الغرب كلها بلا استثناء و إما ثقافة الشرق كلها بلا إستثناء

    ReplyDelete
  50. على فكرة يا بنت انتي يا مصرية حقيقية حتي النخاع انتى جامدة جدا ..أكيد فى كلام كتير هيحصل بيننا انتى ملكيش حل انتي واللي زيك رغم قلتهم بس مصريين بجد \\\ وللحديث بقية ان كان ف العمر بقية سلاااااااام

    ReplyDelete
  51. تحياتي للجميع
    معكم رشا عبد الرازق
    اللي هيه بنت عادية جدا اللي بتكتب شعر الصعيدية
    مجرد توضيح اني مش أنا الزميلة اللي فوق ..... مجرد توضيح لا يحمل شجب أو مساس
    خالص تقديري
    رشا

    ReplyDelete
  52. ياريت الشعار الاولاني يتغير لانه لا يعبر اطلاقا عن المعني وهيتفهم غلط
    وربنا يوفقك علي اد نيتك امين يارب

    ReplyDelete
  53. لا و التحاليل الفظيعة بتاعتكم تجنن الصراحة .. قلتوا كل الأسباب الممكنة و اغفلتوا السبب الصحيح و الحقيقي و هو انفلات البنات و عريهم و عهرهم الفكري و الجسدي و ملابسهم اللي كلها حشمة و وقار و بعيدة كل البعد عن الاثارة و الفتنة! .. لا و بترفضوا ان البنت تتحبس في البيت لانها مش فرخة .. مع ان القرآن الكريم قال " وقرن في بيوتكن و لا تتبرجن تبرج الجاهلية " طبعا هلاقي 50 تفسير و 70 تأويل يقول لي اني غلطان و ان الآية معناها ان المرأة تخرج و تشتغل و تعمل ما بدا لها


    بضم صوتي لصوت
    memes
    ربنا يبارك فيك يارب
    والله انا افضل تعملوا شعار لا لستار اكاديمي لا للعري لا لكشف الشعر وقلة الادب
    ونشوف الايجابيات
    ال هتحصل الناس محتاجه تتغير من جواها الاول مش نغير حكامنا واحنا منتغيرش ونلق الشماعه عليهم
    لازم احنا الاول نعرف المباديء الصح
    غض البصر
    الحجاب
    الصدق
    الحياء
    ياريت بقي كل اب يبتدي يغير علي بنته ويحجبها وميشجعهاش علي دخول السينما وميروحش يدخلها كليه بالشيء الفلاني عشان بكره تبقي دكتوره ولا باشمهندسه اد الدنيا بفلوسها ال مش هتقبض ربع ال بتدفعه في سنه في شهر شغل
    ياريت بقي يبقي في اولوليات و يبقي في صحوه دينيه
    لان دلوقتي ال بنشوفه كاسيات عاريات ياريت يتغيروا يارب امين

    ReplyDelete
  54. المشكلة هيا ان مصر اتغيرت
    والناس اتغيروا
    زمان علمونا لما حد يضربنا في المدرسة نشتكي اللي ضربنا ونقوله ربنا يسامحك
    دلوقتي الابهات يقولوا لعيالهم اللي يضربك اضربه
    اهالينا كانوا يروحوا المدرسة ويقولوا للمدرس لو عمل غلط اضربه
    دلوقتي المدرس بأه يعمل عاهة مستديمة لعيل
    والاب بقى خايف
    الناس يسألوني "انت اسم جدك ليه عبدالله؟مش عبدالله اسم مسلم" رحت
    سألت ابويا وقلت ليه ابوك ازاي اسمه عبدالله هو عبدالله اسم مسيحي؟
    قالي ابويا يبني زمان مكنشي فيه حاجة اسمها اسم مسيحي
    واسم مسلم

    الناس اتغيرت
    ومصر اتغيرت
    الانجيل قال "مبارك شعبي مصر"
    لكن البركة راحت
    ربنا ماكدبش علشان المصريين خلعوا توبهم وقلدوا الآعراب اللي اخدوا بلادهم وفرضوا دينهم
    وثقافتهم العربية الهمجية التي تقوم على العنق والقوة والغزو

    واصبحنا نعيش في غابة كبيرة

    ReplyDelete