آه ياني

مضغوطة في الشغل بشكل مش طبيعي. مرعوبة من الفترة دي اللي فيها عندي بيتعاد تكوين قسمين في الشغل.. مع ناس جديدة وكتيرة. وأنا محتاجة اتابعهم كلهم واعلمهم واديلهم فرصة يشتغلوا ويغلطوا واتدخل في الوقت المناسب وانقذ الموقف قبل ما يطربق على دماغي.
وبيتعمل تصميم جديد للموقع وهننقل لسيرفر جديد ودي حاجة رعباني وأنا مرعوبة خلقة من أي حاجة ليها علاقة بأداء الموقع أو تأمينه.

بفكر في الشغل طول الوقت.
امبارح مكنتش عارفة انام عشان بفكر في مسألة في الشغل.

متوترة واعصابي مشدودة.. بتناقش طول الوقت في التفاصيل مع ياسمين ويسرا ونهى.. بس في الاخر ما بخرجش من دايرة الشغل.

محتاجة emotional support محتاجة حد يخرجني ويدلعني ويجيب لي حاجة حلوة ويقولي كله هيبقى تمام وانتي قدها وقدود.