هل ترى؟.. إنها تعبر الطريق الآن بنفسها.. فلا تندهش إذا صرخت لو حاولت أن تمسك يدها لتقودها
الإحتمال الأول لوجود طرق شديد داخل المخ هو أنك مصاب بالتفكير.. الإحتمال الثانى أنك فقدت القدرة على التكيف
تدخر كلماتها للحظات أهم.. وتدخر مشاعرها لرجل أهم.. وتدخر ضحكتها لأنها اعتادت على ذلك
يتحدث عنها دائما. كان من الممكن أن تكون الأمور أفضل لو كان قد تحدث إليها
الوردة التى جفت بين صفحات الكتاب.. طوت الكلمات وانفرطت.. لكنها لا تهجر الكتاب حتى لو صلبت على الهامش العلوى
توقفت أحاديث الروح ولم تعد تحكى مع نفسها. هل يعنى هذا نضج ـ أم فقدان شهية؟
الله جميل.. الله عدل.. الله حق.. له الكبرياء والعزة، تكفينى كل لحظة أشعر برضاه حتى أرى وجهه الكريم
-------------
من كتاب "مذكرات كاثرين": " تصنع أمى أفضل عصير تفاح فى مقاطعة لنكولن، وهى تقسم أنه كذلك لأنها تُضمِن الخليط دائما عددا من ثمار التفاح الفاسدة، ورحت أسأل نفسى إن كان ذلك ينطبق على البشر - فهل العالم بحاجة إلى زمرة من البشر الفاسدين لصنع المزيج الأكثر حلاوة؟ وهل لهذا السبب يترك الله الشر فى العالم؟"ه
---
العنوان من أغنية لإليسا.. ملوش علاقة بالتدوينة بس كان لازم اسميها حاجة
انا باحب الاغنية دي
ReplyDeleteاضطريتا اسمع البومها اللي مليان ثمار فاسدة
لحد ما عجبتني الاغنية دي
ممكن الشر و القبح و الظلم يكونوا موجودين علشان مقاومتهم و تغييرهم خير و جمال و عدل
و بضدها تتميز الاشياء
يااااااااا
ReplyDeleteبقالى كتير ما اقرتش حاجات ليكى زى نصف التدوينة الاول قبل ما تاخد نطاقها السياسى شوية فى اخر التدوينة
فى مثل بلدى بيقول مافيش حلاوة من غير نار
فا لازم يكون فى شر عشان نقاومه ويعم الخير فى الاخر
زى نظام الافلام العربى كدة
:D
طول الفيلم بيفرقوا بين البطل والبطلة ويزرعوا الشر وفى الاخر يفوز الخير على الشر ويتجوز البطل البطلة
:D
من غير الناس الفاسدة ازاي هنحس بالرضا عن نفسنا؟
ReplyDeleteأحاول أن أتخيل طعم عصير تفاح صنع من ثمرات فاسدة.. وقليل من الثمرات الصالحة .
ReplyDeleteكيف سيكون الحال..؟
والتأثير ..؟؟
أعتقد أنه طعم الحياة الآن .. (وجه عبوس فقري)
ممكن عنوان اجيب منه الكتاب دا علشان اقرا انا بدور عليه من زمان مع انة كان عندى بس منة لله اخوية الصغير قطعة وعمل منه طيارات ومراكب يا الله الله يسامحة
ReplyDeleteالوردة التى جفت بين صفحات الكتاب.. طوت الكلمات وانفرطت.. لكنها لا تهجر الكتاب حتى لو صلبت على الهامش العلوى
ReplyDeleteاستوقفتني كثيرا هذه الخاطرة
هل تتحدثين الى نفسك
ام عن نفسك
احمد العزيزي
"الله جميل.. الله عدل.. الله حق.. له الكبرياء والعزة، تكفينى كل لحظة أشعر برضاه حتى أرى وجهه الكريم" .. و نعم بالله .. ربنا ما يحرمنا من رضاه و يعطينا جميعا لذة النظر الي وجهه الكريم ..
ReplyDeleteبجد بجد بجد .. تدوينه و تجميعه أجمل من مجرد جميله .. صدقيني قريتها لحد دلوقتي 4 مرات و كل مره احس باحساس جديد .. احب اقولك "Welcome Back" يا جميل ..
:))
1- السيده التى اعتدى عليها الامن فى يوم التضامن مع القضاه
ReplyDelete2-ومن المحتمل الاحتمالين لو كنت معتقل فى احدى سجون مصر
3-اما حرص او عدم معرفه اللحظه الاهم
4-خائف من المواجهه
5-بعد ان هجر العطر الزهره لم تغادر هى الكتاب _ هل غادر الحب من قلب صاحب الكتاب _
6-ام زارها الزائر الاخير
7-الله جل جلاله
تدوينه رائعه
" فهل العالم بحاجة إلى زمرة من البشر الفاسدين لصنع المزيج الأكثر حلاوة؟ وهل لهذا السبب يترك الله الشر فى العالم؟"
ReplyDeleteبقدر ما يرتفع جبل يهوى امامه وادى وبينهما تسرى المياة، السالب والموجب سر استمرار الحياة ، السالب والموجب من صنع الله
جميل وجديد اللى انتى كاتباه دا ، من مدة ما قريتش حاجه تستغرقنى زى كدا
انا مكنتش مفكرة انكو هتتأثروا اوى كده بالتفاح ذى المزيج الأكثر حلاوة :))
ReplyDeleteعمرو عزت
انا كنت بسمعها وقت ما بكتب التدوينة دى.. هو فى كذا اغنية حلوة من الألبوم
سويدى
يااا مين قال ان الجزء بتاع التفاح سياسة؟؟ دى كلمة عجبتنى وبس.. حبيت اشاركوكم معايا فيها.. هى مش بتتكلم عن الشر يقدر ما بتتكلم عن حكمة وجوده.. استغفر الله العظيم، فى ناس تلوم الله -حاشا لله طبعا- على وجود الشر، مش بيستوعبوا ان فى حكمة ورا كده، مش بيتعبوا نفسهم حتى يفكروا فى الحكمة دى.. نيتهم مش خالصة يا بنى :))
still breathing
نورتى المدونة :) وعندك حق
عبده باشا
وجه عبوس فقرى!!! جديدة دى
شباب اسكندرانى
والنبى انا كنت سالفة الكتاب من دعاء صاحبتى، هسألها جابته منين :) كتاب رائع ومشوق وجميل وبينقلك لعالم كله خفة وتأمل وبراءة، لو اتحول ورقه لحاجة تانية مش هيليق عليه غير الطيارات والمراكب.. اخوك ذكى D:
مصريون بلا حدود
والنبى يا خويا بتحدث عن وردة فى كتاب مش اكتر
رومانتيك روز
آمين يا رب آمين.. :))
يحيى
شكرا، بس هعتبر ان دى تفسيراتك الخاصة.. فهمك انت للكلام :))
أيوب
جميل اننا متفقين على حكمة وجود السالب والموجب.. راضيين
مش عاجبني حوار اننا راضين بالسالب والموجب ده بيتهيالي السالب طول شويه عايزين نقابل الموجب بقي
ReplyDeleteالوردة التى جفت بين صفحات الكتاب.. طوت الكلمات وانفرطت.. لكنها لا تهجر الكتاب حتى لو صلبت على الهامش العلوى
ReplyDeleteمفيش كلام يعبر عن حبي للجزء ده وصلتله و عيني وقفت عليه مش عايزه تتحرك ومش عارفه اقولك ايه توهتي الكلمات مني
الله عليكي متالقه
المهم هى الأغنية التى تلح على النافوخ وتعبث بخلايا المخ, وهى الأغنية التى لابد أن يغنيها الجميع.
ReplyDeleteاولا أحب أن أبدى إعجابى بمدونتك الرائعة, وثانيا أرجو أن أطمع أن تضيفى عنوان مدونتى الجديدة الوليدة إلى صفحتك المقروءة وعنوانها كالآتى
لو مش هتحلم معايا مضطر أحلم بنفسى
www.hawadeeet.blogspot.com
جامد اوى الجزء بتاع التفاح دة
ReplyDeleteمفيش إضافة ممكن تزود او توضح الحقيقة اكتر.. خير و شر، ظلم و عدل، سالب و موجب.. كول دول موجودين و متضادين و ده سر الحياة.. ايوه انا موافق.
ReplyDeleteبس مش تفاح و تفاح. دي مش مسألة قدرية.. كلنا تفاح. و متنسوش ان التفاح الفاسد ده، كان تفاح طعمه يدوب القلب من اللذة قبل ميفسد!! لو سلمنا ان التفاح الفاسد فاسد و لازم يفضل فاسد يبقى دي اللحظة اللي فيها قلوبنا فسدت.
ربنا خلق الشر و الخير بس مش الإنسان الفسد و التاني الكويس و إلا ملهاش لازمه الحياه و بالتالي مالهاش معنا رحمته و تبقى القصه الكبيره كولاها فالهوا.. حاشى لله..صدقوني، الحياة مش هتكون وحشه لو كل الناس بقوا كويسين. الفاسد هيموت بس اللي جاي طعمه جميل و لازم نعرف ان دورنا نساعد بعض نفضل على الشجره لغايت ما طعمنا يحلو و بعدان نساعد بعض ننزل منها قبل منفسد، عشان يمكن في يوم، في لحظة جوع، نقدر ننفع بلدنا و نسد جوعها.
اما بالنسبة لطعم عصير التفاح لما يكون فيه حبات فاسده، فبلاش حد يجرّب لحسن يتسطل :)
نور
ReplyDeleteقول يا رب
نفرتيتى
اكيد يا نفرتيتى، بس يمكن عصير التفاح اللى عملته مزيج بين الاتنين لضمان افضل مذاق.. فكرة حتمية وجود الشر فى حياتنا عشان التوازن، هيفضل فى خير وهيفضل فى شر وهيفضل فى صراع الى ان يرث الله الارض وما عليها
بسبس
ميرسى يا بسبس :)
bleeding arrow
مبروك المدونة الجديدة، وهحطها عندى حاضر.. ونحلم سوا
ايمان
المذكرات كلها جامدة يا ايمان.. كاثرين دى ما تخلكيش تسيبى الكتاب اللا لما تخلصيه.. جميييييييييييلة
nuriennium
انا موافقاك جدا، بس كل الحكاية اللى من ورا الكلام بتاع التفاح الحلو والتفاح الفاسد، مش اننا نقبل الشر ونعتبره طبيعى ومانحربهوش، بس هى وسيلة لتفسير وجوده من الاصل.. ليه اساسا فى شر، وليه موجود فى حياتنا.. بعد كده نقدر نحاربه واحنا اقويا :)
بمعنى تانى، فى ناس رافضة وجود "الله" سبحانه وتعالى لمجرد انهم مش مدركين ازاى يكون موجود وازاى فى كل الشر والخراب والدمار ده
الحياة لا تخلو من الفاسدين ولكن يجب أن نلاحظ أن الفاسدين هم الذين أختاروا طريقهم وأغراهم كل منافع الفساد وثماره فلم تمنحه النفس الفاسدة التى تسكن بداخله فرصة ليعيد حساباته فقد قتل بسلاح الفساد كل نداء يعلو بالخير داخله وأعلن يحيا الفساد
ReplyDeleteوما أكثر الحكام فى بلادنا الذين يتصفون بتلك الصفات
www.krakeb.blogspot.com
الأخت زيزى لماذا يتم أحيانا مسح بعض التعليقات من المدونة؟
ReplyDeleteحدث لى هذا فى تعليق على كيفية إنشاء مدونة
تحياتى إليك
أحمد التابعى مدونة كراكيب مصرية
www.krakeb.blogspot.com
اولا انا عايزة اشكرك ع المدونة الرائعة دي و اللي عن طريقها اتعلمت يعني ايه تدوين و عملت اول مدونة و طمعت و عملت واحدة كمان ...يا ريت لو فاضية تزوريهم ...يهمني رايك
ReplyDeleteو مرة تانية ....شكرا
www.soosamafroosa.blogspot.com
http://ghadaabdo.jeeran.com