12/06/2006

يا وعدي على الايام دى.. من غير ما نحس تعدي

المطرة.. تجنن
والجو.. حلو اوى
والمشي بمد تحت المطرة.. متعة
والضحك.. للركب
وريحة الأرض بعد المطر.. تهبل
ولسعة البرد المفاجأة ع الوش.. منعشة
واللحظات.. لذيذة
فاضل بس حتة أيس كريم شيكولاتة.. ويكمل الشتا الجميييييييل

دا كان احساسى وانا مروحة النهاردة مع رشا زميلتى.. صحيح هى بصت لى من فوق لتحت لما جبت سيرة الايس كريم.. بس تغاضت عن ترهاتى بما انها بتعتبرنى مجنونة
---
العنوان من اغنية لوليد توفيق

44 comments:

  1. teftekerek magnouna lih ba2a :) getting ice cream during winter time is the trade mark i used to have it with my friends in Alexandria :) we taba3an lazim nekon sa3etha 3ala al ba7r :) winter or no winter: friends, sea, ice cream is beyond time/season limitations :)

    and fyi it's really refreshing :)

    ReplyDelete
  2. بصراحة يا بنت مصرية الجو كان ناقصة شوية برق ورعد مع المطره

    و على العموم مفيش احلى من الغنى تحت المطر فى الشتا و كما الايس كريم بيخلى الجو منعش

    ReplyDelete
  3. أررررر
    متهيألى كوبية شاى أحسن
    أرررررررر

    ReplyDelete
  4. تعرفي انهارده كنت فييييين في الجو التحفة ده في خان الخليلي فعلا التسكع هناك في المطر كان فظيع

    ReplyDelete
  5. النهاردة الدنيا مطرت تانى
    فتحت الشباك على اخره و دلدلت راسى منه
    احساس حلو اوى

    تحياتى لاحساسك

    ReplyDelete
  6. فعلا و الله انا اليوم قررت اني اواعد صديقي و نخرج بعد المطرة نتسكع في وسط البلد و نتفرج ع البلد بعد المطرة لاقينا البلد طينة و مش نضيفة اتخنقنا و روحنا
    بس الايس كريم المرة الجاية عليا

    ReplyDelete
  7. اه شويه ايس كريم ترطب الجو اصله كان حر قووووووووووي

    ReplyDelete
  8. هى زميلتك طبعاً عندها وجهة نظر .
    ..كثيراً ما تكون صائبة

    ReplyDelete
  9. I miss Egyptian winters. It's different here. It's cold, but with no laughter :-)

    ReplyDelete
  10. عندك حق يا زينب
    للاسف مشفتهاش
    :(
    كنت نايمه

    ReplyDelete
  11. جامد جداً الجو اللى انتى بتوصفيه ده بجد روعة وانا بعشة بس بختلف معاكى فى نقطة ؟؟...مبحبش الايس كريم شيكولاتة

    لو كريمة يبقى عنـــب بجد

    ReplyDelete
  12. الجو اروع ما يكون
    المطر بيغسلنا قبل ما بيغسل الشوارع
    انا عملت كده امبارح واول
    امبارح بالذات نزلت ومشيت في عز المطر رغم انها كانت ضعيفة واشتريت ايس كريم ولوحدي وقعدت اضحك على الناس اللي بتجري في الشارع

    ReplyDelete
  13. والاحساس من اغنية العسيلي
    مجنونة
    ههه
    :)

    ReplyDelete
  14. انا باختلف معاكي في جزء من احساسك
    انا من كفر الشيخ،و المطر عندنا عنيف جدا .الدنيا مطرت يوم الاربعاء فقط ولم تمطر الخميس لكن يوم الاربعاء كان يوم فيه الشفا و الفايده زي ما بيقولوا
    المطره بدات بالبرق يا اخ البيجاسوس بدات بالبرق و الرعد لمده زادت عن النصف ساعه ثم عينك ما تشوف الا النور اظلمت السماءو هاتك يا مطر
    و الشمس ظلت غائبه اكثر من ساعتين
    لكن الجو اتحسن اليوم و الحمد لله

    ReplyDelete
  15. ايه يا عم هي المفروض تحس بكل المحافظات
    انت شايفها تمثال نهضة مصر
    دي حتي اسمها زينب مش بهية
    :)

    ReplyDelete
  16. This comment has been removed by a blog administrator.

    ReplyDelete
  17. This comment has been removed by a blog administrator.

    ReplyDelete
  18. انا اللي كاتب اللي ممسوح ده لان البلوج كان بيهنج ويقولي ساين ان

    ReplyDelete
  19. ومش عارف امسحه
    ربنا بيعاقبني علي لماضتي
    ايه البلوج ده
    انا متنرفاااااااز

    ReplyDelete
  20. انا بردو بعشق الجو دا

    وفعلا مع ايس كريم يبأ ملوش حل


    http://nightlyhartalh.blogspot.com/

    ReplyDelete
  21. اتمسح خلاص
    زغرودة بقه

    ReplyDelete
  22. 2 B || ! 2 B ®
    اه بجد بتقول عليا مجنونة
    وبتقولى كمان انها لما تشوف حد بياكل ايس كريم فى الشتا بتتريق عليه، عشان كده هى اصرت ماندورش على ايس كريم
    بس هحاول اقنعها
    :)
    لما بكون مع اختى وبنت خالتى دايما بنجيب ايس كريم فى الشتا
    ----


    pegasuselmasry
    اه، انت كنت عايز شوية اكشن بأه :) مش عارفة ليه بخاف من البرق والرعد
    مش برتاحلهم ، البرق بالذات
    ----

    أدهم
    لا.. اررر دى قولها لما ندخل طوبة وامشير، لسه بدرى على ارررررر
    :D
    -----

    توتة توتة
    اه يا لذيذ يا رايق
    هو دا المزاج
    ----

    shaimaa
    انا فضلت اتفرج على المطرة ومبهورة بيها زى ما كون بشوفها لأول مرة، انا بموووت فيها.. قعدت ادعى كتير اوى وخصوصا كل ما تزيد المطرة احس ان باب السما بيتفتح اكتر واكتر
    ----

    foxamr
    هو دا عيبه، ان مصر بتغرق فى شبر ميه
    والطينة والمستنعات.. بنتحول فى ثوانى لغابة من غير اشجار
    بس مش مشكلة فدا عيون الجو دا ان شوزاتنا وهدونمنا تتبهدل شوية
    :D
    ----

    daktara
    فعلا يا خويا عندك حق... هاتلى معاك
    هههههههه
    -----

    رجل من غمار الموالى
    اللى هى ايه بأه؟ اولا الجو مكنش تلج اوى عشان تتحجج، الجو كان مصرة بس
    ثانيا اكل الايس كريم فى الشتا احسن من الصيف على الاقل مش بيسيح ويغرق الدنيا.. :))
    ---

    Organic-Muslimah
    مممم، تقدرى تخلى انتى لحظات سعيدة .. ناس كتير هنا بردو مش بيبقوا مبسطوين لما تنزل المطرة
    بس انتى اتجدعنى وانزلى مصر فى الشتا وليكى عندى عزومة ايس كريم تحت المطرة

    بتكلم جد على فكرة :)
    ----

    Dananeer
    ولا يهمك يا دنورة :) الشتا لسه طويل
    ----

    elkamhawi
    عنب عنب عنب... ماشى يا سيدى، مش هنختلف كتير.. ها تحب حاجة تانى مع الكريمة؟
    ----

    bluestone
    والنبى انتى جدعة
    بعد كده كل ما اجى اكل ايس كريم هفتكرك واتخيل اننا بناكله سوا
    تحيا رابطة ايس كريم المطرة :)
    -----

    3rby
    وماله يعنى بحب الاغنية دى بردو :))
    فكرتنى صحيح انا نسيت ارد عليك فى تعليقك على التدوينة اللى فاتت يا استاذ
    انت بتستغرب من موقفى وترد على نفسك .. طبيعى لما بسافر على طريق كل يوم عينى بتاخد عليه ومش بيلفت انتباهى، لكن لما تحصل ظروف تخلينى اركز مع مكونات الطريق دى - وكانت فى حالتى انا مساحات خضرا وزرع- يبقى لازم احس انى بشوفه لأول مرة واتأثر بيه كمان
    صح؟
    ----

    ذو النون المصري
    ما هو المطرة عندنا مكنتش هادية بردو، كانت عنيفة
    انا عارفة طبعا ان ساعات لما تكون عنيفة الناس ببتأذى منها، ويمكن تفضل ايام مبوظة الشوارع وقالبة الجو
    بس مش عارفة ليه دايما بحس المطرة خيير
    ومتعودة انى امشى فيها.. بحب كده اصلا.. حتى لو كانت سيول.. بتبقى من اسعد لحظات حياتى
    ----

    3rby

    احسن .. عشان تبطل تلامض مع الناس يا احمد :P
    ---

    King A.S.R
    اها، دا الظاهر انى هعزم ناس عكتي رعلى الايس كريم.. لا كل واحد على حسابه احسن :)

    ReplyDelete
  23. hehee inti 7'ateera ya benty. I love the way you write :)

    And 7'alas ya3ni nishoof kalam il sitat dah we 3ozomot il ice cream we il kalam il kibeer dah kolo :)

    like to exchange emails with ya
    organicmuslimah@gmail.com

    ReplyDelete
  24. لخصتي الاحساس الشتوي الممطر العظيم كله في كلمتين جامدين جدا

    تحياتي لحبك للشتاء والمطر

    ReplyDelete
  25. انا بقى عكسك تماما انا بكره الشتا و بموت في حاجة اسمها صيف على الأقل الواحد بيعرف يستحما في أي وقت.

    ReplyDelete
  26. بجد بجد كل مقرا بوست ليكى يا بنت مصر بحس فعلا انك فنانه وانك روعه انا ببقى فى عز المطره ونفسى اكل ايس كريم واشرب برتقال فريش وافضل امشى تحت المطره واستغرب الناس ليه بتجرى من المطره مع انها نعمه من نعم ربنا علينا لمطره دى بتحسى فيها انك حره سعيده كل حاجه حلوه
    فعلا ياوعدى على المطر
    ياريت تعدى على مدونتى وشوفيها
    وسلاااااااااااااام

    ReplyDelete
  27. دعوة لرد الاعتبار للشعب المصري وشهدائه في الذكري الثلاثين لانتفاضة يناير 1977

    ReplyDelete
  28. يااااااااه جميل قوي ممكن اجي بس انا بحب اللمون في الشتا
    :-)

    ReplyDelete
  29. أنا الدنيا مطّرت عليا وأنا راجع إلى البيت عند محطة الدمرداش ووصفك بالضبط بس المشكلة الأساسية افتقار منطقة محطة المترو (الدمرداش) إلى أية باعة "للأيس كريم"!!

    ReplyDelete
  30. بحب المطر جدا وخاصة جو الشتاء لو بردت الدنيا .. بنشتاق للصيف ولكن اكثر للمطر ، والشتاء وانا لا أعرف ليش في ناس تخاف تمشي تحت المطر وتهرب من المطر وتستعمل مظلة تقيها من المطر ن ليش هو مؤذي شيء ؟؟

    ReplyDelete
  31. أنا كمان أحب المشي تحت المطر، لكن تحت مطر الصيف، ألبس تي شرت خفيف على اللحم وشرط وصندل مفتوح واتمشى لساعات في ضاحيتنا الهادئة
    طبعا أمطار الصيف، هنا في ألمانيا تمطر صيفا وربيعا وخريفا وجزء من الشتاء قبل سقوط الجليد
    الفارق بين أمطار القاهرة والمطر هنا أنها تمطر بزمة وبدون رحمة قد يستمر لثلاث أيام بلا هدنة

    هانوفر، ألمانيا

    ReplyDelete
  32. مفيش اجمل م المشى تحت المطر
    و التنطيط
    نا يكملك بجنانك
    سيبك من الناس
    كل واحد مجنون بطريقته

    ReplyDelete
  33. طوبه طوبه طوبه كلنا كده عايزين طوبه
    طوبه للشعب الغلبان تحت الشمسيه المكسوره

    ReplyDelete
  34. عندك حق00الجو جميل والمطرة حلوة00لكن موضوع الهوا منعش ده 00ماعتقدش 00كل ماخدلي نفسين تجيلي حساسية 00ربنا يشفي
    أنا غيرت المدونة بتاعتي على فكرة 00ابقي زوريها بقى
    INHERLOVE.WORDPRESS.COM

    ReplyDelete
  35. يا احلى بنت مصرية
    اكل الايسكريم هو ده احلى حاجة تتعمل لما الدنيا تمطر
    انت صح و تعجبيني
    معلش مع احترامي الشديد لصحبتك لكن يمكن معندهاش مزاج اوي زيك كده
    فرحتيني والله دلوقتي حاسه اني مش لوحدي في حكاية اكل الايس كريم في عز البررررررررد
    و كمان باكله لما يكون عندي زكام
    والله اسرع طرقة تطير البرد هي الحاجات الفروزن
    بتقتل الميكروبات و الفيروس طوالي

    سلام

    ReplyDelete
  36. ياااااااااه
    من زمان ما قابلتش حد بيحب الشتا كده
    بجد البوست يجنن

    بحب الشتا..عاااا

    ReplyDelete
  37. شد لحاف الشتا م البرد
    كتابتك جميله
    ................
    فى مدونين كتير كاتبن عن الشتا
    انا كمان مجهز بوسط عن الشتا
    بس مأجلة لظروف كده يعنى

    ReplyDelete
  38. السلام عليكم..بصراحة..أنا مبحبش المطر..المطر جميل وشكله آه..لكن أنا مبحبوش لسبب تاني خالص..بيخلي بابايا ميروحش الشغل ولو ما رحش الشغل بتبقى مشكلة بالنسبة لي لأنه بيفضل قاعد في البيت!!
    على فكرة الآيس كريم في الشتا مش وحش بالعكس ده بيدفي!وإن مكنتيش مصدقاني راجعي رواية (الموت لا يأتي مرتين)للدكتور نبيل فاروق ضمن سلسلة رجل المستحيل على ما أظن..
    وآدي عنوان مدونتي الجديدة..
    http://timetoduel.blogspot.com
    شكراً يا أختي..

    ReplyDelete
  39. الأيس كريم لازم يكون فانيليا لو سمحتى. أنا بستنى الشتا علشان أنزل ألعب فى المطر. يا بختكوا يا سكان الاسكندرية.

    ReplyDelete
  40. طب انا موجود هنا بقة
    فين الايس كريم ده
    مشفتش حاجة يعني

    ReplyDelete
  41. مزمز
    ميرسى :) صورتك حلوة اوى .. سكر
    ----

    Pelado
    انا كمان بحب الصيف.. عشان اسكندرية والنهار الطويل والايس كريم بردو
    :D
    ---

    fnan_geology
    الله يكرمك.. فكرتنى بالبرتقان، وحشنى اشربه عصير.. بس باكللى كل يوم برتقانية حسب توصيات مامتى
    ---

    أم العيال
    تعالى بس، وطلباتك اوامر
    :)
    ---

    علاء الدين
    دى مشكلة جامدة فعلا.. انا كمان مفيش فى الشارع بتاع الشغل بتاعى حد بيبع ايس كريم.. لازم امشى كتير عشان الاقى... دى ازمة قومية لازم نفكر فى حل ليها
    ---

    d.adam
    لا مش مؤذى ولا حاجة.. بس الناس بتخاف على هدومها باين وللا ايه
    ---

    نديم
    ماليش دعوة انا عايزة اروح المانيا.. انت خلتنى احب مطر الصيف ده اوى.. مابتحصلش كتير عندنا.. انا فاكرة مرة فى لصيف قبل اللى فات مطرت فى شهر ستة وبقيت مش مصدقة نفسى من الفرحة
    ----

    أنا حرة
    امين :))
    ---

    مبرمج حر
    هو فى ايه؟
    ---

    د/أحمد المصري
    استنى بس.. الجو يومها كان منعش فعلا مش برد ومش ساقع ومتلج كده زى يناير وفبراير. .الجو كان يهبل
    ---

    حفصوتشا أم مصطفيتش
    لما تاكلى ايس كريمتيش فى عز البرد.. ابقى افتكرى زينبتشا بنت مصريتش
    :D
    ----

    ايهاب توفيق
    وانا كما بحب الشتا يااااا
    ----

    maخlouf
    ميرسى يا باشا على التعليق ، خطوة عزيزة اوى.. مستنيين البوست بتاعك بأه
    ورسمة جامدة كده
    ;)
    ---

    د.محمد الوكيل
    ههههههههه
    السبب بتاعك نكتة جامدة اوى :)) حلوة
    ممممم لأسف انا معرفش حاجة فى روايات رجل المستحيل.. مكنش ليا غير فى ميكى وكده
    ----

    ايمان
    انا بحب فانيليا كمان.. ماختلفناش يعنى.. عندك حق بجد، يا بخت اهل اسكندرية
    ----

    بن عبد العزيز
    يا سيدى ولا يهمك المرة الجاية يبقى فيها ايس كريم
    تحبه ايه؟

    ReplyDelete
  42. ana b3sh2 elmtr ya bnty wallahi w b7bt elshta moot ..ama shta w ice cream fda yb2a gw 7'orafy bgd

    ReplyDelete
  43. الشتاء جميل

    والدينا وهيا بتمطر...بتبقى جميلة بجد

    والايس كريم كان هيبقى مناسب جداا

    ReplyDelete
  44. طب اقلك سر عملتها انا وصحبتي في عز التلج بس كانت فكرتها
    وانا بجناني طاوعتها
    الحمدلله مطلعناش لوحدنا
    بس ده مش جنان جنان
    هو جنان حلو وعلى فكرة كانت اجمل مرة اكل فيها ايس كريم
    تخيلي بنتمشى فالجامعة بالايس كريم فعز الشتا والكل فاكرنا مجانين
    بس محدش غيرنا يعرف اننا مستمتعين لو جربوا كانوا قلدونا

    ReplyDelete