من قلبى سلام لبيروت

من فضلك، اقف دقيقة حداد على شهداء لبنان
واقرأ الفاتحة لنفسك
هما خلاص، فى رحمة ربنا
لكن انت تحت رحمة حكومات فاسدة

غنى يابهية 7يونيو

تفاصيل الدعوة عشان خاطر عيون المجمعات اللى مابتظهرش الصور

الحفل الأول الذى ينظمه المدونون المصريون

غنى يا بهية

الأربعاء 7 يونيو2006

الساعة التامنة

مسرح الدور الأول -نقابة الصحفيين

الدعــــــــوة عامـــــــــــة

---------------

بالإنجلش عشان الكائنات الفضائية :)

The Egyptian Bloggers' 1st Concert

Oh Baheyya, Sing

Wed. june 7th 2006

The Journalists' Syndicate

1st Floor Theatre

شرقاوى

كل اللى أنا متأكده منه دلوقتى.. إن الحفلة دى لازم تتنفذ.. ولازم تنجح.. ولازم يتم دعوة وكالات أنباء وجهات إعلامية وصحفيين كبار.. عشان الناس تعرف اللى حصل مع الشرقاوى.. عشان الناس تعرف النظام ده اتجنن ازاى

لو تقدروا تساعدونا فى تنظيم الحفلة ما تتأخروش
لو تقدروا تيجوا ما تتأخروش
لو تقدروا تنشروا دعايا ليها ما تتأخروش

ربنا حطنا فى طريق النظام.. من حيث لا يدرى، او حط النظام فى طريقنا.. المهم ان المواجهة لازم تكون قوية وذكية وغير تقليدية

كيف تنشىء مدونة

يبدو أن وثائقى المدونين على الجزيرة سره باتع
اعتقد ان التدوين دخل مرحلة فاصلة فى الانتشار
وحقق خطوة كنا ممكن نبذل فيها مجهود جامد اوى وفرته علينا الجزيرة

وصلتنى ايميلات من مدونين جداد ابتدوا يعرفوا عن التدوين ويهتموا بيه بعد الحلقة..بسرعة كده :))ه

وكانت اغلب الاستفسارات عن حاجات متعلقة بكيفية التدوين وكده، وبصراحة انا فكرت -ونفذت كمان- فى صفحة تشرح الموضوع بالتفصيل من اول فتح حساب فى بلوجر لحد وضع لينكات وصور فى السايد بار

كان عندى ملف اشتغلته من كام شهر للمجلة اللى كنت بشتغل فيها
واضفت كمان الجزء المتعلق بتنسيق المدونة والتعديل فى قالبها

يا رب تفيد كل المهتمين يكون عندهم مدونات

المهم يعنى، لما حد يبعت لكم استفسارات ممكن بسهولة توفروا على نفسكم مجهود الشرح والوقت كمان وتبعتوا لينك الصفحة: أ،ب...ي: تدوين